Aðgangur að upplýsingum í Hafnarfirði.

Það hljóta að vera hagsmunir íbúa að fá að vita hvers eðlis ákvarðanataka kjörinna fulltrúa er hverju sinni, um þeirra eigin hagsmuni.

Við höfum nú fengið að vita í hverju ákvarðanir eru fólgnar í þessu tilviki hvað varðar óseldar lóðir að veði gagnvart bankaskuldum.

Hvað mig sjálfa varðar sem íbúa í Hafnarfirði gat ég ekki fengið upplýsingar um það fyrr en til dómshalds kom, hvaða skjöl voru lögð fram af hálfu bæjarins til riftunar á húsaleigusamningi við mig.

Endurtekin dómstólameðferð í þessu sambandi þar sem neitað var aðgangi að skjölum var að mínu áliti offar, þar sem samningi slíkum hafði áður verið rift fyrir dómi.

Engum til hagsbóta hvorki mér né bæjarsjóði.

kv.Guðrún María.

Hagsmunir íbúa ganga fyrir

Mannréttindi hljóta að vera ofar stjórnmálastefnum einstakra flokka, eða er það ekki ?

Mbl á heiður skilið fyrir vandaða umfjöllun um þessi mál og það vakti athygli mína hve vel var að verki staðið í þessu efni sem er hvoru tveggja gott og ánægjulegt og viðkomandi því vel að því komin að fá verðlaun fyrir verkið.

Það getur engin stjórnmálaflokkur eignað sér mannréttindabaráttu hvers konar þótt því miður örli á stundum á slíkum tilburðum í voru samfélagi, mannréttindi hljóta að ganga ofar stjórnmálastefnum til vinstri og hægri hvarvetna.

kv.Guðrún María.

Standa við mannréttindaverðlaunin

Geðræn vandamál hafa ekki mátt kosta of mikið gegnum árin, hvar sem er.

Því miður eru enn fordómar í garð þeirra sem eiga við geðræn vandamál að etja hér á landi sem m.a birtast í fjármagni því sem varið er til málaflokksins hvort sem er á vegum sveitarfélaga eða ríkis.

Aðstaða sú sem Barna og unglingageðdeildin hafði fyrir nokkrum árum sem var að mínu áliti allt að því ómöguleg fyrir starfsfólk sagði sína sögu í því efni.

Auðvitað er sjálfsagt að samhæfa og samhæfa vinnubrögð en það breytir ekki þeirri staðreynd að fjármunum þarf að verja til þessarar tegundar sjúkdóma eins og annarra sjúkdóma sem hrjá manninn.

kv.Guðrún María.

Geðsjúkir fangar þurfa meiri hjálp

Er Samfylkingunni ómögulegt að eygja stöðuna í Evrópu ?

Það skyldi þó aldrei vera að Samfylkingin myndi þurfa að endurskoða eigin stefnuskrá varðandi Evrópumálin að kröfu flokksmanna, þar sem forystumenn flokksins við valdataumana virðast neita að horfast í augu við það að allt annað efnahagslandslag er á ferð nú en þegar umsókn var lögð fram.

Ég sé ekki betur en Samfylkingin sé að einangrast í íslenskum stjórnmálum vegna þessa máls.

kv.Guðrún María.

Vitlausasta hugmyndin að hætta við

Er búið að bjarga þjóðarskútunni af strandstað, eða hvað ?

Hve margir nýjir skattstofnar eru forsendur þeirra talna sem hér koma fram ?

Hve mikill samdráttur hefur orðið í kjölfarið af ákvörðunum um það að leggja á skatta á skatta ofan ?

Kanski er búið að koma þjóðarskútunni af strandstað en hafa menn efni á því að kaupa olíu á dallinn til áframhaldandi siglingar eða verða til enn nýjir skattstofnar til þess hins sama ?

kv.Guðrún María.

Betri greiðsluafkoma ríkissjóðs

Um daginn og veginn.

Ég á það til að gleyma því að gera ekki of mikið í einu þegar ég er að reyna að þrífa í kring um mig, sem aftur kostar það að gera ekki neitt næstu daga, til að ná úr sér verkjum.

Mér finnst ég aldrei geta gert nógu mikið eins og ég vildi gert hafa, en veit að ég verð að gjöra svo vel að sætta mig við það að geta ekki gert það sem ég gerði áður en bakið varð ónýtt.

Sennilega er ég ekki búin að meðtaka það alveg ennþá, það tekur tíma.

Undirliggjandi óvissa um húsnæðismál er eitthvað sem ég sofna með á kvöldin og vakna með á morgnana, en reyni að víkja burt úr huganum yfir daginn með viðfangsefnum sem varða eitthvað annað.

Af gefinni reynslu gegnum lífið veit ég að maður má ekki drukkna í vandamálum við að fást, þótt á stundum virðist þau hinu sömu eins og óbrúaðar ár, á stundum.

Lífið heldur áfram og alltaf skyldi maður finna ánægju í einhverju því sem maður tekur sér fyrir hendur, hvað svo sem það er, það er hægt.

