Hlutverk iðnaðarráðherra að vera ofan í skotgröfunum, eða hvað ?

Þetta er ekki i fyrsta skipti sem Össi bloggar.... með álíka umburðarlyndi og virðingu fyrir samferðamönnum á sviði stjórnmálanna.

Mér sýndist reyndar að tunglið væri fullt í gær og oftar en ekki hefur slíkt verið samferða hvernig svo sem á því stendur.

Varla hefur flokkur ráðherrans gefið honum það hlutverk að standa í svona skrifum með pólítiskan tilgang í farteskinu, því ef svo væri kynni flokkurinnn vart að vera stjórntækur.

kv.gmaria.

 

Pistill Össurar ræddur á þingflokksfundi

Nokkrir dagar í loðnu sunnan við landið...... ?

Mín tilfinning, ég endurtek tilfinning er sú að loðnuganga sem verður hægt að mæla nægilega til veiða komi austan við Eyjar eftir nokkra daga.

Sjáum hvort það gengur eftir.

kv.gmaria.

„Ölum enn með okkur von"

Gott mál að spyrja spurninga.

Það er hvoru tveggja sjálfsagt og eðlilegt að menn spyrji spurninga sem þessara svo fremi menni vilji sjá hér heilbrigt markaðsumhverfi.

kv.gmaria.

Spyr út í kaupréttarsamninga Glitnis

Skattgreiðendur og þjónustan.

Hagsmunir skattgreiðenda.

Þeir sem eru þáttakendur á vinnumarkaði inna af hendi skatta til hins opinbera í formi staðgreiðslu skatta. Hið opinbera hefur þar með tekjur sem nota skal og nýta í verkefni þau sem lög kveða á um að skuli af hendi innt í voru þjóðfélagi.

Þótt þjónustu skorti ellegar þegnar þjóðfélagsins megi þurfa að lúta því að lenda á biðlista í þjónustu sem lögum samkvæmt skal vera fyrir hendi, innheimtir hið opinbera eigi að síður stöðugt skatta af hinum vinnandi manni án þess að sá hinn sami fái þess notið.

Þetta er óviðunandi og gera verður þá kröfu til kjörinna leiðtoga stjórnsýslustiganna tveggja Alþingis og sveitarstjórna að fjármunir séu notaðir og nýttir í grunnþjónustuverkefni í þágu borgaranna sem lög kveða um að skuli til staðar vera.

Jafnframt þarf setning laga á Alþingi varðandi verkefni sveitarfélaga að vera í sambandi við raunveruleika um mögulega framkvæmd mála annars þjónar lagasetning ekki tilgangi sínum.

Gjaldtaka hins opinbera.

Sívaxandi greiðsluþáttaka sjúklinga í heilbrigðiskerfið er óásættanlegt atriði meðan málaflokkurinn tekur til að vera með hæsta útgjaldalið fjárlaga ár hvert. Almannatryggingakerfi sem gumað er af að sé til staðar til handa öryrkjum og öldruðum er ekki svipur hjá sjón og upphæðir bóta úr takti við raunveruleikann eins og lægstu taxtar á vinnumarkaði.

Slíkur málamyndavelferðarumbúnaður er öllum hlutaðeigandi við stjórn hins opinbera til skammar.

Lífeyrissjóðir með milljarða í hlutabrefabraski á sama tíma.

Launamenn EIGA lífeyrissjóðina og skipulag þeirra hefur ekki lotið nauðsynlegri endurskoðun með tilliti til hagsmuna þeirra sem þar leggja inn fjármuni mánuð hvern. ALDREI skyldu fjármunir þessara sjóða hafa verið notaðir og nýttir í kaup á hlutabréfum og markaðsbrask í atvinnustarfssemi ALDREI. Lög ættu nú þegar að kveða á um að fjármunir þessir væru bundnir á reikningum í fjármálastofnun með hæstu ávöxtun, punktur...... en ekki með ákvörðun sjóðsstjórna sem verkalýðsfélög skipa einhliða í stjórnir í , ákveði um ráðstöfun fjármuna. Hagsmunir verkalýðsfélaga sem skipa í stjórnir sjóða þessara sem tekið hafa þátt í fjárfestingum í fyritækjum á atvinnumarkaði eru því komnar hringinn kring um borðið og hagsmunir launþegans að hluta til fyrir borð bornir, því miður og samningar á vinnumarkað hafa litað þessa skipan mála nú á annan áratug.

Hér þarf breytinga við því sjóðirnir eru að sjálfsögðu farnir að tapa á áhættubraski og farnir að skerða greiðslur til sjóðþega sem sem eiga féð sem var lagt inn í sjóðina.

Með ólíkindum er að Alþingismenn þing eftir þing, hvar í flokkum sem standa skuli ekki hafa tekið mál þessi til skoðunar í voru þjóðfélagi.

Guðrún María Óskarsdóttir.

 

Það verður fróðlegt að fylgjast með þessu hjá þeim á Nesinu.

