Kjarabarátta í ógöngum hér á landi sem endranær.

Hvers vegna í ósköpunum hefur ekki verið hægt að koma því í kring að eitt stéttarfélag starfsmanna LSH, sé samningsaðili við ríkið um laun, með allar þær starfsstéttir innanborðs ?

Vissulega skal það viðurkennt að nú er verið að reyna að gera stofnanasamning þ.e. samning sem á við um þá hina sömu starfssemi við félag hjúkrunarfræðinga, en félag hjúkrunarfræðinga er sannarlega ekki eina stéttin sem starfar á LSH, heldur fullt af öðrum félögum s.s sjúkraliða, ófaglærðra, lækna og annarra sem einnig eru hluti af þeirri keðju sem inniheldur eitt stykki sjúkrahús á Íslandi.

Hvers konar tilraunir til þess að verðmeta eigin fag of hátt umfram aðra, eins og mér fannst því miður koma fram í máli formanns félags hjúkrunarfræðinga í Kastljósi kvöldsins varðandi það að álag hefði bitnað meira þeirri hinni sömu starfsstétt en öðrum, er lítt til þess fallið að skapa þá sátt og þá samvinnu sem Lög um réttindi sjúklinga kveða á um að skuli ríkja til handa þeim hinum sömu.

Vissulega er til staðar samúð hjá mér gagnvart erfiðum aðstæðum þeirra sem taka laun á vinnumarkaði en sitja uppi með skuldir hvaða stétt og staða sem þar á í hlut.

Hópuppsagnir sem hluti af kjarabaráttu er hins vegar afskaplega leið aðferð til þess að ná fram kjarabótum að mínu álti, einkum og sér í lagi á eina neyðarsjúkrahúsi landsins, til handa einni stétt þar innan dyra.

 

 

kv.Guðrún María. 

 

 

 

Með 381 þúsund í dagvinnulaun

Hvernig væri að fá tölur um laun upp á borðið í þessu efni ?

Hvaða tölulegar upphæðir eru hjúkrunarfræðingar að fara fram á ?

Er aukið vinnuframlag skiptimynt í því efni líkt og svo oft áður svo ekki sé minnst á stjórnunarnám allra handa sem svo mjög var í tisku hér um tíma að koma inn í samninga þessa ?

 Hvaða prósentutölulega hækkun launa eru hjúkrunarfræðingar að fara fram á og hve mikla prósentutölulega hækkun er ríkið að bjóða ?

 

kv.Guðrún María. 

 

 

„Hvergi nærri nóg“

Framsóknarflokkurinn er afl nýrra tíma á Íslandi.

Mér kæmi það ekki á óvart að Framsóknarflokkurinn muni að loknum næstu þingkosningum verða með sterkari stöðu en áður í íslenskum stjórnmálum.

Ástæðan er einföld, flokkurinn hefur staðið vörð um hagsmuni íslensku þjóðarinnar í stjórnarandstöðu jafnt sem við stjórnvölinn gegnum tíð og tíma.

Hófsamur miðjuflokkur sem þorir að taka afstöðu til mála allra hverju sinni, og standa við þá hina sömu afstöðu.

Öflugt fólk á Alþingi og nýtt fólk í framboði fyrir flokkinn vekur vonir um styrkari landsstjórn á komandi árum.

 

kv.Guðrún María. 

 

  

 

Framsókn eykur verulega við sig

Er samhæfing meðferðarstofnana í lagi hér á landi ?

Svar mitt er Nei, svo hefur ekki verið.

Lokuð meðferðarúrræði fyrir börn sem ánetjast fíkniefnum hér á landi hafa ekki annað þörf mér best vitanlega í áraraðir, má þar nefna BUGL, og Stuðla og einhver heimili úti á landi með nokkur pláss til þess arna.

Vogur er opið úrræði án samstarfs við barnaverndarnefndir sem ég tel skort á samhæfingu, hvað börn varðar, þar sem barn getur gengið þangað inn í meðferð og út sama daginn.

Stuðlar í Reykjavík eiga að anna öllu höfuðborgarsvæðinu þar með talið Kópavogi, Hafnarfirði, Seltjarnarnesi og Mosfellsbæ, til þess að taka ungmenni til neyðarvistunar í ástandi af völdum vimuefna.

Fyrir löngu löngu síðan hefði annaðhvort þurft að auka starfsseminna ellegar koma á fót slíkum stað í nágrannasveitarfélögum við höfuðborgina.

Það hefur ekki verið gert.

Fjármagn í þennan málaflokk hefur ekki fengið forgöngu til þess að grípa inn í af alvöru og fjársvelt Lögregla ber hitann og þungann af vandamálum þessum allra handa nú sem fyrr, því miður.

kv.Guðrún María.

„Þetta er ekki skaðlaus planta“

Ríkisstjórnarflokkunum væri nær að biðjast afsökunnar.

Allra handa útskýringar fljúga nú um víðan völl svo sem hér má sjá frá Árna Þór þingmanni VG þess efnis að " tilviljun " hafi orðið gæfa Íslands..... í málinu.

Sú er þetta ritar gekk ekki á Bessastaði kaldan dag í janúar til að skora á forseta landsins, fyrir " tilviljun " ....

Til þess var rík ástæða, réttlætisvitund minni hafði verið misboðið af hálfu sitjandi ráðamanna sem hugðust gera þjóðina ábyrga fyrir því sem ekki var hennar í raun.

Ríkisstjórnarflokkunum væri hollara að biðjast afsökunnnar á eigin afglöpum í þessu efni.

kv.Guðrún María.

