Öfga frjálshyggja ellegar algjör forsjárhyggja, ræður ríkjum hér á landi.

Magnmælingar millum kynja skulu eiga sér stað þar sem fyrirtækjum er gert að inna af hendi alls konar skriffinsku í formi áætlana sem ef til vill eru ekki framkvæmanlegar hvað þá framkvæmdin í reynd sinni samkvæmt valdboði.  Dæmi um forsjárhyggju af verstu gerð.

Hugmyndir um að koma af stað sölu áfengis í matvörubúðum undir formerkjum frelsis er aftur dæmi um öfgafrjálshyggju í ljósi þróunar sölu þeirrar hinnar sömu vöru nú þegar hér á landi.

Grunnþjónusta við menntun og heilbrigði er föst í viðjum forsjárhyggju meira og minna.

Kvótakerfi sjávarútvegs er ótrúlegur gerningur þar sem saman fer íslensk útgáfa af forsjárhyggju undir formerkjum frjálshyggju.

Það er ekki fyrr búið að setja lög sem innihalda ákveðna forsjárhyggju af einhverju tagi , en þau hin sömu þarfnast breytinga við sökum þess að þau rekast á önnur lög sem áður höfðu verið samþykkt og innihalda meira frelsi en forsjárhyggjan gerir ráð fyrir í seinni lagasetningunni.

Hinn gullni meðalvegur er vandrataður.

kv.gmaria.

 

Bókstafstrúarmenn á Íslandi ?

Nokkrir vísindarökhyggjupostular gerast nú enn háværari í atlögu sinni að trúuðum hér á landi meðal annars með alls konar ádeilu á kristna trú manna. Það er nokkuð athyglisvert að þeir hinir sömu beina nær einungis sjónum sínum að kristinni trú, ekki öðrum trúarbrögðum enn sem komið er og spyrja má hvort þar sé um að ræða tilraunir til þess að setja trúleysi í jafnstöðu fjármálaútgjalda á vegum hins opinbera til þess arna. Að mínu viti eiga trúlausir ekki að flokkast sem trúfélög og í því sambandi því ekki að njóta sérstakra fjárframlaga undir þeim formerkjum. Annað hvort trúa menn og tilheyra félögum eða þeir gera það ekki.

Hvað græða menn yfirhöfðuð á því að reyna að rýra gildi trúar manna ? Burtséð frá því á hvaða Guð menn kjósa að trúa.

Grundvallarviðmið vitrænna aðferða mannsins eru tilkomin að hluta til úr trúarbrögðum þar með talið virðing fyrir þekkingu rannsóknum og menntun, og umburðarlyndi og virðing eru forsenda þess að mínu viti.

Málflutningur þess efnis að ekki megi minnast á Guð í skólum landsins þar sem Guð er til staðar í kirkjum við upphaf og endi lífsins er hreint út í hött.

kv.gmaria.

 

Mjög skynsamleg ráðstöfun.

Því ber að fagna að menn skuli loks ætla að ramma inn raunútgjöld sjúkrahúsa í stað þess barnings sem stjórnendur hafa mátt þurfa standa í ár eftir ár.

kv.gmaria.

Framlag til hátæknisjúkrahúss lækkar

Af hverju nýjan veg ??

Nokkuð fróðlegt að sjá upphæð sem á að leggja í þessa framkvæmd en mér kemur það spánskt fyrir sjónir að leggja eigi nýjan veg niður eftir og skil ekki alveg hvaða röksemdir liggja þar að baki, nema ef vera kynni að umfang efnisflutninga sé og verði með því móti að færa þurfi til fjall og annað.

kv.gmaria.

400 milljónir til Bakkafjöruvegar

" ÉG TRÚI á Guð, þótt titri hjartað veika, og tárin blindi augna minna ljós.... "

" Ég trúi þótt mér trúin finnist reika, og titra líkt og stormi slegin rós, ég trúi því að allt er annars farið, og ekkert sem er mitt, er lengur til, og lífið sjálft er orðið eins og skarið, svo ég sé varla handa minna skil. "

Þetta fyrra erindi úr sálmi Sr. Matthíasar Jochumssonar heitins, er eitthvað sem ég dái mjög mikið sem og marga fleiri sálma skáldsins.

