Fagnaðarefni ef umboðslaus ríkisstjórn fer frá.

Mistök ríkisstjórnarflokkanna Samfylkingar og VG, voru þau að svipta þjóðina lýðræðislegum rétti til þess að fá að greiða atkvæði um það hvort sótt yrði um
aðild að Evrópusambandinu.

Þess í stað var málinu troðið í gegn um þingið í andstöðu við meirihluta þjóðarinnar til ævarandi hneisu fyrir hlutaðeigandi þáttakendur.

Hvorugur þessara flokka mun auka hróður sinn eftir þetta alheimskasta ferli í íslenskum stjórnmálum.

kv.Guðrún María.

Viðræðuslit leiddu til stjórnarslita

Kúvending frá norðri til suðurs verður seint talin málamiðlun.

Ég þekki ungt fólk sem kaus VG, í síðustu kosningum, nær einungis vegna stefnu flokksins varðandi andstöðu við Evrópusambandsaðild.

Þessir kjósendur trúðu því að flokkur þessi virti eigin stefnu í svo afgerandi máli sem já eða nei við ESB er.

Annað kom í ljós þvi miður og það verður seint hægt að tala um málamiðlun í þessu efni því það á ekki við.

Öll hin háværa gagnrýni núverandi formanns VG. Steingríms J.Sigfússonar á markaðshyggjuna allra handa sem sá hinn hafði sig mjög í frammi með í stjórnarandstöðu, flaug sem fiður til þess að komast í vinstri stjórn með Samfylkingu og salta stefnu flokksins samtímis ofan í tunnu, sem nú er verið að veiða upp úr til málamynda á flokksfundi.

kv.Guðrún María.

Samstarf kallar á málamiðlanir

Frétt ársins.

Varla getur það orðið öllu óvenjulegra, en að menn taki þátt í því að leita að sjálfum sér á hálendi Íslands ásamt björgunarsveitum.

Eitthvað hefur talning á mannskapnum farið úr skorðum að virðist í þessu efni, en sem betur fer týndist engin.

kv.Guðrún María.

Tók þátt í leitinni að sjálfri sér

Samfylkingin í " nýju fötum keisarans ".

Það er alltaf jafn hjákátlegt að sjá menn guma sig af eigin ágæti, en umræðan um það að velferð hafi verið varin, þá er ekki úr vegi að spyrja um hverra velferð viðkomandi flokkur er að tala um ?

Heitir það velferð að skattleggja fólk og fyrirtæki út úr kreppunni með því móti sem aldrei hefur átt sér stað áður hér á landi ?

Er hægt að tala um atvinnusköpun í einu samfélagi er varðar einungis nauðsynleg viðhaldsverkefni hins opinbera ?

Eiga öryrkjar og aldraðir að geta séð jákvæð teikn á lofti þar sem bætur hafa verið frystar og síhækkandi skattlagning á allt sem mögulegt er að skattleggja sligar hvert heimili.

Sama málir gildir um láglaunafólk.

Geti flokkar við stjórnvölinn ekki eygt raunveruleika í einu samfélagi og aðeins dregið upp glansmynd talnaleikfiminnar þá hefur ekkert breyst við hrun hér á landi.

Sami sandkassaleikurinn þess efnis að kasta sandi í stjórnarandstöðuna er ríkjandi hjá ráðherranum og segir meira en mörg orð um sama graut í sömu skál.

Samfylkingin gengur því um í " nýju fötum keisarans " þessu sinni.

kv.Guðrún María.

Vörn velferðar stærsti sigurinn

Hinn íslenski húsnæðismarkaður og láglaunafólkið í landinu.

Rétt eftir aldamótin síðustu fór ég í greiðslumat hjá banka sem ófaglærður starfsmaður á vinnumarkaði og í ljós kom að ég var langt undir möguleikum þess efnis að kaupa mér eign fyrir lifstíð samkvæmt launum mínum þá.

Ég var því dæmd á leigumarkaðinn sem ekki var nokkuð skárri hvað varðar tekjur þær hinar sömu og mín eina leið að óska eftir félagslegri leiguíbúð, þar sem ég flokkaðist reyndar sem einstæð móðir og einstaklingur langt undir tekjumörkum þar að lútandi á þeim tíma.

Það er hins vegar álitamál hvort starfssemi félagslega leiguíbúðakerfisins er með því móti sem upphaflegur tilgangur átti að skila, þ.e lágu leiguverði til handa tekjulitlu fólki í landinu.

