Þjóðinni til heilla að Ólafur sæti eitt kjörtímabil enn.

Ég tel að það væri þjóðinni heilladrjúgt að forsetinn sæti áfram eitt kjörtímabil enn.

Hins vegar finnst mér það, hvoru tveggja, ljúft og skylt að virða persónulega ákvörðun forsetans og þeirra hjóna að þau kjósi að eiga sitt frelsi fyrir sig án þess að vera endalaust innilokuð i embættisverkum sem tilheyra embætti forseta.

kv.Guðrún María.

Framboð ekki útilokað

Pólítísk óvissa um stjórnarskrárbreytingar fylgir næstu forsetakosningum.

Það er nokkuð sérstakt að enn hefur lítið verið rætt um það atriði að tillögur stjórnlagaráðs eru nú hjá Alþingi óafgreiddar, og óljóst hvort þingið verður búið að afgreiða það hið sama mál fyrir kosningar til embættis forseta.

Þar er því um að ræða ákveðna óvissu til handa þeim er bjóða sig fram til forseta, í næstu forsetakosningum eins og staðan er.

Afskaplega óheppileg staða í raun.

kv.Guðrún María.

Embættið pólitískt eftirsóknarverðara

Óska landsmönnum árs og friðar.

Ég vona að komandi ár verði ár nýrra atvinnutækifæra því ekkert er bagalegra en atvinnuleysi til langtíma.

Við munum hins vegar þurfa að endurskoða væntingar vorar og sníða hlutum stakk eftir vexti, hvers eðlis sem er í mun ríkara mæli en verið hefur hér á landi.

Það breytir því ekki að við eigum ótal mörg tækifæri til lands og sjávar, til framtiðar litið þar sem hið opinbera hvorki á né má, skattleggja um of til þess að fái þrifist.

Ábyrgð atvinnulífsins er samtímis sú að greiða mannsæmandi laun á vinnumarkaði.

Ég óska landsmönnum árs og friðar og vona að nýja árið færi okkur
fetið fram á veg.

kv.Guðrún María.

Ríkisstjórnin sá um að kveikja í áramótabrennunni þetta árið.

Þessi áramótabrenna ríkisstjórnarinnar mun væntanlega loga fram á næsta ár ef marka má fréttaflutning af þessu hrókeringatilstandi þar á bæ.

Sem sagt búið að kveikja eitt ófriðarbálið enn um völd og valdatauma allra handa, þar sem margur verður af völdum, viti rúinn.

En allt er þetta spurning fyrir ríkisstjórnina að hanga í ístaðinu, hvernig svo sem það má vera eins og þetta kjörtímabil allt hefur svo mjög einkennst af í samstarfi vinstri flokkanna.

Mér er illa sýnilegt hve mikilla breytinga er að vænta við það að Steingrimur Sigfússon verði atvinnuvegaráðherra, það er all óljóst.

Oddný Harðardóttir sem fjármálaráðherra er algjörlega óskrifað blað í mínum huga.

Væntanlega á þetta að þýða nýja ímynd ríkisstjórnar en valdabröltið hlýtur að snúast um Evrópumálin, annað er ekki í sjónmáli.

kv.Guðrún María.

Breytingartillagan samþykkt

Dulúð áramótanna.

Hin islenska áramótastemming, með sérstökum söngvum um áramót hefur meira og minna glutrast niður hjá okkur að mér finnst en lítið sem ekki neitt hefur verið gefið út af sönglögum í langan tíma hér á landi, og þeir fáu söngvar sem til eru og tilheyra áramótum hafa ekki fengið spilun sem heitið geti á öldum ljósvakans.

Ég held ég hafi kvartað yfir þessu áramót eftir áramót, man ekki lengur hvað mörg, en það skal viðurkennt að það gladdi mig ósegjanlega að heyra um það að ein Eyjafjallamær og skólasystir mín Sigríður Anna Einarsdóttir, hefði tekið sig til og gefið út disk með áramótalögum sem ég á eftir að nálgast og kaupa.

Frábært framtak hjá henni og stórþarft til þess að vernda þennan hluta menningar vorrar sem á djúpar rætur hjá þjóðinni að mínu áliti.

kv.Guðrún María.

Hvað kosta nýjir ráðherrar ríkissjóð ?

Hvað kosta hrókeringar sem slíkar til handa ríkissjóði ?

Það væri alveg ágætt að fá um slíkt upplýsingar, til dæmis hvort þar er um að ræða biðlaun þegar ráðherra lætur af embætti og nýr tekur við, en ef svo er þá hlýtur eðli málsins samkvæmt skynsamlegt að halda slíkum breytingum í hófi.

kv.Guðrún María.

Steingrímur vill ekki tjá sig

Davíð Oddsson er einn af allt of fáum stjórnmálamönnum, með bein í nefinu.

Ég hef lengi borið virðingu fyrir Davíð Oddsyni fyrir það atriði einkum og sér í lagi " að hafa bein í nefinu " og þora að ganga gegn straumi ríkjandi tíðaranda.