Fyrir mig er þarna andlegur næringarbrunnur.

kv.gmaria.

Hlutafélagalög ekki nógu vel gerð eins og ýmis önnur lagasmíð hér á landi !

Hverjum þurfti að koma þetta atriði á óvart eftir atburðarás undanfarinna ára ?

kv.gmaria.

Erfitt að fá upplýsingar frá erlendum dótturfélögum banka

Íslendingar þurfa að líta í eigin barm áður en haldið er af stað að heiman.

Það hefur aldrei talist góð lexía að hlaupa af stað og hjálpa öðrum ef maður sjálfur er hjálparþurfi og svo vill til að fjöldinn allur af fólki hér á landi sligast undan vaxtakostnaði fjárskuldbindinga þar sem þeim hinum sömu hefur verið talinn trú um að samþykkja samninga um kaup og kjör undir formerkjum stöðugleika í efnahagsmálum sem enginn er þó sýnilegur.

Fyrst er að taka á vandamálum er snúa að íslenskum þegnum af hálfu stjórnvalda í landinu.

kv.gmaria.

 

Geir H. Haarde: Setur ekki sérstaka pressu á Ísland

Af hverju þarf fjármálaráðherra að þvælast fyrir viðskiptasendinefnd til Indlands, í önnum á þingi við gerð fjárlaga íslenska ríkisins ?

Hefur " hin mikla útrás " náð tökum á íslenskum ráðherrum og ríkisstjórninni allri þannig að meira er að gera í henni en við það að stjórna landinu ? Einn ráðherra nýkominn í ferðalagi frá Indónesíu og annar kominn til Indlands.

kv.gmaria.

Askar Capital skrifar undir samstarfssamning við indverskt fyrirtæki

Að skapa fordæmi og vera góð fyrirmynd.

Einstaklingshyggjan í voru þjóðfélagi og birtingarmyndir hennar svo sem öfund og nöldur og nag, í garð náungans, hroki, frekja og drottnunargirni er eitthvað sem við skiljum svo ekkert í að hafi síðar úgáfu af öðru tagi í formi ofbeldisúrlausna ýmis konar í samskiptum manna á milli.

Hamingjuformúlan í formi nægilegs sýnileika af alls konar málamyndalífsgæðum í formi umsvifa af fjárútlátum fyrir vikið, steinsteypukumböldum, bílum, ferðalögum um hnöttinn, leiðir ekki endilega til hamingju sérstaklega.

Hamingjan kann hugsanlega að feta einfaldari vegi og vera til á heimilum okkar í samskiptum við okkar nánustu dags daglega í formi kærleiks og elsku, og heilbrigðis til likama og sálar.

Hæfileikinn til að velja og hafna er því mikilvægur og þarf að lærast snemma á æviskeiði hvers manns.

Leiðtogar okkar hvort sem um er að ræða stjórnvöld við stjórnvöl landsins eða foreldrar barna eru fyrirmyndir og eftir höfðinu dansa limirnir.

kv.gmaria.

 

Mikið lifandis skelfingar ósköp mættu íslenskir fjölmiðlar sleppa frásögnum af slíku.

Fyrsta frétt eða aukafrétt, ef einhver forkólfur hryðjuverkaverkasamtaka opnar munninn um eitthvað, hvaða tilgangi skyldi slíkt þjóna ? Þessi frétt Reuters er álíka einhvers konar frásögn af fyrra bragði úr íslenskum fjölmiðlum.

"Gróa á Leiti hefur ákveðið að tala á morgun og sent tilkynningu til fjölmiðla þess efnis."

kv.gmaria.

Ný skilaboð frá Osama bin Laden væntanleg