Endalok Evrópusamrunans ?

Það hlaut að koma að þessum tímapunkti, annað gat ekki verið, þar sem ríki þurfa að íhuga eigin hagsmuni innan þessa ríkjasambands sem og þá hvaða hagsmuni viðkomandi ríki setja efst í forgangsröðinni.

Var það einhvern tímann markmið að þróa þetta upphaflega efnahagsbandalag í átt að þjóðríki í Evrópu ?

Fyrsta skrefið sem stigið var að sameiginlegum stjórnarskrárhugmyndum í bandalagi þessu, var upphafið að því sem nú er komið á daginn að mínu viti.

Fjölgun ríkja með afar ólika hagsmuni hafa einungis gert það að verkum að auka enn á vanda þessa ríkjabandalags.

Ofurkostnaður við yfirstjórnsýslu er óásættanlegur og það atriði að þetta ríkjasamband hendi fjármunum út í bláinn hvað varðar umsóknarferli nýrra aðildarríkja segir meira en mörg orð um fjármunaaustur án tilgangs.

kv.Guðrún María.

Sarkozy segir Evrópu tvíklofna

Sem aldrei fyrr hefur forseti Íslands, verið sameiningartákn þjóðarinnar.

Ég lít svo á að núverandi forseti Íslands og kjarkur hans þess efnis að vísa Icesavemálinu í þjóðaratkvæði hafi skipt sköpum fyrir þjóðina á erfiðum tímum.

Fyrir þá hina sömu ákvörðun hefur hann óhjákvæmilega hafið embættið á hærra stig sem öryggisventil lýðræðis fyrir íslensku þjóðina.

Mín von er sú að hann bjóði sig fram eitt kjörtímabil enn, sem kemur þá gegnum nýjar kosningar til Alþingis.

kv.Guðrún María.

Ekki enn gert upp hug sinn

Hefði ég átt að hrópa á torgum ?

Ég er seinþreytt til vandræða þótt ég sé þrjósk, en það skal viðurkennt að ég er langt frá því sátt við það að minn tuttugu og fimm prósent almannatryggingaréttur við slys sé ENN TÝNDUR Í KERFINU, hinu annars frábæra og fullkomna kerfi voru.

Sjötíu og fimm prósent vinnuveitandi minn hefur fengið greidda hundrað prósent
slysadagpeninga frá því ég slasast af því að TR segir sér ekki heimilt lögum samkvæmt að skipta slysadagpeningum í hlutföll, bara sjúkradagpeningum.

Með öðrum orðum það vantar REGLUGERÐ þess efnis.....

Verkalýðsfélagið hefur enn ekkert fundið út í hálft ár við það hið sama verkefni, en iðgjöld min hafa verið greidd þangað rúman áratuginn síðasta.

Sem aldrei fyrr virðist þessi flækjufrumskógur í þessu efni vera óendanlegur.

kv.Guðrún María.

Viljum við nógu ódýr matvæli, einhvern veginn framleidd ?

Að hluta til erum við neytendur sjálfkrafa þáttakendur í markaðsdansi fjármunaafla varðandi framleiðsluhætti t.d. í landbúnaði.

Viljum við flytja inn ódýrt kjúklingakjöt þar sem framleiðsluaðferðir stangast ef til vill á við aðbúnað dýra i mest öllu ferlinu ?

Hvernig er staðan hér á landi í þessarri tegund framleiðslu, er aðbúnaður dýra þar við hæfi ?

Það væri alveg ágætt að fá um það upplýsingar.

Hvað varðar hefðbundna landbúnaðarframleiðslu hér á landi þá er það sennilega kindakjötið sem hvað heilbrigðasta aðferðafræðin er notuð og nýtt til framleiðslunnar, þar sem sauðfé gengur úti á löndum bænda, líkt og verið hefur um langan tíma.

Mjólkurframleiðsla í stóriðjustíl með ofurverksmiðjum þar að lútandi kallar á áhættu af því að upp komi sýking á einu búi og ef einu risastóru búi þarf að loka þá minnkar framleiðslan ef til vill of mikið og ekki hægt að bæta úr því hinu sama strax.

Fleiri smærri framleiðendur minnkuðu áhættu af sliku.

Notkun tilbúins áburðar til fóðurframleiðslu sem og fæðubótarefna til þess að fóðra kýr sem og lyfja til lækninga á kvillum hjá kúnum, s.s júgurbólgu, er eitthvað sem er alveg ágætt að skoða.

Allt þetta eigum við að skoða með tilliti til hollustu í matvælaframleiðslu, umfram það að kaupa nógu ódýr matvæli, einhvern veginn framleidd.

kv.Guðrún María.

Mér líður vel í Framsóknarflokknum.

Ég er afskaplega ánægður flokksmaður í Framsókn, ekki hvað síst varðandi afstöðu í Evrópumálum sem og dugnað sitjandi þingmanna flokksins á þingi sem standa sig vel.

Var að enda við að hlýða á Guðmund í Silfrinu og mín tilfinning var sú eftir það hið sama áhorf að hann hugsi sér að finna upp hjólið í stjórnmálastarfi hér á landi, það kemur í ljós hvernig honum gengur við það.

kv.Guðrún María.

Leið illa í Framsókn

Þjóðmálin, gömul hugleiðing úr skúffunni.

Er manneskjan ávallt í öndvegi sett,
í ákvörðun þróunnar framvindu mála,
eða er sú speki úr bókunum flett
að best sé að ryðja brautina hála ?

Hin bókhneigða þjóð sem að býsnast svo mjög yfir vanda,
hvar er nú lærdómur sá er í bókum skal standa ?
Hvert hefur borið oss skilgreining menntunarstétta,
hvar eru orð eins og samhæfing upp á að fletta ?
Er viðskiptasiðferði krónur og aurar til skjala,
kemur vor hagfræði, kanski ekki til með að tala ?

