Obb bobb bobb...

Gat það verið að forsætisráðherra núverandi sitjandi ríkisstjórnar í landinu, tæki undir orð forseta landsins á erlendum vettvangi ?

Nei ekki var það svo og kemur satt best að segja ekki á óvart þar sem flokkur forsætisráðherra hamaðist ljóst og leynt í kosningum til forsetaembættisins, til þess að fá annan forseta á Bessastaði en þann sem nú situr og þjóðin kaus þangað.

kv.Guðrún María.

Telur forsetann hafa gengið langt

Forsetinn styrkir stöðu Íslands.

Það atriði að tala máli Íslands á alþjóðlegum vettvangi skiptir máli fyrir land og þjóð hvort sem um er að ræða að mótmæla ellegar fagna einhverju því sem á sér stað.

Núverandi ríkisstjórn hefur varla lyft litla fingri gagnvart Evrópusambandi eða aðildarþjóðum þar á bæ, eftir að umsóknarferli var sett af stað skömmu eftir valdatöku þeirra hinna sömu.

Opinberar yfirlýsingar sitjandi ráðamanna til dæmis í Makríldeilunni, engar.......
og svo framvegis.....

Því ber að fagna að forseti vor dragi fram þá hluti á alþjóðavettvangi sem ríkisstjórn við stjórnvölinn hefur ekki dug í sér til þess að standa vörð um.

kv.Guðrún María.

Forsetinn ræðst að Gordon Brown

40 ár frá gosinu á Heimaey.

Mér verður oft hugsað til þess þegar ég baka pönnukökur að pannan hennar ömmu heitinnar sem pabbi fór að sækja út í Eyjar í gosinu er nú enn þann dag í dag í notkun hjá mér.

Bæði amma og afi bjuggu í Eyjum þegar þessi atburður átti sér stað en amma var í íbúð sinni á Urðarstígnum en afi var á elliheimilinu.

Amma fór með bát í Þorlákshöfn um nóttina en afi með flugi til Reykjavíkur um morguninn.

Frændgarður minn í Vestmannaeyjum er stór þar sem samgangur undan Eyjafjöllum út í Eyjar hefur löngum verið mikill.

Í kjölfar þessa kom amma til okkar austur undir Eyjafjöll, og víða á bæjum fjölgaði fóki sem flúði hamfarir i Eyjum um tíma.

Tvær Eyjastúlkur fermdust með mér þetta ár, annars hefði ég verið ein í þessum mínum árgangi í minni sveit.

Fyrsta upplifunin af gosinu var sú að skólabíllinn kom ekki þar sem hann var á leið í Þorlákshöfn til að flytja fólk og það kom skömmu síðar í ljós um leið og farið var að hlýða á útvarp.

Um morguninn voru drunur það miklar að fé á túni fyrir framan bæinn heima var á hreyfingu og hlaupum.

Mömmu dreymdi draum sem hún túlkaði á þann veg að höfnin í Eyjum myndi bjargast og það varð raunin þótt sannarlega liti það ekki vel út um tíma með það hið sama atriði.

Þrautseigja og dugnaður Vestmanneyjinga er mikill og það atriði hve fljótt og hve vel tókst að hreinsa Heimaey að loknu gosi og hve margir fluttu til baka sem þó höfðu misst allt sitt er og verður sérstakur hluti af þjóðarsögu okkar Íslendinga að mínu áliti.

kv.Guðrún María.

Samfylkingin sér ekki skóginn fyrir trjánum í Evrópumálum.

Katrín ráðherra virðist þurfa að gagnrýna umræðu um Evrópumál hér á landi í viðtali við fjölmiðla erlendis, líkt og það sé nú hugsanlega leið til upplýstari umræðu hér innanlands sem er nú frekar langsótt og ólíklegt.

Það er hins vegar ekki nýtt að áhugi SF á aðild að Esb, jaðrar við trúarbrögð þar sem menn vilja ekkert hlusta á menn sem eru annarrar skoðunnar þar sem flokkurinn hafi bara rétt fyrir sér alveg sama hvort meirihluti þjóðarinnnar mælist andsnúinn því hinu sama.

Raunin er sú að ráðherra getur ekkert sagt um hvenær eða hvort haldið verður áfram með ferli það sem núverandi rikisstjórn kom á koppinn í andstöðu við meirihluta þjóðarinnar, sökum þess að kosningar til þings munu fara fram á þessu ári.

kv.Guðrún María.

Kosið um ESB 2014 eða 2015?

Hrokafullur formannskandidat Samfylkingar í Kastljósi.

Árni Páll.

" Ef fólk er svo skyni skroppið að sjá það ekki.............................................................

Helgi Seljan.

Bíddu ertu að segja að fólk sé skyni skroppið af þvi að það er ekki sammála ykkur í Evrópumálum ?

Fróðlegt Kastljós og ætti að hjálpa einhverjum Samfylkingarmanni að gera upp afstöðu sína í þessu formannskjöri að ég tel.

kv.Guðrún María.

Hráskinnaleikur og pólítísk sýndarmennska um stjórnarskrárumbætur.

