Hér gefur að líta gagn til dóms til riftingar á húsaleigusamningi.

 Ég mætti í dóm þann 16. júli sl. þar sem efnið var riftun húsaleigusamnings við mig, og forsenda dómshaldsins var þetta skal sem lagt hafði verið inn í dóminn af hálfu fulltrúa stjórnvaldsaðila til riftunar.

 

Mótmæli mín í dómi þess efnis að nú þegar hafi verið búið að rifta við mig samningi þessa efnis, og endurtekning sömu gjörðar í þvi efni væri eitthvað sem ekki þyrfti að viðhafa ,urðu mér best skiljanlega tilefni frestunar málsins til 10 sept. næstkomandi þar sem mér er gert aðl leggja fram greinargerð.

 

Ég hefi lagt inn stjórnsýslukæru á framkvæmd mála sem vísað hefir verð til Úrskurðarnefndar um félagsþjónustu og húsnæðismál á vegum innanríkisráðuneytisins og bíð niðurstöðu þaðan sem óvíst er að ljúki áður en dómshald kemur til þann 10 sept.

Þangað til er ég í  algerri óvissu um framgang mála en engin viðbrögð hefi ég fengið frá nokkrum kjörnum fulltrúa hér í mínu sveitarfélagi, varðandi viðtal um þennan framgang, engin enn sem komið er.

Sé það svo að hægt sé að leggja inn plögg í dóm til riftunar á samningi með einhliða undirskrift annars samningsaðila þá er illa komið.

Ég spyr að leikslokum í þessu máli.

 

kv.Guðrún María. 

 

 

 

 

VG, hundsaði eigin stefnuskrá við stjórnarmyndun.

Það verður ekki auðvelt hjá forystumönnum Vinstri hreyfingarinnar græns framboðs að reyna telja fólki trú um að svart sé hvítt og hvítt svart fyrir næstu kosningar hafandi gengið fram með stefnuskrá um andstöðu við aðild að Evrópusambandi fyrir kosningar og síðan hafið stjórnarsamstarf á því að semja um aðildarumsókn til þess að sjá " hvað væri í boði ".

Hvers konar hugleiðingar nú á þessum tímapunkti um " vaxandi áhuga á endurskoðun" heitir of seint, ekki hvað síst þar sem tíma og peningum hefur verið eytt út í loftið einu sinni enn hér á landi, í eitthvað sem fyrirsjáanlegt mátti vera að væri í andstöðu við meirihluta þjóðarinnar.

Frá mínum sjónarhóli séð hefur aðeins einn þingmaður sem kosinn var á Alþingi Isendinga fyrir VG, í síðustu kosningum staðið fyrir stefnu þeirri sem flokkurinn gaf út fyrir kosningar, og hann heitir Jón Bjarnason.

kv.Guðrún María.

Vilja endurskoða ESB-umsóknina

Hugsunarleysi um nauðsynlegar aðgerðir við eyðingu meindýra í íslenskri náttúru, gæti kostað mikið.

Það er með ólíkndum sofandahátturinn gagnvart því atriði að halda í skefjum refum og minkum hér á landi, og svo virðist sem menn telji að þar þurfi bara engu að kosta til í hinum dreifðu byggðum.

Stórkostleg fjölgun meindýra vegna aðgerðaleysis getur þýtt mikinn skaða í dýralífi og hefur gert að mínu viti nú þegar fyrir margra ára sofandahátt í þessu efni.

Vald í þessum efnum þarf að liggja hjá heimamönnum eðli máls samkvæmt.

kv.Guðrún María.

Treysta ekki á áætlun um eyðingu vargs

Engum lýðræðislega þenkjandi stjórnvöldum ,átti að detta í hug að setja fram aðildarumsókn í andstöðu við meirihluta þjóðarinnar.

Hin stórkostlegu mistök núverandi stjórnarherra varðandi það atriði að viðhafa ekki þjóðaratkvæðagreiðslu um vilja til aðildar að Evrópusambandinu, aður en slíkt ferli var sett af stað, kunna að verða þjóðinni dýrkeypt þar sem hið sama þýðir skort á trausti í alþjóðlegri samvinnu og fáránlegan skort á lýðræðislegu umboði manna til athafna í utanríkismálum einnar þjóðar.

