Hvaðan hafði Gylfi heimild til þessarra launahækkanna ?

Vissi núverandi ríkisstjórn ekkert um það að degi áður en Gylfi Magnússon lætur af embætti ráðherra, hafi hann hækkað laun stjórnarmanna í Fjármálaeftirlitinu um 77% ?

Hver var forsenda fyrir þessarri ákvarðanatöku, og hvar er hana að finna ?

Var ekki nóg að stjórnarmenn hefðu eina milljón á mánuði í laun vegna stjórnarsetu þar á bæ ?

Er það eitthvað skrítið að hækka þurfi í sifellu álögur á landsmenn og skera niður allra handa þjónustu þegar ákvarðanir sem slikar rekur á fjörur ?

kv.Guðrún María.

Gylfi hækkaði launin en ekki Árni Páll

Um daginn og veginn.

Það er skammt stórra högga á milli í veðurfarinu hjá okkur, búið að vera óvenjuhlýir haustmánuðir, en síðan skellur á hörkuvetur allt í einu.

Snjórinn gefur okkur hins vegar birtu á þessum dimmasta tíma sem er ágætt, en allt er gott í hófi og meðan ekki er allt á kafi þá þarf maður víst ekki að kvarta yfir því hinu sama.

Sjálf reyni ég að njóta þess að gera jólalegt í kring um mig eftir efnum og aðstæðum.

Alla vega er ég ekki með gifs á hendinni núna þetta árið eins og á sama tíma í fyrra, bakið segir mér hins vegar fyrir verkum hvað ég get og hvað ekki hverju sinni og svo má illu venjast að gott þyki segir máltækið og vonandi getur maður haldið sig við það hið sama viðhorf, þar sem annað er ekki í boði.

Það er hins vegar slæmt að komast ekki út að ganga daglega vegna þess að göngustígar eru lítið ruddir og ég get ekki farið langt í snjógöngu upp á kálfa.

Hef hins vegar himinn höndum tekið við að prjóna úr íslensku ullinni sem ég hefi lengi elskað og litið á sem gull frá því ég var ung að árum við að týna ullarlagða um túnin heima undir Fjöllunum.

Ég er svo heppin að eiga ennþá ullarværðarvoð sem ég fékk í fermingargjöf og ég sef með hana næst mér, sem minnkar verki vegna þess hve mikill hitagjafi ullin er.

Sama má segja um það að nota ullartrefil um hálsinn þegar kvef og pestir sækja að, óbrigðult ráð til bóta.

Það skiptir máli að klæða af sér kuldann.

kv.Guðrún María.

Kanski segir Jón sig úr VG, og gengur í Framsóknarflokkinn ?

Þegar svo er komið að formaður eins flokks í þessu tilviki VG, hefur vikið svo mjög frá stefnu flokks síns, sem og treystir sér ekki lengur til þess að styðja samráðherra sinn úr eigin flokki, þá er illa komið.

Það væri fínt útspil fyrir Jón Bjarnason að skipta um flokk meðan hann er enn ráðherra í ríkisstjórn og láta reka sig skriflega fyrir flokkaskiptin en örugglega á hann samleið með okkur Framsóknarmönnum eins og fyrrum félagi hans Ásmundur Einar Daðason.

Slíkt yrði einsdæmi í Íslandssögunni.

kv.Guðrún María.

Spurning um traust beinist að VG

Rangæingar mótmælið, vanhugsuðum tillögum.

Ég er ansi hrædd um að HSU hafi eitthvað orðið á í tillögum sínum til sparnaðar varðandi lokun heilsugæslu á Hellu, ekki hvað síst þar sem staðsett er fjöldahjálparmiðstöð í Almannavarnaáætlun og einkennilegt er engin heilsugæsla eigi að vera til staðar á staðnum samtímis.

Ein ástæðan sem ég las um og tilgreind var, þess efnis að erfiðlega gengi að manna eina stöðu læknis sem virtist nýtt sem ástæða til þess að loka ætti alfarið.

Það er vægast sagt sérkennileg röksemdafærsla með tilliti til hagsmuna íbúa í huga.

Hvet Rangæinga til þess að standa vörð um sína þjónustu.

kv.Guðrún María.

Mótmæla lokun á Hellu harðlega

Valdatafl vinstri flokkanna.

Það er ótrúlegt sjónarspil að horfa upp á eitt stykki ríkisstjórn reyna að bola einum ráðherra stjórnarinnar út, ráðherra sem ef til vill á hvað mestan samhljóm með meirihluta þjóðarinnar varðandi andstöðu sína við aðild að Evrópusambandinu.

