Sama niðurstaða og Framsóknarmenn samþykktu 2012.

Það er ánægjulegt að Sjálfstæðismenn hafi samþykkt ályktun með sama orðalagi og Framsóknarmenn gerðu fyrir ári síðan, hvað varðar Evrópumálin, þess efnis að hagsmunum Íslands sé best borgið utan Evrópusambandsins.

 

kv.Guðrún María. 

Ekki meirihluti fyrir ESB næsta kjörtímabil

Góa gengur í garð.

Það er konudagurinn í dag og þar með lýkur Þorra og Góa gengur í garð.

Hér sunnanlands hafa verið ótrúleg hlýindi það sem af er vetrar og gróandinn sýnilegur um allt.

 

 Gróandinn er alls staðar á uppleið eins og ef til vill má eygja á þessum myndum sem ég tók hér í Fljótshlíðinni í dag.

 

Dagurinn lengist og sannarlega styttist í vorið, en það er febrúar... 

 

 

 

 

 

 

 

 

 

 

 

 

 

 

Lýðskrumið nær nýjum hæðum.

Hreyfingin ber hausnum við steininn varðandi það að reyna að verja óbreyttar tillögur um breytingar á stjórnarskrá, sem engin sátt er um á þingi, og viti menn nú skal það notað og nýtt í pólítískum eiginhagsmunatilgangi um að fella ríkisstjórnina, kortéri fyrir kosningar................................

 

Hvað næst ?

 

 

kv.Guðrún María. 

Vantrauststillaga lögð fram

Skilgreina þarf gæðastig samfélagsþjónustu, heilbrigðis og menntunar, á hverjum tíma.

Einu sinni enn nefni ég það atriði sem ég hefi oft rætt um varðandi það atriði að skilgreint þjónustustig um gæði þjónustu hins opinbera á báðum stjórnsýslustigum ríkis og sveitarfélaga, hvað varðar til dæmis, heilbrigði og menntun sé till staðar.

Skattgreiðendur eiga að mínu viti að vita hvort sveitarfélagið A uppfyllir sömu þjónustu og sveitarfélagið B, hvað varðar samfélagsþjónustu alla.

Skattgreiðendur eiga einnig að geta fengið að vita hvort  að Landspítali Háskólasjúkrahús þarf að flokka starfssemi sína á lægra gæðastig faglega, eða ekki.

Það er vissulega alvarlegt til þess að vita að Læknaráð Lsh, telji að við séum komin " fram af bjargbrúninni " en hvað þýðir það hið sama, samkvæmt gæðastaðlamati því sem stofnunin hefur án efa til staðar í sínum fórum, utan þess að fólk liggi á göngum í neonljósum, sem og auknu álagi og launaóvissu vegna samninga við eina stétt heilbrigðisstarfsfólks ... - ?

Flokkun sem slík á skallanum 1-10 um gæði þjónustu hvers konar sem heitir almannnaþjónusta fyrir skattfé landsmanna ætti sannarlega að vera til staðar.

 

Forgangsröðun fjármuna hvað varðar heilbrigði og menntun í forgang er eitthvað sem íslenskir stjórnmálamenn eiga enn eftir að þurfa að takast á við því forgangsröðun sem slík er enn ekki sýnileg að nokkru marki í fjárlögum íslenska ríkisins.

Einu sinni er hins vegar allt fyrst.

 

kv.Guðrún María. 

 

 

 

 

„Erum komin fram af bjargbrúninni“

Sunnudagspistill.

Ekki hefði mér dottið það í hug fyrir nokkrum árum síðan að ég ætti eftir að flytja úr borgarsamfélaginu austur í sveit á Suðurlandi, þar sem ég hef Jökulinn minn Eyjafjallajökul fyrir sjónum hvern dag, líkt og í gamla daga í uppvextinum undir Eyjafjöllum, en nú úr annarri átt úr Fljótshlíðinni en alltaf jafn magnaður og fallegur.

Ég elska íslensku sveitina með öllum sínum töframætti frá kyrrðinni til notalegra hljóða í dráttarvélum á ferð til verka og búsmala allt í kring.

Virðing mín fyrir bændum hefur alla tíð verið alger þar sem starf bóndans er ekki einungis við það að lifa af landinu heldur einnig ræktun og viðhald í hendur komandi kynslóða svo sem best má vera.

