Iðnaðarráðherra Samfylkingar skýlir sér bak við Evrópureglugerðir, um álver.

Hér er fyrsta dæmið um það atriði að núverandi ríkisstjórn reynir að draga fram EES samninga og reglugerðir til þess að skýla sér bak við varðandi ákvðarðanir um álversframkvæmdir.

 úr fréttinni.

"Fram kemur í tilkynningu frá ráðuneytinu að Alþingi hafi í vor sett lög sem hafi heimilað iðnaðarráðherra að gera fjárfestingarsamning við Norðurál en eftirlitsstofnun EFTA, ESA, hafi þurft að staðfesta lögmæti samningsins.

Stofnunin úrskurðaði 23. júlí sl. að fjárfestingarsamningurinn stæðist EES reglur.  Meðal annars skoðaði stofnunin orkusölusamninga Norðuráls við Orkuveitu Reykjavíkur og HS orku og tekur sértaklega fram að arðsemi orkusamninga sé eðlileg og ekki um neinar niðurgreiðslur á orkuverði að ræða."

Hér er gerð tilraun til þess að gera ábyrgð ráðherra á stjórnarathöfnum sem minnsta, með tilvitnun

í EES samninga, og afar hjákátlegt að mínu viti.

kv.Guðrún Maria.

Fjárfestingarsamningur undirritaður

ER búið að samræma þessar aðgerðir í nágrannasveitarfélögum ?

Stundum vill það gleymast að Reykjavík og nágrannasveitarfélögin hafa mikla samtengingu eðli máls samkvæmt en hve vel eru aðgerðir samræmdar i þessu efni hvað varðar sveitarfélög kring um höfuðborgina ?

ER þar samvinna og samhæfing á ferð ?

kv.Guðrún María.

 

Borgin vinnur að áætlun vegna svínaflensunnar

Munur er á því að vilja eða ætla, ríkisstjórnin vill, en ætlar hún ?

Það er orðið of þreytt að heyra það frá ráðamönnum þessarar þjóðar sem LÖGÐU á nyja skatta og skerðingar á vordögum, tala um að þeir VILJI, gera þetta eða hitt, hvað ÆTLA þeir að gera ?

kv.Guðrún María.

Skatturinn fær að kyrrsetja eignir

Siðrof varð til hér á landi.

Ég var að hlusta á Vilhjálm Bjarnason formann Samtaka fjárfesta í ágætu viðtali við Höskuld á Útvarpi Sögu, fyrir nokkru þar sem hann ræddi um það atriði að " SIÐROF " hefði orðið til hér á landi, þar sem menn voru allt í einu farnir að láta sér það lynda að gjá milli hópa eins þjóðfélags í launum væri eðlilegt atriði.

Það sem mér fannst vanta við þær útskýringar Vilhjálms sem þarna komu fram þess efnis að þetta siðrof hefði orðið til í bönkunum með ofurlaunasamningum, er það atriði á þar á undan kom til forsenda þess hins arna sem lá og liggur enn í því atriði að Alþingi Íslendinga heimilaði framsal og leigu á óveiddum fiski úr sjó, sem jafngilti að minu viti peningaprentun árið 1991-1992.

Í raun og veru umsnerist allt þjóðfélagið eftir þessa gjörð í formi laga, um þá hina miklu peningaumsýslu sem þessu fylgdi og stétt eftir stétt heimtaði laun til samræmis.

Með öðrum orðum undirrót þess siðrofs sem varð til er því að aðalatvinnuvegur þjóðarinnar sjávarútvegur var gerður að markaðsbraski, þar sem loftbólupeningar flæddu inn í fjármálastofnanir.

kv.Guðrún María.

Hægri og vinstri forræðishyggja, kaptítalismi eða kommúnismi, hver er munurinn ?

Þegar meintir vinstri menn virðast hafa lagt frá sér sjónarmið félagshyggju og samvitundar þá verður sú spurning áleitin hvar landamæri hvers konar skilgreininga kunna að liggja.

Set hér inn grein frá mér sem birtist í mbl, fyrir fjórtán árum síðan.

 

Fimmtudaginn 19. október, 1995 - Velvakandi

Er þjóðin í fjötrum hægri og vinstri forræðishyggju?

Guðrúnu Maríu Óskarsdóttur:

ÞAÐ er afskaplega áleitin spurning, þegar ákveðin stétt manna stendur að því að skipa sjálfum sér sess utan þess ramma sem gildir um alla aðra. Ég er farin að halda að hluti hægri manna sé illa haldinn af forræðishyggju sem byggist einkum og sér í lagi á hagfræði sem ekki kann að tala. Hagfræði sem ekki kann að tala, er engin hagfræði í samfélagi manna.

Er þjóðin í fjötrum hægri og vinstri

forræðishyggju?