Einn flokkur Samfylkingin hafði það á stefnuskrá að sækja um aðild og er enn eini islenski flokkurinn, með þau hin sömu markmið á stefnuskrá, en samstarfsflokkurinn sem hefur mátt þola klofning vegna sáttar um þetta mál í gegnum þing, mun þurfa að skýra stefnu sína fyrir næstu kosningar.

Sé hægt að tala um eins máls flokk hér á landi þá er þar að finna Samfylkingu með sinn áhuga á Evrópusambandinu í andstöðu við meirihluta þjóðarinnar.

kv.Guðrún María.

ESB standi fast á sjávarútvegskröfum sínum

Stórþörf umræða um greiningu á ADHD.

Það er þarft að ræða um það atriði hvernig greining á ofvirkni og athyglisbresti er hér á landi, þar sem aðferðir við slíkt geta verið mismunandi eins og Ólafur Guðmundsson á Bugl bendir á.

Það er öllum til hagsbóta að sú hin sama greining sé rétt, einkum og sér í lagi þeim einstakling sem á í hlut.

Mín persónulega reynsla af skólakerfinu sem foreldri var sú að tilhneyging kennara til þess að senda barn í greiningu væri nokkuð rík á fyrstu stigum skólagöngu, en þar er um að ræða mat kennara á heðgun barns í skólaumhverfi.

Síðar kom til sögu mat á því hinu sama áður en unglingastig tók við og barnið greindist ekki ofvirkt eða með athyglisbrest samkvæmt því hinu sama mati á þeim tíma, þannig að varla hefði barn þá greinst ofvirkt á fyrri stigum.

Síðar öðlaðist ég sjálf all mikla reynslu í vinnu í skóla með börnum sem voru greind með þessi vandkvæði þar sem mikilvægi samvinnu og skýrra skilaboða, skiptu öllu máli í þeirri hinni sömu vinnu af hálfu aðila allra.

Vandi skólaumhverfis hér á landi til þess að fá fjármagn til þess að takast á við nægilegan mannafla að störfum með börnum, með þekkingu á því hinu sama, er ekki nýtt vandamál heldur gömul saga og sifelld barátta skólastjórnenda.

Sem dæmi get ég tekið að umbun mín sem skólastarfsmanns fyrir að hafa setið starfsmám um ADHD var eitt þúsund krónur í mínu sveitarfélagi, en sem starfsmaður leikskóla fékk eg ríflegri umbun í formi launa á þeim tíma í öðru sveitarfélagi.

Eigi að síður skiptir það meginmáli að vitneska um misþroska sé fyrir hendi hjá öllum þeim er koma að málum hvers einstaklings, alls staðar.

kv.Guðrún María.

Flókið að greina ADHD

Hvar er atvinnustefna ríkisstjórnarinnar ?

Aukin gjaldtaka hins opinbera á að vera forsenda þess að búa til fjárfestingaverkefni á landsbyggðinni, hvaða verkefni ?

Bættar samgöngur eru sjálfsagður og eðlilegur hluti af verkefnum hverrar ríkisstjórnar eftir efnum og aðstæðum hverju sinni,en þær einar og sér duga skammt ef engin er atvinnan.

Ég lýsi hér með eftir atvinnustefnu núverandi ríkisstjórnar.

kv.Guðrún María.

„Mikill ávinningur til framtíðar“

Um daginn og veginn.

Komst austur undir Eyjafjöll í sveitina mína eina nótt, nú síðustu helgi og drakk í mig kyrrðina og fegurðina sem mín heimasveit skartar öllum stundum.

Eyjafjallaökullinn lyfti þokuhattinum smá stund um kvöldið og kom í ljós að sá hinn sami er rytjulegur á að líta með öskuflóka upp eftir hvíta hattinum hér og þar, og skyldi ekki undra eftir hamagang þann sem þar átti sér stað.