Er þetta lýðræðisleg aðferðafræði svo ekki sé minnst á virðingu í samskiptum manna á meðal ?

Mitt svar er NEI, hér er um að ræða sömu afdala illinda og erjuaðferðafræðina ásamt vælupólítikinni þar sem sjálfur forsætisráðherran kvartar undan ráðherra í eigin ríkisstjórn en er samt verkstjóri.

kv.Guðrún María.

Stefna að því að stokka upp í ríkisstjórn fyrir árslok

Guði sé lof fyrir skóla og frístundasvið í Reykjavík.

Ég fagna þvi mjög að blessuð börnin fái að taka þátt í jólahaldi eins og verið hefur í sínum skólum í Reykjavík.

Raunin er sú að mannréttindaráð hefur búið til úlfalda úr mýflugu varðandi meint trúboð í skólum, þar sem reglur um hvernig prestur eigi að fara með faðirvorið má segja að séu hámark dellugangsins í þvi efni.

Bréf skóla og frístundasviðs í dag, um óbreytta þáttöku skóla í helgihaldi tekur af skarið og er það vel.

kv.Guðrún María.

Með sama sniði og fyrr

Sterkasti maður ríkisstjórnarinnar er Jón Bjarnason.

Það hefur verið hjákátlegt að fylgjast með ummælum af ríkistjórnarbænum varðandi
ráðherrann Jón Bjarnason, þar sem flest allir nema hann sjálfur hafa tjáð sig um málið, sem aftur gerir stöðu hans all sterka fyrir vikið.

Hamagangurinn kring um þetta mál er eins og sápuópera og var þó nóg fyrir kring um annan ráðherra VG, Ögmund Jónasson í kjölfar ákvörðunar hans.

Hvað næst ?

kv.Guðrún María.

Hefði mátt fara öðruvísi að

Ævarandi skömm fyrir ráðamenn Reykjavíkurborgar núverandi.

Það er mikið rétt hjá Sr.Karli að ráðamenn í Reykjavík hafa gengið langt í forræðishyggju varðandi það atriði að ráðast að siðum og venjum einnar þjóðar, undir formerkjum þess að virða rétt minnihlutahópa í landinu.

Slíkar tilraunir dæma sig sjálfar og hver sá sem kýs að ganga slikra erinda á ekki erindi við stjórnvöl ríkis og sveitarfélaga í komandi framtíð.

Virðing ráðamanna í Reykjavík gagnvart kristinni trú er í raun ekki fyrir hendi, varðandi þær stjórnskipulegu framkvæmdir sem þar hafa fengið brautargöngu, en höfuðborgin sker sig þar frá öllum öðrum sveitarfélögum á Íslandi.

Þar er þvi um að ræða ævarandi skömm þeirra sem komið hafa að málum.

kv.Guðrún María.

Ganga langt í forræðishyggju

Veit forsætisráðherra ekkert í þrjá mánuði um verk samstarfsráðherra ?

Það er með hreinum ólíkindum að heyra forsætisráðherra kvarta yfir því opinberlega, að vita ekkert um mál samstarfsráðherra síns í þrjá mánuði

Hvers konar verksstjórn er ríkjandi í þessari ríkisstjórn sem nú situr ?

Veit forsætisráðherra hvað fjármálaráðherra hefur verið að gera síðustu þrjá mánuði eða aðrir ráðherrar ???

Það er illa boðlegt að slík skilaboð komi frá sitjandi stjórnvöldum landsins.

kv.Guðrún María.

Þetta er ekki stjórnarfrumvarp

Mátti almenningur í landinu ekki sjá frumvarpsdrögin fyrst ?

Það er hrópað hátt að Jóni Bjarnasyni nú um stundir en sá hinn sami segir að tillögugerð sú sem hann hafi látið vinna sé í samræmi við gagnsæi og opin vinnubrögð stjórnvalda en minnisblað hafi verið lagt fram í ríkisstjórn þess efnis.

......

" Sú ákvörðun að kynna þær almenningi var kynnt í minnisblaði sem lagt var fyrir ríkisstjórn og er í anda opinnar stjórnsýslu og þess gagnsæis sem mælt er fyrir um í yfirlýstri stefnu ríkisstjórnarinnar. " ....
segir Jón Bjarnason.

þá vitum við það.

kv.Guðrún María.

Hlýtur að segja af sér