Guðrúnu Maríu Óskarsdóttur:

ÞAÐ er afskaplega áleitin spurning, þegar ákveðin stétt manna stendur að því að skipa sjálfum sér sess utan þess ramma sem gildir um alla aðra. Ég er farin að halda að hluti hægri manna sé illa haldinn af forræðishyggju sem byggist einkum og sér í lagi á hagfræði sem ekki kann að tala. Hagfræði sem ekki kann að tala, er engin hagfræði í samfélagi manna. Núllþráhyggjan í ríkisbúskapnum nær ekki nokkurri átt. Spara aurinn en kasta krónunni. Hefði nokkrum lifandi manni dottið í hug fyrir nokkrum áratugum að loka sjúkrahúsum, þegar fólk þyrfti nauðsynlega á þjónustunni að halda. Nei, það held ég ekki, en hagfræðin sem ekki kann að tala, spyr ekki fólk, aðeins tölur. Nákvæmlega það sama virðist uppi á tengingnum hjá ráðamönnum Reykjavíkurborgar. Hækkun strætisvagnafargjalda er vart til þess fallin að auka fjölda farþega. Þó er hækkunin mest hjá þeim sem hafa ekki bílpróf ennþá og þeim sem hættir eru að keyra bíl. Vinstri forræðishyggja á ferð í strætó að þessu sinni. Ef spurt er um svör, dettur sama gamla platan á fóninn, "Allt fyrri meirihluta að kenna".

Taka þarf upp nýja búskaparhætti

Alls staðar svamla menn í sama núllpyttinum. Lausnir í landbúnaðarmálum, jú búa til sauðfjárverksmiðjur, þar sem það virðist hafa steingleymst að taka með í reikninginn að lífræn ræktun afurða sem og hófleg nýting lands, er eitt af því sem kann að bjarga jarðkringlunni. Ekki eitt orð um lífræna ræktun í fréttum að minnsta kosti í tengslum við gerð búvörusamnings. Kannski eiga saufjárforstjórar að bregða sér í hlutverk "Súpermanns" og stunda ræktun samkvæmt kenningum Rudolfs Steiner. Hugmyndafræði hans er í raun, að miklum hluta til sá búskapur sem tíðkaðist á Íslandi fram á sjötta áratuginn og elstu bændur þekkja og kunna. Fyrir tíma forræðishyggjuráðunauta, sem réðu ferð og takið eftir hvatningu um aukið framleiðslumagn, ár eftir ár. Þessir sömu postular sitja nú og segja fátt á tímum þrenginga, þegar ráðist er á bændastéttina í heild sem afætur samfélagsins og hvaðeina. Það á að ryðja elstu bændunum út svo þeir nái ekki að skila lífsstarfi sínu í hendur afkomendanna. Eftir ca. áratug þarf svo að stokka upp á nýtt, þegar verksmiðjukjöt verður ekki lengur það sem fólk vill kaupa.

Hvenær opnast augu fólks?

Sauðkindin gerir lítið annað en að viðhalda því umhverfi sem hún hrærist í, og græða landið frekar en að eyða því, en það byggist á því að takmarka fjölda á hverja spildu lands. Nákvæmlega það sama á við um hross og nautgripi. Hér sem annars staðar virðast menn því hlaupa eftir hagfræðinni mállausu úr gluggalausa stöðugleikakofanum. Hvenær í ósköounum ætla menn að opna augun fyrir því sem er að gerast í kring um okkur og taka mið af því? Hvaða landbúnaðarráðherra var það nú aftur sem hvatti bændur af stað í fiskeldi og loðdýrarækt í stórum stíl á sínum tíma? Hvað skyldi sá góði maður vera að gera í dag?

Verður hið fámenna lögreglulið landsmanna brátt upptekið við sjóróðra allt í kring um landið? Kannski verður hægt að semja við bófana um að fara í verkfall á meðan. Kannski getur slökkviliðið hlaupa í skarðið. Ekki gott að segja. Kannski sameinast ríkisstjórnarflokkarnir í einn flokk og til sögunnar kæmi Framstæði sjálfssóknarflokkurinn. Ef til vill myndu þá tínast úr hópnum þeir sem enn meta manngildið ofar auðgildi og ná því að eygja skóginn fyrir trjánum.

Virðingarfyllst,

GUÐRÚN MARÍA ÓSKARSDÓTTIR,

kv.Guðrún María.

Borgarahreyfingin vildi flokksræði á þing, ólíkt Lýðræðishreyfingunni.

Því miður kemur það ætíð betur og betur í ljós hve mikilvægt það er að hver maður sé kjörinn án þess að undirganga flokksræðisformúlur hér á landi.

Fyrst og síðast er það nefnilega þannig að hver þingmaður sver eið að stjórnarskránni til þess að vinna samkvæmt sinni sannfæringu, og við því getur flokksræði lítið gert.

