Tilfinningar tengdar Hótel Valhöll.

Það er ósköp að horfa upp á þetta hús brenna til grunna, en þar sem ég gifti mig á sínum tíma í Þingvallakirkju, var haldin veisla fyrir nánustu í Hótel Valhöll, eins og sennilega á við um fleiri en mig.

Maðurinn minn heitinn og barnsfaðir lét síðan líf sitt, síðar sjálfur í bruna sem varð mikið fréttaefni, þannig að eldsvoðar hreyfa óhjákvæmilega enn meira við mér.

Þessi dagur situr hins vegar enn í mínu barnsminni vegna þriggja sem fórust á Þingvöllum sama dag einnig í eldsvoða en þar var um að ræða Bjarna  heitinn Benediktsson og fjölskyldu.

Það er sérkennileg tilviljun að þessi bruni skuli verða sama dag.

kv.Guðrún María.

Valhöll brennur til grunna

Hver vitleysan á fætur annarri frá þessari vinstri stjórn.

Ég er ansi hrædd um það að ýmsir hugsi með sér nú um stundir að lengi geti vont versnað, og flest allt er komið hefur frá þeirri ríkisstjórn sem settist við valdatauma eftir síðustu kosningar er sannarlega ekki það almenningur taldi sig hafa verið að kjósa sér til handa.

Að VG og Samfylking færu að blessa gjaldþrota tryggingarfyrirtæki, og veita fjármunum úr ríkissjóði í kreppu, á sama tíma og búið er að tjalda fram samningum  þar sem setja skal á þjóðina í heild á hausinn, af einkavæðingaræðibunugangi öfgafrjálshyggjunnar sem allur fór í hundana.

Því til viðbótar er búið að hækka og hækka skatta á skatta ofan meðan engin raunhæfur niðurskurður hefur farið fram hjá hinum annars umfangsmikla opinbera kerfi, líkt og það viðhaldi sjálfu sér sjálfkrafa einhvern veginn.

Á sama tíma kemst hinn vinnandi maður ekki gegnum skuldabyrðina af verðlausum eignum, sem hann situr uppi með.

Engar hugmyndir um atvinnusköpun, af hálfu ráðamanna, það á víst að koma af sjálfu sér meðan hvatinn til að vinna vegna skatta er lítill og verðtrygging lána viðheldur og hækkar fjárskuldbindingar og verðlag allt með hinni heimskulegu samtengingu þeirrar ráðstöfunar.

Ég hef leyft mér að efast um það að þessir flokkar ráði við það að stjórna landinu.

kv.Guðrún María.

Samfylkingarráðherrann getur ekki viðurkennt mistök.

Ég sé ekki betur en þessi ríkisstjórn ætli að toppa fyrri ríkisstjórnir og þá er mikið sagt.

Auðvitað urðu mönnum á mistök við að búa til og undirita samning sem ekki er mögulegt að hægt sé að láta ganga upp, hvað annað og því fyrr því betra sem menn viðurkenna þau hin sömu mistök.

kv.Guðrún María.

Svarar ekki fræðilegum spurningum

Sögulegt pólítiskt meðvitundarleysi gagnvart þjóðarhagsmunum.

Þegar troða þarf flokkshagsmunum og stefnumálum gegnum Alþingi í krafti meirihluta þá er það alla jafna forgangsmál.

Meðvitundarleysi stjórnarflokkanna er hins vegar algjört að taka þetta mál á dagskrá nú þegar enn er ekki útkljáð deiluefni gagnvart þjóðum Evrópusambandsins og í raun öllu Evrópusambandinu.

Tímasetning málsins er því pólítiskt meðvitundarleysi. 

 

 

 

kv.Guðrún María.

Önnur umræða um ESB á morgun

Stórfurðulegt viðhorf fjármálaráðherra.

ER þetta forsjárhyggjan í allri sinni mynd, eða hvað  ?

 

kv.Guðrún María.

Hefðu ekki getað tekið við viðskiptavinum

Stjórnsýslan og ákvarðanataka hér á landi.

Hvers konar stjórnendur hvar sem eru við stjórnvölinn í embættismannakerfi ríkisins, þurfa að taka þær ákvarðanir sem þarf að taka eins fljótt og auðið er, en sá aldagamli vani að afgreiða mál illa og seint hefur verið viðtekin venja hér á landi, því miður.