Alls konar hringlandagangur hefur átt sér stað með stofnanir sem þessar þar sem þær voru settar inn í sérstök félög hjá sumum sveitarfélögum þar sem að virtist gerð tilraun til þess að aðskilja hinn félagslega þátt frá starfsseminni og gera félög þessi að " markaðsbissness " með tilheyrandi hækkun leiguverðs til handa leigjendum í hópi láglaunaleigutaka sem ekki höfðu í önnur hús að venda.

Ef öryrki þarf að greiða 2/3 af bótum sínum í leigu af húsnæði sínu þá gefur það augaleið að viðkomandi tekur ekki mikinn þátt í samneyslu í einu samfélagi að öðru leyti.

Nákvæmlega sama máli gegnir um láglaunafólk á vinnumarkaði í sömu stöðu sem og eldri borgara þessa lands.

Hér er mikið að í voru samfélagi sem þarf að skoða ofan í kjölinn.

kv.Guðrún María.

Einhvers staðar þarf að finna mælikvarða á getu námsmanna upp skólakerfið.

Einstaklingsmiðað nám er gott og gilt í sjálfu sér en einhvers staðar hlýtur eigi að síður að þurfa að finna samræmdan mælikvarða á námsgetu, öllum til hagsbóta.

Mín tilfinning er sú að stefna í menntamálum sé nú eitthvað sem alveg mætti taka til umræðu í voru samfélagi þess efnis, hvort við séum á réttri leið, ellegar hvort þurfi kanski að samræma og stilla saman strengina betur.

kv.Guðrún María.

Framtíðin er einstaklingsmiðað nám

Sniðugt framtak.

Mig skal ekki undra að fólk leggi leið sína að sjá þessa sýningu því sannarlega er staðurinn einstakur fyrir akkúrat þetta sjónarspil.

Sjálf hefi ég augum litið fyrirbærið á vefmyndavél Mílu hingað til.

kv.Guðrún María.

Magnað sjónarspil við Jökulsárlón

Frelsi til handfæraveiða á Suðurnesjum gæti breytt miklu.

Atvinna er forsenda þess að fólk hafi möguleika á því að bjarga sér og min skoðun er sú að gefa eigi mun meira frelsi til handfæraveiða á Íslandsmiðum en núverandi strandveiðikerfi inniheldur, því sjósókn fylgir atvinna í landi við útgerð báta, en menn hafa einnig möguleika á því að veiða sér til matar ásamt því að selja á fiskmarkaði ferska vöru úr matarforðabúri þvi sem Atlandshafið allt í kring um Ísland er og afla sér tekna með einstaklingsframtaki.

Því ber hins vegar að fagna að sviðstjórar fjölskyldu og félagssviðs sveitarfélagsins ræði þessi mál því ótti er ekki ástæðulaus í þessu efni og
orð eru til alls fyrst.

kv.Guðrún María.

Ótti um „týnda kynslóð“ í bænum

Efnahagslegur samdráttur á heimsvísu.

Harðnandi samkeppni og samdráttur á heimsmörkuðum eru án efa eitthvað sem við munum sjá í fréttum sem þessari á komandi tímum.

Viðbrögð fyrirtækja til þess að bregðast við samdrætti munu einnig verða með margvíslegu móti og mismunandi hvernig það hið sama kemur niður í hverju landi fyrir sig.

Að sníða sér stakk efti vexti, hlýtur að vera formúla fyrirtækja til þess að komast af í efnahagslegum samdrætti.

kv.Guðrún María.

Farsímadeild flutt frá Svíþjóð til Tókýó

Um daginn og veginn.

Það gengur allt upp og niður sitt á hvað og sú litla bakheilsa sem ég hafði gekk úr skorðum fyrir nokkrum dögum, í þriðja skiptið, þrátt fyrir að vita ekki til að hafa gert neitt of mikið nokkurs staðar, sem hefði átt að orsaka það hið sama.

Fékk tíma í sjúkraþjálfun að nýju eftir helgi og reyni að gera allt rétt eins og fyrri daginn í þessu ástandi.

Maður verður hins vegar svo ósjálfbjarga að atriði eins og það að geta snúið sér í rúminu verður stórmál og ég þurfti að leita að snúningslaki sem ég hafði sett á góðan stað, en mundi ekki hvar, en það fannst sem betur fer.

Liggja, ganga, sitja, ganga, liggja, ganga er dagskipulagið þessa dagana.

Annað er ekki í boði.

kv.Guðrún María.