Hafi Esb verið meginmarkmið grasrótar Borgarhreyfingarinnar, þá var betur heima setið en af stað farið að mínu mati, og ég tek enn hattinn ofan fyrir þeim þremur þingmönnum þessa flokks sem greiddu atkvæði sitt gegn því hinu sama.

kv.Guðrún María.

Stjórn vill varamenn á þing

Framkvæmd laga um greiðsluaðlögun óljós !

Ekki er sopið kálið fyrr en í ausuna er komið, og það atriði að menn séu ekki með það á hreinu hver valdmörk millum framkvæmdaraðila, lagalega eru og skulu vera varðandi framkvæmd mála, er að mínu viti óásættanlegt.

Það er þá ekki í fyrsta skiptið sem léleg lög eru sett gegnum þingið, og sennilega ekki það síðasta heldur, því miður.

kv.Guðrún María.

Þúsundir vilja greiðsluaðlögun

Ríkisstjórn landsins ræður ekki við það verkefni að skera niður.

Það atriði að hækka skatta í atvinnuleysi er formúla sem einfaldlega gengur illa eða ekki upp, það vita flestir, en skattahækkanir stjórnvalda á vordögum voru verulegar svo ekki sé minnst á ýmis konar skerðingar og endurgreiðslukröfur á hendur elli og örorkulífeyrisþegum sem eru út í hött.

Ýmis konar ofþjónustu og illskilgreinarlegum verkefnum sem hið opinbera hefur komið á á undanförnum áratugum hér á landi má sannarlega víkja til hliðar um tíma, í stað þess að leggja á skatta til þess að viðhalda opinberri þjónustu af sama stigi og afar óheilbrigt er og hefur verið fyrir eitt land lengi.

Tvær rásir Ríkisútvarpsins eru dæmi um eina tegund að ofþjónustu, þar sem auðveldlega mætti færa saman verkefni í eina útsendingu án alls þess mannafla sem þar er að störfum.

Menntun og heilbrigði landsmanna má sannarlega rýna í hvar varðar kostnað hins opinbera og fækkun kennslustunda á grunnskólabörn tel ég ekki að muni skaða þau hin sömu, þótt Kennarasambandið vilji halda stöðugildum eigin félagsmanna.

Verkefni Lýðheilsustöðvar og Lyfjastofnunnar, má færa undir Landlæknisembættið.

Samhæfa þarf heilbrigisstéttir allar, frá heilsugæslu til sérfræðinga, og sjúkrahúsa, þar sem verkefni ríkis og sveitarfélaga eru samtengd í mun ríkara mæli en verið hefur.

Umhverfisstofnun verði lögð niður tímabundið.

Fiskistofa, Siglingamálastofnun og Hafrannsóknastofnum verði færðar undir einn hatt.

Hvers konar nefndir og ráð á vegum hins opinbera á báðum stjórnsýslustigum ríkis og sveitarfélaga lúti endurskoðun hvað varðar það atriði að einungis kjörnir fulltrúar stjórnsýslustiganna sitji þar til ávarðana ásamt því að leggja niður og fækka slíkum nefndum.

Utanríkisþjónusta og sendiráð lúti endurskoðun þar sem fækkun sendifulltrúa tímabundið komi til skoðunar.

Framhaldsmenntun lúti tengingu við þarfir atvinnulífsins, hvað varðar niðurgreiðslu hins opinbera.

Endurskoðun skattkerfis með tilliti til tekjutenginga alls konar, þar sem endurgreiðsluþátt hins opinbera í vaxtabótum og húsaleigubótum skyldi afnema í áföngum.

Fleira mætti telja upp en nóg í bili.

kv.Guðrún María.

 

 

 

Hér góð lýsing á Matadorleiknum.

Endalausar lánveitingar til ehf... þetta eitt ár, ehf..... hitt.... sitt hvert árið, síný einkahlutafélög um rekstur og lánveitingar, innan ramma stórfurðulegs regluverks þar sem vantaði að hluta til landamæri, svo ekki sé minnst á eftirlit.

kv.Guðrún María.

Kaupþing fjármagnaði kaup á Högum til fulls

Þessi bullukollagangur hefur náð endamörkum Steingrímur.

Hér reynir fjármálaráðherra að draga fram álit eigin ráðuneytis á samningagerð sem fyrrverandi flokksbróðir hans fór með forsvar um varðandi ómögulega samninga til handa íslenskri þjóð, við að una.

Þvílíkur loddaraháttur sem svo sem hefur verið alsiða í íslenskri pólítík, fram og til baka í áraraðir en það skal viðurkennt að ég batt vonir við að þessi maður myndi skera sig úr, í því efni, en það hefur hann ekki gert, því fer svo fjarri.

Hann yfirtoppar hér allar fyrri tilraunir Bakkabræðra úr pólítíkinni við það að bera sól í húfum í gluggalausan kofann.

kv.Guðrún María.

 

Staðfestir heildarmyndina um Icesave