Mennta ber þjóðina meira í raun,
margra ára lærdómsmenn vita ekki baun.
Vilja svo taka sér verkin til handa,
allt skal í klásúlum kenninga standa.

Forsendur málanna fljúga til hæða
orðin um markmið og tilgang þau flæða
og hver er svo árangur eftir allt þetta ?
Jú menn þurfi bókunum betur að fletta.

Að réttlæti í orði sé réttlæti á borði,
að mannúð og sanngirni sjái hér ljós
og síglaðir spekingar sjái til fjalla,
úr frumskógi rökhyggju frjálsræðishalla.

Gróðahyggjan gín úr augum manna,
getur eitthvað kostað hjartað sanna ?
Göfugur og glaðlyndur var maður einu sinni,
en göfugmennskan gleymd er nú
og gleðin skrifast tap í baráttunni.

Getum við gert aðeins betur en gerum við nú ?
Getum við gengið fram veginn í sannleika og trú ?
Getum við haft uppi réttlæti í orði og á borði ?
Skilgreint með vissu, muninn á hausi og sporði.

GMÓ.

Úr skúffunni.

Það ætti að koma að því,
að almenningur sér,
hve ágætt er að búa í þessu landi,
og finna nálægð náttúrunnar,
hvert sem litið er,
og lífskjörin eru ei það léleg
að okkur ein þau grandi.

En það er okkur nauðsyn
að deila og fella dóma.
Spekúlera spjátrungslega
sem spekingar um allt.
Finna ávallt færa leið
sem sé oss mest til sóma.
Sjá alla hluti í nýju ljósi
hvern einn liðinn dag.

ps.( það þarf bara að skipta um ríkisstjórn.)

GMÓ.

Mikill meirihluti þjóðarinnar andsnúinn aðildarferlinu að Evrópusambandinu.

Hvers konar kannanir gefa vísbendingar um stöðu flokka í stórnmálum en eru engin sannindi í sjálfu sér, hins vegar er það ljóst að mikill meirihluti þjóðarinnar er andsnúinn aðildarferli því sem núverandi ríkisstjórn setti af stað.

Þar er því ríkt dæmi um forsjárhyggju sitjandi valdahafa í andstöðu við þjóðina, sem viðkomandi náðu að koma gegn um Alþingi Íslendinga og þjóðin fékk ekki að gefa álit sitt á í þjóðaratkvæðagreiðslu áður en ætt var af stað í vegferðina.

Fylgi við sitjandi ríkisstjórn er í sögulegu lágmarki og fylgi stjórnarandstöðuflokka þar sem andstaðan við aðild að Evrópusambandinu er fyrir hendi eykst eðlilega.

kv.Guðrún María.

Sjálfstæðisflokkurinn stærstur

Þurfum við að gera " allt " fyrir jólin ?

Ég held að það sé mjög ríkt hjá okkur Íslendingum að gera " allt " fyrir jólin.

Sjálf er ég engin undantekning þar, en hins vegar skal það viðurkennt að síðasta hálfa áratuginn, hef ég verið dugleg við að endurmeta mitt eigið viðhorf í því efni sem er ágætt í raun.

Mér finnst það hins vegar nauðsynlegt að þrífa gluggana áður en jólaljósin eru sett upp og blessað eldhúsið þarf að fá þrifaumferð því til viðbótar.

Hjá mér er hins vegar rík tilfinning til þess að halda í það gamla í skreytingum sem ég ólst upp við, svo sem að hengja jólaskraut upp í loftið, en jólatré hefi ég hins vegar ekki skreytt hingað til, fyrr en síðla kvölds á Þorláksmessu, en er að hugsa um að breyta út af þeirri hefð núna.

Jólakveðjurnar í útvarpinu eru einnig hluti af jólunum.

Smákökubakstur fyrir jólin hefur aftur ekki verið mitt sérfag, en þess í stað hefi ég gert jólakonfekt sem orðið er að hefð hjá mér.

Það er orðið nokkuð síðan að mér fannst ég eiga nóg af jóladúkum og jólagardínum sem og jólaskrauti allra handa, eins og gengur og gerist um miðjan aldur, en helst eru það jólaljósin sem þarf að endurnýja við og við, eftir efnum og aðstæðum hverju sinni.

Ég nota enn eldgamalt gervijólatré sem er frá því ég man eftir mér á jólum með foreldrum mínum, og finnst það eins konar menningarleg varðveisla að nota þetta tré ennþá.

Jólin eru það sem við viljum gera úr þeim.

kv.Guðrún María.

Niðurskurður og nærþjónusta við íbúa.

Því miður segi ég þvi míður eru þær sparnaðarformúlur sem notaðar hafa verið og nýttar ekki með þau viðmið að akstur milli staða kosti peninga, hver sem greiðir fyrir þær hinar sömu ferðir.

Raunin er sú að aukinn kostnaður leggst á sjúklinga við þessa breytingu í formi ferðalaga, en ferðalög á bensíni kosta fjármuni.

Hinn flati niðurskurður til heilbrigðismála þar sem LSH hefur verið gert að skera niður þrátt fyrir sparnað, er óréttlátur en hefur kallað á aðgerðir sem þessar að virðist.

Lítil sem engin umræða hefur hins vegar verið um forgangsröðun í heilbrigðisþjónustu sem er afar slæmt einkum og sér í lagi þegar stofnunum er gert að spara samkvæmt flötum niðurskurðartillögum.

kv.Guðrún María.

Neitaði að yfirgefa spítalann