Tilviljun hvernig Icesave-málið þróaðist

Ríkisstjórnin skuldar forseta Íslands þakkir, fyrir framgöngu í málefnum landsins.

Nú er það ljóst að afar snautleg ríkisstjórn sem vildi láta þjóðina samþykkja Icesaveklafann, hefur fengið congret niðurstöðu Efta dómsstólsins þess efnis að Íslandi bar ekki að undirgangast slíka samninga, eins og núverandi ríkisstjórn hugðist gera með lagafrumvarpi frá Alþingi.

Inngrip forseta lýðveldisins og höfnun þjóðarinnar í atkvæðagreiðslu þar að lútandi, gagnvart óréttlátum samningum sem þar voru bornir á borð, sýndi og sannaði að það var rétt ákvörðun forseta að vísa málinu til þjóðarinnar.

Ríkisstjórnin skuldar forsetanum þakkir.

kv.Guðrún María.

Icesave aðeins „fótnóta í sögunni“

Um daginn og veginn.

Það er búið vera hamagangur í veðurguðunum síðustu daga og þruma og elding fylgdi restinnni af éljum og rigningarbaráttunni hér í dag.

Það er annars sérkennilegt að upplifa janúar þar sem tún eru farin að grænka vegna hitastigs yfir frostmarki og allt að því vorleysingar komnar til sögu.

Ótrúlegt og vissulega spyr maður hvað er i gangi ?

Það virðist kuldi í heimsókn í lok komandi viku en hvað svo ?

Verður vorið kalt fram á sumar eða haldast hlýindi ?

Síðasta sumar var með því þurrasta sem ég man eftir en auðvitað er ánægja yfir sól og blíðu, en úrkomumagnið var afskaplega litið fyrir jarðargróður.

Breytingar á veðurfari er eitthvað sem maður spekúlerar óhjákvæmilega í og veltir fyrir sér frá tíma til tíma.

kv.Guðrún María.

Get ekki fengið íbúð hjá Öryrkjabandalaginu.

Ég ræddi við Öryrkjabandalagið í haust til þess að athuga hvort ég gæti fengið íbúð á leigu hjá þeim eftir að Hafnarfjarðarbær ákvað að vísa mér, nú öryrkja út úr félagslegri leiguíbúð,

(vegna þess að ég gat ekki greitt niður eldri skuld ásamt leigugreiðslum mánaðarlega.)

en Bæjarfélagið gat ekki beðið eftir því að tjónsuppgjör vegna slyss sem ég varð fyrir sem starfsmaður bæjarins í minni vinnu kláraðist, þannig að ég gæti hugsanlega greitt niður þá hina sömu skuld....

Svarið var Nei,um íbúð á leigu hjá Öryrkjabandalagiu, þeim sem er vísað út vegna skulda fá ekki íbúð á leigu hjá Öryrkjabandalaginu........................

Hins vegar kom Öryrkjabandalagið mér í samband við Réttargæslumann fatlaðra sem sendi bæjaryfirvöldum áskorun um úrlausnir, en þvi miður það var hundsað hvað mig varðar, en réttargæslumaðurinn fékk svar frá bæjarstjóra þess efnis að við mig yrði haft samband...........

Með öðrum orðum, þá er víða pottur brotinn.

kv.Guðrún María.

Öryrki stefnir Reykjavíkurborg

Ríkisstjórn vinstri flokkanna hyggst slá sig til riddara á því að breyta stjórnarskránni " einhvern veginn ".

Aldrei skyldi stjórnarskrá landsins lögð undir sem pólítíkst deilumál í aðdraganda kosninga eins og nú er lagt upp með í raun.

Tillögur stjórnlagaráðsins sem ríkisstjórn þessi skipaði og gat samt sem áður ekki tekið til þinglegrar meðferðar eru meira og minna það gallaðar að betur hefði verið heima setið en af stað farið.

Ríkisstjórnin hyggst eigi að síður halda áfram með mál þetta á hundavaði fyrir kosningar að nýju til þings, með það eitt að markmiði að slá sig til riddara einhvern veginn, með sjálfa stjórnarskrá landsins.

Afgreiðsla úr nefndinni eftir þjóðaratkvæðagreiðslu um mál þetta virðist hafa þýtt 40 breytingatillögur á mjög stuttum tíma, og andstöðu þriggja nefndarmanna við afgreiðslu málsins......

Hvað svo, deilur um breytingar á stjórnarskrá sem yfirtaka tíma Alþingis fram að kosningum ?

kv.Guðrún María.

Stjórnlagafrumvarpið afgreitt

Fínt fyrir VG að íhuga leiðir, við skuldug heimili, tíu mínútum fyrir þingkosningar.

Vinstri hreyfingin Grænt framboð er búin að sitja tæp fjögur ár í ríkisstjórn landsins, en hefst nú handa rétt fyrir þingkosningar að " íhuga leiðir " til þess að koma til móts við skuldug heimili.....

Og hver skyldi hugmyndafræðin vera í því efni ?

Jú,
" sækja vatnið yfir lækinn ",

þ.e leggja á skatta sem síðan skyldi nýta til þess arna samkvæmt útskýringu formannsins,

í stað þess að lækka einfaldlega skattaálögur um tíma.

Með öðrum orðum þegar fólk er búið að missa húsnæði sitt þá þarf það að bíða á götunni uns tekist hefur að innheimta skatta til þess að lækka kostnaðinn, eða hvað ?

kv.Guðrún María.

Aðstoði skuldug heimili