Alþingi komi saman eins og skot, og veiti lánastofnunum heimild til samninga um lánakjör.

Það er forgangsmál að fjármálastofnanir fái heimild frá Alþingi til þess að semja um lánakjör einstaklinga og fyrirtækja, þar sem viðmið greiðslugetu og samningar um lánakjör miðist við að eftir ákveðinn tíma verði hluti afskrifta til staðar, af heildarupphæðum.

kv.Guðrún María.

Hvað í ósköpunum sjá menn við Esb aðild sem komið gæti Íslendingum til góða ?

Við erum eyþjóð á Norður Atlandshafi þar sem aðföng að landinu munu ætíð kosta okkur per mikinn hluta af innflutningi á öllum tímum.

Dettur einhverjum í hug að aðrir íbúar i álfunni muni vilja taka að sér að niðurgreiða þann mismun búsetu okkar á eyjunni ?

Vantar Íslendinga virkilega að láta frá sér meira vald í hendur yfirsjórnunaraðila en verið hefur til handa stjórnvöldum hér á skerinu sem ekki hafa höndlað það hið sama vald svo mjög til góða undanfarna áratugi ?

Hefur Evrópusambandinu tekist að viðhafa skynsamlega fiskveiðistjórn innan sinna vébanda eða hefur kerfi þess orðið ónýtt vegna ofveiði og hruni fiskistofna í kjölfarið ?

Væri það skynsamlegt fyrir Evrópusambandið að taka upp íslenska kvótakerfið sem sett hefur íslensku þjóðina á hausinn ?

Dettur einhverjum í hug að við getum sótt styrki á styrki ofan frá Evrópu án þess að borga nokkuð fyrir ?

kv.Guðrún María.

 

Fátæklegar hugmyndir forsjárhyggju, hver á að borga ?

Ekki líst mér vel á þessar framkomnu hugmyndir hins nýja þingmanns, því miður, þvi hvers konar framtiðarsýn er í því að láta ríkið niðurgreiða starfssemi fyrirtækja með vinnuafli sem ef til vill hentar ekki viðkomandi fyrirtækjum hvað menntun varðar og hve lengi gengur slíkt upp, þangað til sjóðir eru þurrausnir af hálfu skattgreiðenda.

Öfgafrjálshyggja með öfugum formerkjum, eða hvað ?

kv.Guðrún María.

Fleiri fái að ráða í bótavinnu

Lögbundin þjónusta sveitarfélaga í landinu.

Oft hefi ég ritað og rætt um það hve nauðsynlegt það væri að skilgreina þjónustustig sveitarfélaga hér á landi, sökum þess að þar gætir ekki þess samræmis sem vera skyldi og nægir þar að nefna gjaldtöku fyrir lögboðna þjónustu svo sem leikskólagjöld.

Hvaða réttlæti er í því fólgið að einstakingar sem greiða sömu skattprósentu til síns sveitarfélags, fái ekki sams konar þjónustu alls staðar á landinu þegar um lögbundin atriði þjónustu er að ræða ?

Sé þjónusta sem innheimt eru af viðbótargjöld með mismunandi móti þá eigum við að fá að vita í hverju slíkt felst.

kv.Guðrún María.

Tvö kerfi í landbúnaði og sjávarútvegi.

Hin mikla ofuráhersla undanfarinna áratuga á fækkun og stækkun búa, með allra handa offjárfestingum við stækkun undir formerkjum meintrar hagræðingar, voru mikil mistök að mínu mati.

Nýlíðun varð engin með þessu skipulagi það mátti ljóst vera í upphafi.

Það sem þróun þessi hefur leitt af sér er sóun á landnýtingu , þar sem aðeins hluti áður ræktaðs lands hér á landi er nýttur til landbúnaðar ásamt fækkun starfa i greininni.

Ég ritaði greinar í Morgunblaðið á sínum tíma um mikilvægi  þess að stuðla að þróun lífræns landbúnaðar hér á landi, en við Íslendingar getum enn gert mun betur en gerum nú, i því efni og má í því sambandi nefna að frændur okkar Finnar eru með mesta markaðshlutdeild í lífrænum landbúnaði í Evrópu.

Við eigum að skipta kerfi landbúnaðar í tvennt, annars vegar núverandi kerfi og hins vegar kerfi sem inniheldur alfarið sjálfbæra þróun varðandi lífrænan landbúnað, svo mest sem verða má, og nýta land og mannauð að nýju.

Nákvæmlega sama hefur átt sér stað í sjávarútvegi með sömu ofurherslum á verksmiðjuvæðingu á hafi úti þar sem einyrkjum í greininni hefur verið ýtt út og þeim gert nær ókeift að stunda sjóinn, einnig með tilheyrandi fækkun og byggðaröskun, markaðsbraski og græðisvæðingu einnar atvinnugreinar. 