Það þýðir hins vegar ekki að allt sem hann hefur staðið fyrir á sínum stjórnmálaferli sé eitthvað sem ég get skrifað undir, hins vegar varði ég hann kvenna mest varðandi fjölmiðlafrumvarpið fræga sem kom fram á sínum tíma, ekki hvað síst vegna þess að sýnilegt var að hagsmunaaðilar þáverandi höfðu dregið allar fljótandi fleytur á sjó í umræðu þessarri, til að berjast fyrir eiginhagsmunum í þessu efni.

Á sama tíma virtist það afar heppilegt pólitiskt fyrir vinstri flokkana í landinu að gera Davíð að grýlu persé, og frá þeim tíma hefur andstaða við hann verið helsta límið í stjórnmálastarfi þeirra hinna sömu, sem er afar sýnilegt í pistlum stuðningsmanna ríkisstjórnarinnar hér á Moggablogginu.

Má í því sambandi rifja upp að hluti manna flúði af Moggablogginu þegar Davíð varð ritstjóri, eins hjákátlegt og það er.

Ég hygg að fáir landsmenn hafi gengið gegnum eins mikla orrahríð allra handa vegna starfa sinna á stjórnmálasviðinu og Davíð Oddsson hefur gert.

Ég óska Davíð alls hins besta þótt ég hafi aldrei hitt hann i eigin persónu, einungis sent honum bréf þegar hann var borgarstjóri í den, en vona að vinstri menn reyni nú að finna annað en eina persónu stjórnmálamanns til að argaþrasast í endalaust.

kv.Guðrún María.

Samskiptin við Ólaf alltaf verið eðlileg

Hvað hefur verið skorið mikið niður í snjómokstri ?

Það væri nú mjög fróðlegt að fá um það upplýsingar hversu mikið útgjöld til snjómoksturs hafa verið skorin niður t.d. í höfuðborg landsins Reykjavík ?

Jafnframt væri ágætt að vita hvort og þá hve mikill niðurskurður kann að vera varðandi verkefni Vegagerðarinnar í þessu sambandi.

Vegna ferða minna úr Hafnarfirði inn í Reykjavík undanfarið eftir Reykjanesbraut, inn KLeppsveg þá sleppir mokstri á götum við brúna í Ártúnsbrekku, en svo virðist sem Vegagerðin moki Reykjanesbraut upp á Miklubraut og hring þaðan að Bústaðavegi á Kringlumýrarbraut.

Að öllum líkindum er það verkefni Reykjavíkurborgar að moka Kleppsveginn og Sæbrautina, sem virðist hafa verið minna mokað en strætóleiðir hér í Hafnarfirði undanfarið, hvað sem veldur því hinu sama.

kv.Guðrún María.

Snjó kyngir niður

Allt of fáar brennur.

Fjölgunin hér á höfuðborgarsvæðinu hefur gert það að verkum að ferðalög fólks á brennur um áramót þýðir alla jafna bilakaos þar sem menn eru ekki þess umkomnir að ganga að sinni brennu nema í undantekningatilvikum.

Þegar ég bjó í miðbæ Reykjavíkur og fór ekki austur undir Eyjafjöll eða í Þykkvabæinn um áramótin, fór ég að brennunni við Ægissíðu en það var ekki göngufæri og bílastæðavesen alla jafna.

Á Seltjarnarnesinu var hins vegar einna þægilegast að komast labbandi að brennu af þeim stöðum sem ég hefi búið á hér á svæðinu.

Hér í Hafnarfirði eiga til dæmis 25.000.- manns að koma að einni brennu á Asvöllum sem þýðir það að margir nenna ekki að fara á brennu einungis út af bílastæðavandamálum þar að lútandi.

Ég vil sjá minni og færri brennur, helst eina í hverju skólahverfi um allt höfuðborgarsvæðið sem yrði til þess að fleiri nytu þeirrar menningar ef menningu skal kalla, það er vissulega umdeilanlegt, að brenna út árið.

Eigi að síður er það hluti af menningu okkar Íslendinga, menningu sem sveipuð er dulúð og ágætt að eiga einu sinni á ári.

kv.Guðrún María.

Níu brennur í Reykjavík

Löngu tímabært frumvarp lagt fram á Alþingi.

Andvaraleysi kjörinna alþingismanna gagnvart hagsmunum launþega í landinu hefur því miður verið algert til langtíma litið og það atriði að stjórnir verkalýðsfélaga skipi í stjórnir lífeyrissjóða, er slíkt afdalalýðræði að engu tali tekur.

Reyndar er það með ólikindum að slíkar tillögur skuli ekki koma frá verkalýðshreyfingunni sjálfri, en ef til vill er þess vart að vænta þar sem lítið er gert til þess að virkja hinn almenna félagsmann til þáttöku í öðru en að leigja sumarbústaði og jú samþykkja samninga um smávegis launahækkanir, sem verðtryggingin hefur alla jafna étið upp þegar komast á koppinn.

Fundir um hagsmunamál launþega, svo ekki sé minnst á fræðslu um réttindi og skyldur, það hefur ekki farið mikið fyrir því hinu sama, því miður.

Greiðslur launþega í lífeyrissjóði eru lögbundnar og ég lít svo að þau réttindi sem sjóðir þessir gefa út til handa launþegum séu því einnig lögvarin.

Eitt er ljóst að löngu tímabært er að skoða þessi mál.

kv.Guðrún María.

Sjóðsfélagar kjósi stjórnir