Hér er á ferð spennandi verkefni sem gaman verður að sjá hvert þróast því ef eitt bæjarfélag getur framleitt rafmagn með heita vatninu sem nemur helmingi þarfa bæjarfélagsins þá gefur það augaleið að menn hljóta að leggja í slíkar framkvæmdir.

kv.gmaria.

Seltirningar skoða möguleika á raforkuframleiðslu

Færri og smærri einingar samhliða stórum er forsenda heilbrigðs markaðsbúskapar í einu þjóðfélagi.

Atvinnuvegakerfin gömlu sjávarútvegur og landbúnaður hafa gengið gegnum afar misvitrar stjórnvaldsaðgerðir undanfarna áratugi þar sem einhliða áhorf á stærðarhagkvæmni eininga hefur ráðið ríkjum.

Þetta einhliða áhorf á stærðarhagkvæmni hefur gert að verkum tilfærslu og atvinnubreytingar þar sem tæknivæðing skyldi taka við svo og svo miklu , tæknivæðing sem ef til vill kostaði of mikið og skilaði sér ekki til baka sem skyldi þegar krafa almennings um aðrar aðferðir við framleiðslu matvæla kom til sögu fyrir um það bil áratug.

Sama einhliða áhorf á stærðarhagkvæmni gerði það að verkum að þorksstofninn var reiknaður sem stöðug stærð inn í hagkerfið , þar sem aflaheimildir í þorski höfðu verið gerðar að braskvöru millum handhafa með veðsetningu.

 Eðli máls samkvæmt miðað við kerfisskipulagið hefði það þá verið útgerðarmanna að sópa vanda af minnkandi þorksstofni undir teppið þ.e þegar stjórnvöld tóku ákvörðun um slíkt eða hvað ?

Nei auðvitað kom ríkisstjórnin með víxil á skattgreiðendur um að taka afleiðingum af hinu misvitra skipulagi í formi mótvægisaðgerðapakka til að púkka upp á kerfi sem annars hafði verið talið sjálfbært.

Að mínu viti hefur formúla einhliða stærðarhagkvæmni gengið sér til húðar á þessu sviði og reyndar mörgum öðrum sviðum í samfélaginu þar sem flatur niðurskurður í þjónustu við borgarana undir málamyndasparnaði étur sjálfan sig upp þar sem tilgangur helgar ekki lengur meðalið og fagstéttir hverfa úr störfum og reynsla tapast.

kv.gmaria.

 

 

 

Vill Samfylkingin sem sagt búa til enn frekara markaðsbrask er orðið er í hinu arfavitlausa kvótakerfi ?

Flokkur sem ekki hefur haft nokkra einustu skoðun á fiskveiðistjórn frá stofnun virðist nú taka patentlausnapokann þegar sestur er i ríkisstjórn og vill byggðakvóta á almennan markað.

Í mínum huga er hér um fljótfærnislegar yfirlýsingar að ræða þar sem viðkomandi skýtur sig all verulega í fótinn sökum þess að tilgangur byggðakvóta var að halda atvinnu við fiskveiðar í byggðum ekki selja hann í burtu.

Hvað næst ?

kv.gmaria.

Segir tímabært að endurskoða byggðakvóta

ER búið að samþykkja kjarasamningana ?

Væri ekki ráð að sýna launafólki í landinu þá virðingu að bíða með það að fagna kjarasamningum þar til félagsmenn hafa samþykkt þá ?

Eða gefa menn sér það að slíkt sé sjálfgefið ?

Sé ekki betur en stjórnarliðar hver um annan þveran hoppi fram og lýsi yfir gleði sinni yfir samningsgerðinni eftir vægast sagt lélegar aðgerðir til handa lægst launaða fólkinu í landinu sem áfram skal bera skattbyrðar án þess að skattleysismörk séu í nokkru samræmi við launaþróun enn sem komið er.

kv.gmaria.

 

 

 

Hve lengi skal vegið að sjúklingum hér á landi heilbrigðisráðherra ?

Þessi áskorun Geðlæknafélags Íslands til stjórnenda LSH er tímabær svo mikið er vist og ég tek undir hana heilshugar.

Með ólíkindum er að nú skuli fyrir dyrum sparnaður í formi þess að loka afar fáum úrræðum endurhæfingar fyrir geðsjúka.

Það er vegið að hópum sem síst hafa möguleika til að bera hönd fyrir höfuð sér svo skammarlegt er.

kv.gmaria.

 

 

Geðlæknar harma lokun Bergiðjunnar

Formaður Sjálfstæðisflokksins hefur virkilega veikt stöðu sína við þessa yfirlýsingu.

Sjaldan hefur það verið sýnilegra hve mikið sjónarspil er hægt að bera á borð fyrir almenning í landinu varðandi það atriði að ríkisstjórnin býður fram 194 krónur sem hækkun persónuafsláttar og formaður Sjálfstæðisflokksins gumar af því að það sé meira en lög gerðu ráð fyrir.

kv.gmaria.

Persónuafsláttur hækkaður meira en gert var ráð fyrir