Frelsið sem var í því fólgið að fá að alast upp sem barn í íslenskri sveit er eitthvað sem ég tel að maður búi lengi að en jafnframt því atriði að venjast því að þurfa að leysa þau verkefni sem þurfti að leysa heima fyrir með eigin aðferðum, mixa og laga, og almennt bjarga sér með sem flesta hluti, þar sem ekki var hlaupið eftir öllu í kaupstaðinn.

Ákveðin sjálfsbjargarviðleitni er af hinu góða að ég tel.

Veturinn hefur verið sérstakur hér sunnanlands ef vetur skal kalla því hlýindi og snjóleysi virðist skipta landinu í tvö hitasvæði þetta árið.

Og enn á ný er spá um hlýindi hér sunnanlands í næstu viku, en spurningin er, verður vorið svo kalt í staðinn og þurrt sumar eins og síðasta sumar ?

Hver veit !

Kemur í ljós.

 

 

kv.Guðrún María. 

 

 

 

 

Lýðskrumið um nýja stjórnarskrá, er ævarandi skömm fyrir sitjandi ráðamenn við stjórnvölinn.

Það var ekki stjórnarskráin sem varð þess valdandi að hér varð hrun, fjarri því.

En hvað gerðu sitjandi stjórnvöld Samfylkingar og VG, jú þau boðuðu til Stjórnlagaþings, sem kostaði fjármuni, þar sem um það bil 500 manns buðu sig fram til setu á.

Kosning sú hin sama var dæmd ógild í Hæstarétti landsins eftir kæru þar að lútandi.

Var farið að niðurstöðu Hæstaréttar af hálfu stjórnvalda og kosningin endurtekin ?

Nei aldeilis ekki sitjandi stjórnvöld Samfylkingar og VG, töldu sig ekki þurfa að fara eftir þeim hinum sama dómi, heldur skipuðu bara efstu menn úr hinni ógildu kosningu í Stjórnlagaráð, sem óhjákvæmilega setti mál þetta allt undir pólítiskan hatt sitjandi ráðamanna, þar sem gengið var gegn hagsmunum þeirra sem buðu sig fram og áttu rétt á nýjum kosningum samkvæmt dómi Hæstaréttar.

Þvílík og önnur eins vinnubrögð eru vandfundin og eiga sannarlega ekki heima við endurskoðun grunnsáttmála einnar þjóðar.

Stjórnlagaráð stjórnvalda  tók síðan til starfa og skilaði tillögum til þingsins, en sitjandi ráðamenn ríkisstjórnar Samfylkingar og VG, treystu sér ekki til þess að taka tillögur þær hinar sömu til efnislegrar meðferðar á Alþingi, heldur ákváðu að setja bara málið í þjóðaratkvæði áður í svona könnun...... þar sem lýðskrumið náði nýjum hæðum.

Með öðrum orðum, tilraun gerð til þess að skýla sér bak við meintan þjóðarvilja í afskaplega lélegri þáttöku í atkvæðagreiðslu um málið, að virðist til þess að þvinga málið einhver veginn gegn um þingið sem " afrek stjórnvalda...... "  einhvern veginn.....

Gegn áliti helstu sérfræðinga landsins um lagasetningu og stjórnarfar almennt sem auðvitað skyldu ekki gagnrýna þessa pólítísku vegagerð sem sitjandi stjórnarflokkar hugðust malbika á torgi lýðskumsins fyrir sjálfa sig og virðist nú einnig verkefni þeirra sem skipaðir voru í hið ólöglega stjórnlagaráð, þ.e að slá sig til riddara í pólítík út tillögugerð í ráði þessu.

Þarna var betur heima setið en af stað farið svo mikið er víst og sá kostnaður sem varið hefur verið í þetta lýðskrum allt er skömm á tímum þar sem hver króna skyldi nýtt til samfélagslegra verkefna grunnþjónustu við landsmenn.

 

kv.Guðrún María. 

 

 

 

 

 

 

Stórt mál sem þarf að ræða

Ofbeldi er ömurleg birtingamynd, mannlegra samskipta.

