Njótið jólanna, ágætu þingmenn.

Vonandi er að friður jólanna verði til staðar í jólafríi þingsins, ekki hvað síst innan ríkisstjórnarinnar sjálfrar þar sem viðvarandi illindi og erjur millum sitjandi flokka hafa verið fyrirferðarmiklar frá því þessi stjórn settist við valdatauma.

Væntanlega fáum við landsmenn einhvern forsmekk að komandi ári í umræðum á gamlársdag millum formanna flokkanna.

Kemur í ljós.

kv.Guðrún María.

Þingi frestað fram í janúar

Er veraldleg fátækt, andlegt ríkidæmi ?

Mitt svar við þeirri spurningu er já, en vissulega má á milli sjá hversu mjög illa fólk er sett hvað fátæktina varðar.

Láglaunafólk á Íslandi hefur verið nokkuð langt frá því að geta leyft sér stóran hluta af því sem svokölluð millistétt í tekjum hér á landi hefur verið þess umkomin að viðhafa, lengst af.

Mismunurinn milli annars vegar millitekjuhópa og hátekjufólks hins vegar, hefur svo aftur verið eitt stykki önnur gjá tekjulega, lengst af.

Við höfum búið við misskiptingu tekna sem aldrei fyrr síðustu tvo áratugi hér á landi, með tilheyrandi vandamálum jaðarhópa í því efni.

Núverandi atvinnuleysi hér á landi hefur raskað þessum hlutföllum eitthvað millum hópa í samfélaginu að þvi ég tel, hins vegar er það svo að viðhorf okkar sjálfra gagnvart eigin aðstæðum hverjar svo sem þær eru hverju sinni skiptir meginmáli.

Ef maður eyðir öllum dögum í það að ergja sig yfir því hvað næsti maður getur en maður sjálfur ekki þá áskapar það eðli máls samkvæmt sífellda vanlíðan.

Það er tilgangslaus tímasóun en hins vegar algengt því miður, því öfundin er ein tegund af eðli mannsins og samanburðarhagfræðin eitthvað sem yfir dynur alla daga á einhvern handanna máta.

Við kaupum ekki kærleikann fyrir peninga, kærleikurinn er eitthvað sem þarf að rækta í mannlegum samskiptum fjölskyldu og vina.

Jólin eru tími sáningar þess hins sama kærleika.

kv.Guðrún María.

Kanski væri betra að setja hljóðnema á þingmenn ?

Það nær náttúrulega ekki nokkurri átt að umræður á ríkisstjórnarfundum verði hljóðritaðar, það kemur ekki í veg fyrir " pólítiskt plott " mun nær væri sennilega að hver þingmaður gengi með hljóðnema, þar sem sjálfkrafa upptökur væru fyrir hendi innan dyra þingsins..... eða hvað til þess að tryggja hið galopna gagnsæi ?

Illuga finnst arfavitlaust að hljóðrita ríkisstjórnarfundi meðan Össur er sáttur við hið sama, afar fróðlegt.

kv.Guðrún María.

„Arfavitlaust"

Ekki var það fráleitt þegar breyta þurfti niðurstöðu Hæstaréttar, varðandi stjórnlagaráð.

Fór Alþingi að niðurstöðu dómstóla, þ.e Hæstaréttar varðandi kosningu til stjórnlagaþings sem dæmd var ógild ?

Svarið er Nei, þar voru hinir kosnu skipaðir af stórnvöldum í stjórnlagaráð.

kv.Guðrún María.

Fráleitt að Alþingi blandi sér í réttarhald

Undarleg afstaða Hreyfingarinnar.

Getur það virkilega verið að öfl sem tala fyrir réttlæti, telji það íslenskri þjóð til hagsbóta að taka fyrir einn mann og draga fyrir dóm meðan aðrir sleppa.

Hefur þetta, kanski eitthvað með þá hugmyndafræði að gera ,varðandi það að hér hafi " allt verið ónýtt " og sé það enn og menn skuli mótmæla öllu alltaf einhvern veginn og bara draga einhvern til ábyrgðar ?