Stjórnsýslu og upplýsingalög voru afar mikilvæg lagasetning að mínu viti en hins vegar skortir á um viðurlög varðandi það atriði að hið opinbera fari ekki að þeim hinum sömu lögum.

Virkni eins þjóðfélags hefur með það að gera hver eftirfylgni ákvarðana er, hvarvetna á hverjum tíma og það gildir að sjálfsögðu gagnvart alþingi og ráðamönnum við stjórnvölinn að fyrirbyggja hvers konar annmarka við lagasetningu og reglugerðir.

Gamli fjórflokkurinn hefur verið duglegur að troða sínum mönnum að hvar sem er við ríkisstjórnarskipti en hinn gamli valdapýramídi fjórflokksins er barn síns tíma því krafa almennings um árangursstjórnun mun verða enn hærri en áður á komandi timum.

kv.Guðrún María.

 

Auðvitað þarf að spyrja um kostnað, átti kanski að sleppa því ?

Ég fagna þessari kröfu Guðfríðar Lilju, hún stendur sig vel í þessu efni og spái því að hún verði framtíðarleiðtogi í íslenskum stjórnmálum með drifkraft hugsjóna og sannfæringar.

Ef einhvern tímann var þörf að kostnaðarmeta hvert eitt einasta atriði sem Alþingi ályktar um þá er sá tími núna.

kv.Guðrún María.

Fundi utanríkismálanefndar um ESB-mál frestað

Galin ráðstöfun einnar ríkisstjórnar.

Það er sannarlega afar illa sýnilegt að ein ríkisstjórn skuli hlaupa til með milljarða til þess að bjarga einu vátryggingafyrirtæki sem mun nær væri að færi hreinlega á hausinn, ,meðan fjöldagjaldþrot blasa við heimilum þessa lands.

Allt öðru máli gegnir um kröfur sem lúta að ábyrgð iðgjalda sem innifelur lögbundin atriði.

 

kv.Guðrún María.

 

 

16 milljarðar inn í Sjóvá

Hin týpíska tækifærismennska í íslenskum stjórnmálum.

Um að gera að setja vandamálið úr eigin ábyrgð yfir á samstarfsflokkinn.

 

 úr fréttinni.

 " Hafðirðu ekkert heyrt af þessu áliti?

„Nei, en mér er sagt það sé til, ekki í mínu ráðuneyti, heldur í fjármálaráðuneytinu.“

– Af hverju var það ekki lagt fram?

„Að því er okkur varðar í utanríkisráðuneytinu, þá er það einfaldlega vegna þess að gögnin voru ekki þar og menn kannast ekki við þau.“

– Þú veist ekki af hverju fjármálaráðuneytið lagði þau ekki fram?

„Nei, ég hef ekki vitað af þessu og það er klárt að ég fór ekki með það af þessum fundi.“

„Mér er sagt það sé til“

Þvílíkur afdala aulaháttur, hvað skyldi þetta kosta ríkið ?

Það er með ólíkindum að lesa að enn skuli svona aðferðafræði til staðar hér á landi þ.e. að ekki sé hægt að höndla mál innan stjórnkerfisins nema þau fari heilan hring í stjórnkerfinu, sem aftur kann að verða til þess að viðkomandi málsaðili fer hugsanlega í mál við ríkið og krefst skaðabóta.

Hef ekki hugmynd um hvers eðlis mál þetta er vaxið en það breytir ekki stórfurðulegri málshringferð.

 úr fréttinni.

" Yfirstjórn Heilbrigðisstofnunar Austurlands leysti Hannes ótímabundið frá störfum í febrúar vegna gruns um brot í starfi og fór fram á rannsókn lögreglunnar á Eskifirði. Bæði ríkissaksóknari og lögreglustjórinn á Eskifirði vísuðu málinu frá í vor vegna ónógra sönnunargagna. Það fór þá í hendurnar á landlækni og Ríkisendurskoðun, sem vísaði málinu áfram til saksóknarans sem nú hefur sent málið aftur heim í hérað. "

kv.Guðrún María.

Mál læknis sent heim í hérað á ný