Gróður jarðar er mikill í minni sveit líkt og fyrri daginn og óslegin tún, sem ekkert hefur verið borið á af tilbúnum áburði, eins og frumskógur eftir þetta sumar að sjá má og sama hugsun kemur upp hjá mér eins og oft áður, af hverju er ekki hægt að nýta þetta ræktaða land áfram til matvælaframleiðslu hér á landi ?

Vonandi munu ráð mannsins finna leiðir til þess að nýta ræktað land á Íslandi, enn betur, en Eyjafjöllin eru að mínu áliti kjörsvæði lífrænnar ræktunnar í skjóli fjallanna.

Ferðin austur var andleg næring fyrir mig nú eins og stundum áður í ólgusjó lífsbaráttunnar.

kv.Guðrún María.

Varðstaða um sjálfstæði Íslands í komandi framtíð er meginverkefni íslenskra stjórnmála.

Ég er andstæðingur þess að við Íslendingar göngum í Evrópusambandið vegna þess að framsal á valdi einnar þjóðar í því magni sem það hið sama inniheldur er eitthvað sem ekki verður aftur tekið, og og öll sjálfstæðisbarátta okkar sem þjóðar fyrir tiltölulega skömmum tíma í minum huga vanvirt af þeim sem vilja slíkt valdaframsal.

Það þarf stjórnmálamenn með bein í nefinu til þess að standa á bremsunni í þessu efni og ég trúi því og treysti að menn standi sína pligt hvað þetta varðar, til handa komandi kynslóðum þessa lands.

Erindrekar sértækra hagsmuna munu áfram dansa á liberalismaballinu, þar aðild að Evrópusambandinu er hljómsveitin sem spilar undir, innan flokka og utan, en ég efa ekki að fleiri munu syngja í brekkusöng sjálfstæðis Íslands um ókomna tíð.

kv.Guðrún María.

Öfgaumhverfisvernd gegn landbúnaði í landinu ?

Til hvers eiga bændur að greiða kostnað við uppgræðslu lands ef þeir hinir sömu mega síðan ekki nýta það hið sama land ?

Það er ekki öll vitleysan eins, heldur aðeins mismunandi.

Hófleg nýting lands er hvoru tveggja sjálfsögð og eðlileg en svo vill til að sauðkindin skilur eftir sig áburð þar sem hún er á beit, fyrir þá sem ekki til þekkja.

kv.Guðrún María.

Bændur harðorðir vegna Almenninga

Ábyrgð stjórnsýslu hins opinbera.

Þegar einn einstakingur í þessu tilviki ég hefur mátt meðtaka það að þurfa að lúta dómi um riftun samnings um íbúðarhúsnæði í upphafi árs 2010, og engan annan samning undirritað um sama mál, þá skýtur það verulega skökku við að opinber stjórnsýsla gangi fram með kröfu um endurtekningu á því hinu sama með ýmis konar málatilbúnaði þar sem viðkomandi höfðu engin frumrit fram að færa fyrir dóm í þvi efni og munu ekki hafa.

Skilningur minn er sá að aðeins einu sinni sé sami löggerningur um sama mál mögulegur fyrir dómi þ.e. riftun samnings til útburðar.

Með öðrum orðum þegar samningi hefur verið rift er það í höndum þess sem hefir rift að óska eftir því að viðkomandi fari úr húsnæðinu þar sem samningur er ekki fyrir hendi.

Munnlegu samkomulag um greiðslu áfallandi leigu án undirritaðs samnings þarf ekki að rifta fyrir dómi.

Forsenda kröfugerðar fyrir dóm og kostnaðaraukningar í máli þessu er vægast sagt á reiki, að mínu áliti og mér kæmi ekki á óvart að þessi málarekstur gagnvart mér af hálfu sveitarfélagsins og lögmanns sem hefur einn með þau hin sömu mál að gera nú um stundir, verði í framtíðinni lærdómur um verulega klaufalega stjórnsýslu.

kv.Guðrún María.