Hér er enginn stormur í vatnsglasi heldur spurning um virðingu Alþingis til framtíðar, þar sem flokkspólítisk sjónarmið hvers konar skyldu hafin yfir réttláta málsmeðferð, við leitan að ábyrgð.

kv.Guðrún María.

Birgitta: Stormur í vatnsglasi

Auðvitað, burt með þessi mistök innan veggja Alþingis.

Atkvæðagreiðsla um ákærur fyrir Landsdóm mun seint líða úr minni, sökum þess að þar setti Alþingi sannarlega niður, varðandi það atriði að draga einn mann til ábyrgðar en sleppa öðrum.

Núverandi ríkisstjórn var ekki þess umkomin að endurkjósa Landsdóm eins og vera ber og framlengdi setu fulltrúa frá fyrra þingi sem er fáranlegt.

kv.Guðrún María.

Málið gegn Geir verði fellt niður

Helmingur núverandi ríkisstjórnar ber sömu ábyrgð og Geir Haarde.

Svo vill til að Björn Valur situr í ríkisstjórn með Samfylkingunni, en Samfylkingin ber jafn mikla ábyrgð á stjórn landsins þegar hér kom til hrun, eins og Geir Haarde.

Hver skyldi ábyrgð samstarfsflokksins VG, vera í því efni að sitja með hrunflokk í núverandi ríkisstjórn ?

Finnst viðkomandi þingmanni það virkilega vera í lagi að taka bara fyrir einn mann og segja, það var honum að kenna að hér hrundi allt.

Vægast sagt er þar um grunnhyggið viðhorf að ræða.

Alþingi væri sómi að því að endurskoða eigin mistök í þessu efni, sem eru mikil, allt frá atkvæðagreiðslu til þess að framlengja störf Landsdóms með fulltrúum sem ekki lengur eiga fulltrúa á þingi.

kv.Guðrún María.

Björn Valur: Ígildi þess að afneita hruninu

Hin endalausa bankaumræða er eldur í hinn pólítiska arinn.

Núverandi stjórnarherrum hentar einstaklega vel að benda á fyrri stjórnvöld í sambandi við efnahagslegt hrun hér á landi í pólítískum eiginhagsmunatilgangi.

Sömu ráðamenn sjá hins vegar lítið að í Evrópu þótt flestir aðrir komi auga á það hið sama enda með þann tilgang í farteski að koma okkur í bandalag þangað.

Þeir sem aldrei sáu " góðæri " hér á landi, eiga þeir að hoppa út á stræti og mótmæla því að þeir sem upplifðu " góðæri " töpuðu á i efnahagslegri kreppu er varð til ?

Jú vissulega til þess að sýna samstöðu, en.... augnablik, þeir sem bentu á merki þess að hér væri markaðshyggjuþokumóðuþjóðfélag þar sem spilað var Matador allra handa, var eitthvað hlustað á þá ?

Nei ekki meðan góðærið varði, því miður.

Mér kemur það ekki á óvart að hluta þingheims hafi vantað við að skoða málefni skilanefnda, sökum þess bankaumræðan er enn eldsneyti í hinn pólítiska arinn.

kv.Guðrún María.

Fáir þingmenn hafa þekkst boð skilanefndar

Og hver á að borga brúsann ?

Starfstengd úrræði, hvað þýðir það ?

Það kemur ekkert fram hver eigi að verja eigi fjármunum í þetta verkefni nema mönnum hafi dottið í hug að fá menn í vinnu á atvinnuleysisbótum.

Það skyldi þó aldrei vera.

kv.Guðrún María.

Boða nýtt átak

Hvað ætlar Efling að gera fyrir hönd sinna launþega ?

Það eru vissulega takmörk fyrir athöfnum stjórnvalda sem og þeirra sem stjórna og stýra lifeyrissjóðum í landinu.

Stenst skattheimta á þegar áunnin réttindi lög ?

Mun Efling láta á það reyna fyrir dómsstólum eða skerða réttindi sjóðsfélaga með tilvísan í athafnir stjórnvalda þessu sinni ?

Kemur í ljós.

kv.Guðrún María.

Skerða þarf réttindi