Valdbeitiing í krafti aflsmunar kynjanna hvers eðlis sem er, er ein mesta lágkúra mannlegra samskipta, þar sem kynin hafa ekki jafnstöðu hvað afl varðar.

Ofbeldi á sér hins vegar margar myndir allt frá einelti af andlegum toga til líkamlegra áverka en hinum líkamlegu áverkum fylgir eðli máls samkvæmt  einnig andleg áþján til lengri eða skemmri tíma.

Hvers konar barátta til vitundarvakningar um þetta þjóðfélagsmein um víða veröld, er af hinu góða, því aldrei skyldum við gefast upp á því að reyna að uppræta það hið sama.

 

kv.Guðrún María. 

 

 

  

Milljarður rís upp gegn ofbeldi

Núverandi ríkisstjórn mun taka mark á Feneyjanefndinni, málið verður sett í salt.

Tilraunir sitjandi valdhafa til þess að slá sig til ríddara  um endurskoðun stjórnarskrár landsins fóru að mínu viti algjörlega út um þúfur við álit Feneyjanefndarinnar á drögum hins skipaða stjórnlagaráðs.

Það mun heyra til tíðinda ef núverandi stjórnarflokkar taka ekki mark á þeim athugasemdum sem koma fram frá nefnd þessari en  sömu athugasemdir höfðu áður verið framsettar af helstu sérfræðingum hér innanlands.

Blind trú hinna skipuðu stjórnlagaráðsmanna á ágæti eigin tillagna eru sér kapítúli út af fyrir sig í þessu máli, annað verður ekki sagt, sem og tilraunir til lýðskrums af hálfu þeira er sitja á þingi og neita að taka tillit til athugasemda um þetta vanbúna mál.

Raunin er sú að það hefur verið nóg af loðinni lagasetningu á Alþingi þótt ekki bætist við að stjórnarskrá landsins verði undirlögð af slíku orðafjálgi sem illa eða ekki er hægt að finna stað, hvað þá grundvölll skilvirkrar lagasetningar um hin ýmsu mál.

 

 kv.Guðrún María.

 

Stjórnarskráin kallar á lagabreytingar

Auðvitað eru þessar tillögur EKKI grundvöllur nýrrar stjórnarskrár.

Allt hið mikla lýðskrum sem gengið hefur yfir vora þjóð varðandi endurskoðun stjórnarskrárinnar er með ólíkindum, þar sem sitjandi stjórnvöld skipuðu ráð efstu manna i kosningu sem var ógilt af Hæstarétti.

Tillögugerðin var síðan ekki tekin til þinglegrar meðferðar, þannig að kjörnir fulltrúar á þingi sem þjóðin kaus fengu ekki að fjalla um málið efnislega, en tillögugerðinni vísað í þjóðaratkvæðagreiðslu þar sem afskaplega léleg þáttaka var fyrir hendi.

 Slík vinnubrögð eru og verða ætíð óásættanleg.

Núverandi ríkisstjórnarflokkar og hluti stjórnarandstöðu hefur reynt að telja fólki trú um mikilvægi þess að koma máli þessu í gegn að virðist með von um vinsældir í kosningum á vori komanda, án breytinga á tillögugerðinni sem aldrei nokkurn tímann getur talist grundvöllur stjórnarskrár eins og ég hefi margsinnis rætt hér áður.

Það verður fróðlegt að vita hve mikið mark verður tekið á Feneyjanefndinni.

 

kv.Guðrún María. 

 

Flókin ákvæði í stjórnarskrá

Framsókn fyrir Ísland.

Ég óska félögum mínum og vinum í Framsóknarflokknum til hamingju með samstöðu og dugnað á vettvangi stjórnmálanna og glæsilega kosningu á flokksþinginu.

  

 Sé það einhver einn flokkur sem á erindi við stjórnvölinn að loknum kosningum þá er það Framsóknarflokkurinn, þar sem samvinna að úrlausnum um þjóðfélagslegar framfarir,  með skýrri stefnumótun um mál öll, er til staðar.

Í Framsókn er öflugasta fólk sem ég hefi kynnst í stjórnmálastarfi hér á landi sem mun uppskera eins og til hefur verið sáð.

 

kv.Guðrún María. 

 

 

 

Sigmundur fékk 97,6% atkvæða