Evrópuharmonikkuleikararnir.

Stofnun sérstaks flokks með Evrópuhugsjón í farteski til viðbótar við Samfylkinguna er eitthvað sem ég sé ekki að muni njóta brautargengis í íslenskum stjórnmálum.

Galopin liberalismi er eitthvað sem síst af öllu á erindi við fólk eftir eitt stykki hrun hér á landi.

Stjórnmálin munu meira og minna snúast um traust á þeim einstaklingum sem veljast í framboð til Alþingis fyrir næstu kosningar.

Þar veldur hver á heldur.

kv.Guðrún María.

Nýtt nafnlaust stjórnmálaafl

Hágæða matvælaframleiðsla gæti verið á mun hærra stigi hér á landi.

Það var mjög fínt að sjá mynd á Ruv í kvöld um fabrikkuiðnaðinn í matvælaframleiðslunni en flest allt það sem kom fram í þessari mynd var mér kunnugt um áður.

Ég ritaði stundum pistla í blöð um þessi mál á sínum tíma og mín skoðun er sú að við eigum að setja okkur það markmið að framleiða hágæðamatvæli hér á landi, þar sem við nýtum mest allt ræktað land til framleiðslu og aukum störf í landbúnaði á ný.

Í stað fækka og stækka stefnunnar kæmi því fjölga og smækka.

Við eigum að stefna á því að ná helmingi landbúnaðarframleiðslu hér á landi undir formerkjum umhverfisvænna aðferða og hollustu þar að lútandi á næstu tíu fimmtán árum.

kv.Guðrún María.

Áróðursmaskínan gegn kristinni trú hér á landi hefur margar birtingamyndir.

Kvartanir kærur og illindi allra handa hefur nú nokkuð lengi verið sérgrein landans en þegar svo er komið að farið er að rífa menn niður við störf sín í háskólasamfélaginu, að virðist, þá er ákveðnum punkti væntanlega náð ef svo má segja.

Ég er örugglega ekki ein um það að hafa fengið yfir mig ýmis konar athugasemdir ef ég hef ritað pistla um mína kristnu trú gegnum árin ellegar mælt minni kirkju bót, hvert svo sem tilefnið hefur verið hverju sinni.

Hluti trúleysingja hefur alla jafnan mætt með athugasemdir og ádeilu á hið kristna samfélag og Þjóðkirkjuna, þar sem virðing fyrir minni trú hefur ekki birtst mér í þeim hinum sömu athugasemdum, því fer svo fjarri, því miður.

kv.Guðrún María.

Vantrú svarar fyrir sig

Um áhrif eldgosa.

Að mínu viti hefði nú ekki þurft að koma til samanburðarrannsókn varðandi það atriði að líkamlegt og andlegt álag íbúa á eldgosasvæðum sé meira en annars staðar, en menn eru að reyna að gera eins vel og þeir geta í þessu efni.

Spurningin er hins vegar sú hvaða ráðstafanir eru og verða til staðar í framhaldinu þar sem viðvarandi vandamál vegna öskufoks er nú til staðar á stóru svæði á Suðurlandi.

Nú nýlega hafa íbúar í Fljótshverfi í Skaftafellssýslu kallað eftir því að svifryksmælingar séu til staðar þar, en jafnframt er öskuframburður í ám sama vandamál og undir Eyjafjöllum.

Það mun því kosta fjármuni að verja lönd bænda á svæðinu í kjölfar þessara náttúruhamfara.

Uppgræðsla og sáning er heftir öskufok á heiðum skiptir miklu máli en þar er eins mikilvægt að unnið sé að málum með þeim fjármunum sem finnast til þess arna.

kv.Guðrún María.

Slæm áhrif eldgoss

Ætlar verkalýðshreyfingin að standa í lappirnar ?

Sannarlega væri það tilbreyting að verkalýðshreyfingin láti það ekki yfir sína félagsmenn ganga að svikið sé samkomulag sem gert hefur verið.

Sporin hræða hins vegar í þessu efni og kanski er það þess vegna sem stjórnvöld leyfa sér að ganga á bak orða sinna.

Vonandi er að verkalýðshreyfingin standi í lappirnar núna og segi upp samningum á vinnumarkaði í kjölfarið.

kv.Guðrún María.

Kjarabótunum fórnað

Greinilega búið að taka ákvörðun um að færa efnahagsráðuneyti undir fjármálaráðherra.

Svar fjármálaráðherra við þessari fyrirspurn ber það með sér að " svona skuli þetta vera " með öðrum orðum á dagskrá stjórnarinnar.

En auðvitað er ekki hægt að svara því beint.

kv.Guðrún María.

Yfirstjórn efnahagsmála á einum stað

Er hann ekki búin að vera of lengi í pólítik og stjórnsýslu ?

Alltaf batnar það, nú ætlar Jón Baldvin að fara að útskýra rannsóknarskýrsluna, hafandi verið erindreki stjórnvalda á því tímabili sem skýrslan tekur til, ásamt þáttöku í pólítik síðan ég fór að fylgjast með pólítik.

Hvað næst ?

kv.Guðrún María.

Námskeið um Rannsóknarskýrsluna

Helgar tilgangurinn meðalið ?

Mál þetta er sannarlega dæmi um það hvernig annars vegar ákveðnir aðilar viðhafa sína baráttu í þessu tilviki varðandi trúleysi, og hins vegar stjórnsýslu sem er ekki þess umkomin að taka á málum að virðist.

Þegar virðingu skortir og ein fjöður verður að sjö hænum, er vandséð hvernig tilgangurinn helgar meðalið.

kv.Guðrún María.

Heilagt stríð Vantrúar

Í Guðanna bænum slítið þessu stjórnarsamstarfi.

Þegar einn ráðherra hefur tekið ákvörðun um eitthvað, stendur þá ríkisstjórnin öll bak við þá hina sömu ákvörðun ?

Nei ekki ríkisstjórn undir forystu Samfylkingarinnar.

kv.Guðrún María.

Sakar Ögmund um dylgjur

Íslenskir fjölmiðlar eru algerir snillingar í að kynna almenningi fjárlög hvers árs !

Umræða um fjárlög er oftast af skornum skammti í fjölmiðlum og þessi fyrirsögn mín því " öfugmæli ".

Raunin er sú að umræða kemur yfirleitt til sögu frá þeim aðilum sem niðurskurður beinist að, þá og þegar slíkt hefur komið fram.

Margir þingmenn reyna sitt besta í að kynna fyrirhugaðan niðurskurð og það skal þakka, hins vegar skortir mjög umræðu um forgangsröðun í hinum ýmsu málaflokkum, en umræða um forgangsröðun kemur ekki til nema hugmyndir um niðurskurð séu kynntar almenningi.

Einkum og sér í lagi á þetta við er varðar málefni heilbrigðisþjónustu í landinu.

kv.Guðrún María.

Fjárlög afgreidd á morgun