Kerfi sjávarútvegs á með sama móti að skipta í tvennt, annars vegar kerfi sem inniheldur núverandi aðferðafræði og hins vegar kerfi sem tekur mið að umhverfisvernd og sjálfbærri þróun þar sem veiðar í sátt við lífríkið með smærri einingum og fleiri höndum að verki, verði gert jafn hátt undir höfði þar sem ljóst er að verðmeiri afurðir sem söluvöru má fá með veiðum í sátt við móður náttúru.

Tvenns konar kerfi í báðum þessum gömlu atvinnugreinum myndu gera það að verkum að á hverjum tíma væri hægt að auka vægi hvors fyrir sig á þjóðhagslegan mælikvarða.

Þetta þurfum við að gera Íslendingar.

kv.Guðrún María.

 

 

 

 

 

Eru Íslendingar að reka plastverkssmiðjur í 20 löndum utan Íslands ?

Hinn ævintýralegi Matadorleikur útrásarvíkinga þessa lands, birtist manni í sífellu, en ekki hafði ég hugmynd um það, að  plastverksmiðjur væru í eigu Íslendinga út um allt, en nú virðist sá bissness verðlaus að sjá má samkvæmt endurskoðendum.

kv.Guðrún María.

KPMG telur hlutafé í Promens verðlaust

Hvers vegna getur Egill rætt við Njörð, en ekki Ástþór, eða hina talsmenn Lýðræðishreyfingarinnar ?

Var að sjá það að Egill Helgason ríkisstarfsmaður ríkissjónvarpsins, fær til sín Njörð P Njarðvík, öðru sinni til umræðu í sinn þátt á morgun, en svo vill til að Lýðræðishreyfingin bauð fram til þingkosninga með hugmyndafræði sem er af sama toga og Njörður hefur rætt og ritað um.

Með fyllstu virðingu fyrir því að ræða við Njörð þá er það áleitin spurning hvernig þessum þætti er stýrt hvað varðar það að fá að koma á framfæri í ríkismiðlinum fleiri röddum í voru samfélagi.

Sama máli gildir varðandi það atriði að undantekningalítið hefur þáttastjórnandinn Egill Helgason fengið til sín í þáttinn, jámenn um aðild að ESB, í langan tíma svo mjög að mér og mörgum öðrum sem telja sig nægilega vel upplýsta um ókosti aðilar að sambandinu, er misboðið.

Hafi þáttastjórnendur vald til þess að ráða viðmælendum í einu og öllu án þess að þurfa að undirganga jafnræðissjónarmið andstæðra skoðanaskipta, þá er eitthvað að í stjórnun þessarar stofnunar, því miður.

Slíkt hlýtur að vera áskorun til annarra ljósvakamiðla í landinu að gera betur í þessu efni en breytir þvi ekki að stórfurðulegt ritstjórnarvald eins manns virðist þar á ferð, sem skattgreiðendur taka þátt í að borga.

kv.Guðrún María.

 

 

 

Svíar höfðu hag að halda í eigin gjaldmiðil, í stað evru.

 

upplýsingar frá Heimsýn.

" Þann 20. mars sl. sagði aðalhagfræðingur Útflutningsráðs Svíþjóðar, Mauro Gozzo, í samtali við sænska ríkissjónvarpið að útflutningsverðmæti Svía hefðu aukist árlega um 30 milljarða sænskra króna (um 450 milljarða íslenskra króna) þar sem þeir hefðu kosið að halda í krónuna í stað þess að skipta henni út fyrir evru. Ennfremur sagði hann að ef gengi krónunnar hefði verið mjög hátt, eins og gengi evrunnar hefði verið, hefði efnahagskreppan komið miklu harðar niður á Svíum og atvinnuleysi t.a.m. aukist hraðar. "

Hér er um að ræða fróðlegar upplýsingar fyrir okkur Íslendinga um þessar mundir.

kv.Guðrún María.

 

Mun VG standa gegn Evrópubandalagsáherslum SF ?

Það verður mjög fróðlegt að sjá hvernig stjórnarsáttmálinn lítur út.

Ég trúi því ekki fyrr en ég tek á að VG, muni samþykkja aðildarumsókn að Evrópusambandinu þvert gegn því sem flokkurinn boðaði fyrir kosningar.

Það er í raun fáránlegt að ekki skuli takast að koma saman ríkisstjórn dag eftir dag eftir dag, hvað skyldi forsetinn hafa gefið langan tíma í þessu sambandi ?

kv.Guðrún María.

Stjórnarsáttmáli í smíðum

Hið opinbera erum við skattgreiðendur, og ríkisbáknið er stórt ,það ber að skoða.

Ég hygg að þörfin hvað varðar niðurskurð hins opinbera hér á landi hljóti að koma við skipulag stjórnkerfis eins þjóðfélags, en niðurskurður í grunnþjónustuþáttum hefur verið viðvarandi allan þann tíma er hið svokallaða góðæri hefur ráðið ríkjum hér á landi, í mennta, heilbrigðis og félagskerfi.

Yfirstjórnunarapparatið hlýtur því að þurfa að skoðast, einkum og sér í lagi í formi launakostnaðar í heild.

kv.Guðrún María.

Fráleitt að fækka störfum núna