Ég trúi því að sannleikurinn geri mennina frjálsa, en frelsið á sér vissulega mörk því innan marka frelsisins fáum við þess notið.

kv.Guðrún María.

Hér gefur að líta gagn til dóms til riftingar á húsaleigusamningi.

 Ég mætti í dóm þann 16. júli sl. þar sem efnið var riftun húsaleigusamnings við mig, og forsenda dómshaldsins var þetta skal sem lagt hafði verið inn í dóminn af hálfu fulltrúa stjórnvaldsaðila til riftunar.

 

Mótmæli mín í dómi þess efnis að nú þegar hafi verið búið að rifta við mig samningi þessa efnis, og endurtekning sömu gjörðar í þvi efni væri eitthvað sem ekki þyrfti að viðhafa ,urðu mér best skiljanlega tilefni frestunar málsins til 10 sept. næstkomandi þar sem mér er gert aðl leggja fram greinargerð.

 

Ég hefi lagt inn stjórnsýslukæru á framkvæmd mála sem vísað hefir verð til Úrskurðarnefndar um félagsþjónustu og húsnæðismál á vegum innanríkisráðuneytisins og bíð niðurstöðu þaðan sem óvíst er að ljúki áður en dómshald kemur til þann 10 sept.

Þangað til er ég í  algerri óvissu um framgang mála en engin viðbrögð hefi ég fengið frá nokkrum kjörnum fulltrúa hér í mínu sveitarfélagi, varðandi viðtal um þennan framgang, engin enn sem komið er.

Sé það svo að hægt sé að leggja inn plögg í dóm til riftunar á samningi með einhliða undirskrift annars samningsaðila þá er illa komið.

Ég spyr að leikslokum í þessu máli.

 

kv.Guðrún María. 

 

 

 

 

VG, hundsaði eigin stefnuskrá við stjórnarmyndun.

Það verður ekki auðvelt hjá forystumönnum Vinstri hreyfingarinnar græns framboðs að reyna telja fólki trú um að svart sé hvítt og hvítt svart fyrir næstu kosningar hafandi gengið fram með stefnuskrá um andstöðu við aðild að Evrópusambandi fyrir kosningar og síðan hafið stjórnarsamstarf á því að semja um aðildarumsókn til þess að sjá " hvað væri í boði ".

Hvers konar hugleiðingar nú á þessum tímapunkti um " vaxandi áhuga á endurskoðun" heitir of seint, ekki hvað síst þar sem tíma og peningum hefur verið eytt út í loftið einu sinni enn hér á landi, í eitthvað sem fyrirsjáanlegt mátti vera að væri í andstöðu við meirihluta þjóðarinnar.

Frá mínum sjónarhóli séð hefur aðeins einn þingmaður sem kosinn var á Alþingi Isendinga fyrir VG, í síðustu kosningum staðið fyrir stefnu þeirri sem flokkurinn gaf út fyrir kosningar, og hann heitir Jón Bjarnason.

kv.Guðrún María.

Vilja endurskoða ESB-umsóknina

Hugsunarleysi um nauðsynlegar aðgerðir við eyðingu meindýra í íslenskri náttúru, gæti kostað mikið.

Það er með ólíkndum sofandahátturinn gagnvart því atriði að halda í skefjum refum og minkum hér á landi, og svo virðist sem menn telji að þar þurfi bara engu að kosta til í hinum dreifðu byggðum.

Stórkostleg fjölgun meindýra vegna aðgerðaleysis getur þýtt mikinn skaða í dýralífi og hefur gert að mínu viti nú þegar fyrir margra ára sofandahátt í þessu efni.

Vald í þessum efnum þarf að liggja hjá heimamönnum eðli máls samkvæmt.

kv.Guðrún María.

Treysta ekki á áætlun um eyðingu vargs

Engum lýðræðislega þenkjandi stjórnvöldum ,átti að detta í hug að setja fram aðildarumsókn í andstöðu við meirihluta þjóðarinnar.

Hin stórkostlegu mistök núverandi stjórnarherra varðandi það atriði að viðhafa ekki þjóðaratkvæðagreiðslu um vilja til aðildar að Evrópusambandinu, aður en slíkt ferli var sett af stað, kunna að verða þjóðinni dýrkeypt þar sem hið sama þýðir skort á trausti í alþjóðlegri samvinnu og fáránlegan skort á lýðræðislegu umboði manna til athafna í utanríkismálum einnar þjóðar.

Einn flokkur Samfylkingin hafði það á stefnuskrá að sækja um aðild og er enn eini islenski flokkurinn, með þau hin sömu markmið á stefnuskrá, en samstarfsflokkurinn sem hefur mátt þola klofning vegna sáttar um þetta mál í gegnum þing, mun þurfa að skýra stefnu sína fyrir næstu kosningar.

Sé hægt að tala um eins máls flokk hér á landi þá er þar að finna Samfylkingu með sinn áhuga á Evrópusambandinu í andstöðu við meirihluta þjóðarinnar.

kv.Guðrún María.

ESB standi fast á sjávarútvegskröfum sínum