Sjálfhverfir stjórnlagaráðsmenn sem skipun hlutu af ríkisstjórn í stjórnlagaráð hafa ekki getað tekið gagnrýni á eigin verk og lagt í krossferð til þess að hampa því hinu sama verki óendurskoðuðu, meðal annars sem frambjóðendur til þings fyrir næstu kosningar með hinum eða þessum flokkum ellegar sem stuðningsmenn ríkisstjórnar sem ekki hefur getað fest fingur á málinu.

Verki sem helstu fræðimenn þjóðarinnar á þessu sviði, telja óboðlegt sem grunn að nýrri stjórnarskrá, hvort sem mönnum líkar betur eða ver.

Umvörpum yfirgefa menn fyrri sannfæringu sína um hin ýmsu mál, að virðist i eiginhagsmunatilgangi mögulegs framboðs til Alþings með setu á lista hjá flokkum fyrir næstu kosningar, og þetta mál er að virðist notað og nýtt eins
og " pólítískur brjóstsykur " þar sem hugmyndafræðin er færð í búninginn, allt fyrir alla, allrahanda í nýjum tillögum að stjórnarskrá.

Önnur eins sápuópera og verið hefur um þetta mál er vandfundin í mínum huga og fundur á Austurvelli er eitt stykki auglýsingaskrum í þessum tilgangi, ekkert annað.

kv.Guðrún María.

Vilja að stjórnarskrármálið sé klárað

Stjórnarskrármálið er fyrir löngu orðið að sápuóperu, skrumskælingar lýðræðisins.

Mér er ekki sama hvernig stjórnarskrá lýðveldisins Íslands lýtur út og það atriði að henda fyrir róða þeim ákvæðum sem núverandi stjórnarskrá hefur, bara til þess að " búa til nýja " einhvern veginn, eins og gert hefur verið, er eitthvað sem ég tel, nú sem endranær,
gjörsamlega út í hött.

Tillögugerð hins skipaða stjórnlagaráðs sem stjórnvöld tóku að sér að skipa til þess hins sama verkefnis eftir að kosningar höfðu verið ógiltar, er einfaldlega ekki einn einasti grunnur að stjórnarskrá heldur nokkur stykki fögur markmið á blaði með allra handa moðsuðu sem engan veginn er forsenda lagasetningar um eitt eða annað, því miður.

Þeir sem ekki átta sig á því hinu sama nú, munu gera það síðar.

kv.Guðrún María.

Stjórnarskrármálið fallið á tíma

Villigötur Guðmundar Steingrímssonar.

Það virðist einlægur vilji Guðmundar að ganga gegn vilja meirihluta þjóðarinnnar
bara til þess halda áfram með aðildarferli að Esb.

Þar virðist sá hinn sami vaða reyk og villigötur.

Áhugi Guðmundar á aðild að sambandinu er mér óskiljanlegur og jafn óskiljanlegt hvers vegna hann hélt ekki áfram að vera í Samfylkingunni sem einn flokka hefur þetta mál á stefnuskrá en hann yfirgaf Framsóknarflokkinn eftir síðasta flokksþing þar sem kveðið var á um það af flokksmönnum að betra væri fyrir Ísland að standa utan Evrópusambandsins.

Mér fannst Guðmundur oft ágætur penni þegar hann ritaði pistla í Fréttablaðið eins og Þráinn Bertelsson á sinum tíma, og Sigmundur Ernir var ágætur sem fréttamaður hjá sama fyrirtæki og hinir tveir, en allir eru þeir nú á þingi og vilja allir inn í Esb, þar sem tveir hafa skipt um flokka á þingi en einn haldið sig innan þess flokks sem viðkomandi var kosinn fyrir.

kv.Guðrún María.

„Er þetta flókið?“

Vinstri Grænir sviku kjósendur sína með þáttöku í þessari ríkisstjórn.

Ríkisstjórn Samfylkingar og VG, gekk út á það að koma í gegn aðildarumsókn að Evrópusambandinu eins og forsætisráðherra formaður Samfylkingar kom ágætlega frá sér í kvöld í sjónvarpi, þess efnis að ríkisstjórn þessi héldi saman út af því hinu sama máli.

Báðir flokkarnir höfðu ekki fyrir því að spyrja um afstöðu þjóðarinnar áður en vaðið var af stað í þessa vegferð stefnuskrár SF.

Að horfa á menn reyna að leika tveimur skjöldum í þessu máli rétt fyrir kosningar til þings að nýju, segir meira en mörg orð um pólítik sem blæs eftir vindi, þar sem ráðamenn þykjast ekki taka eftir vindinum á miðju kjörtímabilinu.

Öðru máli gegnir þegar líður að endurkjöri mögulega.

Báðir þessir flokkar mega fá frí frá valdataumum hér á landi um tíma næsta kjörtímabil.

kv.Guðrún María.

VG spáði aldrei hraðferð í ESB

Orð eru til alls fyrst.

Raunin er sú að umræða vekur til vitundar um samfélagsmein sem hugsanlega eru til staðar.

Ég get ekki að því gert að mér finnst það hálf hlálegt að sjá forstjóra Barnaverndarstofu dásama eigið kerfi sem gott svo ekki sé minnst að það að " greina umræðu " og svo framvegis....

Hvert og eitt einasta kerfi mannsins þarf aðhald og því ber að fagna að slíkt aðhald sé til staðar í formi umræðu, en vissulega finnast þess mörk, hvernig slík umræða er framsett.

kv.Guðrún María.

Ný tegund barnaníðinga