Tíska VG allt kjörtímabilið hefur verið að vera með og á móti, til skiptis.

Ef menn eru ekki farnir að sjá í gegnum gal og gap tilburði ýmis konar af hálfu til dæmis Björns Vals, sem nú þykist nú vera á móti Ögmundi, þá ættu menn að skoða hin ýmsu mál þar sem ætíð er það svo að hverri óvinnsælli umfjöllun um störf stjórnarinnar fylgir einhver VG maður sem er á móti aðilum í eigin flokki, ellegar ríkisstjórninni.

Þetta er ímyndarbarátta fyrir VG, og tilraun til þess að halda flokknum á floti, en þeir söltuðu eigin stefnuskrá fyrir kosningar, eftir kosningar, til þess að ganga til hásætis í meintri vinstri stjórn.

kv.Guðrún María.

Björn Valur leggur Ögmundi línurnar

Eru börnin afgangsstærð ?

Því miður er það reynsla sem ég þekki mjög vel að koma að lokuðum dyrum með barn í vanda sem slíkum á sínum tíma og það atriði að fullorðnir fíklar fái betri þjónustu en börn var mín upplifun um tíma.

Það var alveg sama hvort um var að ræða barnaverndarfulltrúa eða foreldri, hvorugur aðili gat opnað dyr sem þurfti að opna til handa barni , einstaklingi í vanda á þeim tíma til þess að viðkomandi fengi nauðsynlega meðferð.

Ekkert pláss á Stuðlum og foreldri sagt að hringja bara á lögreglu til þess að passa sjálft sig en barnið............... barn í verulegum vanda á þeim tíma var eitthvað sem engin gat fundið úrræði við, fyrr en Lögreglan ég endurtek lögreglan FÓR með barnið á BUGL og barnið var tekið inn til meðferðar, í samvinnu við foreldri.

Það var góð meðferð og eina vitræna úrræðið þ.e innilokuð meðferð með barn í vanda, en þegar kom að framhaldi varð barnið afgangsstærð þar sem ekki var til
LOKAÐ framhaldsúrræði sem þurfti á þeim tíma og við tók áframhaldandi barátta sem náði inn á fullorðinsár.

Aldrei verður það of oft sagt hve mikilvægt það er að grípa inn í með föstum tökum nógu snemma í þessu efni en þá er það svo að verja þarf fjármagni í þau hin sömu úrræði og börn eiga ekki að þurfa að koma að lokuðum dyrum meðan þau eru börn svo mikið er víst.

kv.Guðrún María.

Fullorðnir fíklar fá betri þjónustu en börn

Allt upp í loft á Evrópudansleik ríkisstjórnarflokkanna.

Það er frekar erfitt fyrir VG, að reyna að vera bæði með og á móti aðildarumsókn að Evrópusambandinu þegar líður að lokum kjörtímabils þessarar ríkisstjórnar og alls konar sjónleikjatilstand á sér stað í þvi sambandi.

Hinir gífurlegu forræðishyggjutilburðir sem flokkarnir tveir hófu samstarf sitt með, varðandi það að troða aðildarumsókn að Esb gegnum þingið án þess að spyrja þjóðina álits, verður ævarandi vitnisburður um skort á stjórnvisku.

Til þess að reyna að bera í bætifláka fyrir aðferðafræði þessa var boðað til þjóðfundar um stjórnarskrá og kosið til stjórnlagaþings, sem ekki vildi betur til en Hæstiréttur dæmdi ógilt.

Aftur kom forræðishyggjan til sögu og stjórnin skipaði ráð þeirra efstu úr hinni ógildu kosningu til tillögugerðar fyrir þingið sem ekkert var gert með annað en það að setja það beint í atkvæðagreiðslu undir formerkjum lýðræðis, án skoðunnar eða meðferðar kjörinna fulltrúa á þingi.

Skrumskæling lýðræðisins í þessu efni varð því alger.

Við munum örugglega mega meðtaka alls konar sjónleiki fram að næstu þingkosningum varðandi dansinn kring um Evrópusambandið þar sem menn eru annað hvort að koma eða að fara af dansleik þeim hinum sama.

kv.Guðrún María.

Var Íbúðalánasjóður settur í salt allt kjörtímabilið ?

Það er nokkuð sérstakt að fyrst nú í lok kjörtímabils ríkisstjórnarinar eigi að fara að vinna úr málefnum íbúðalánasjóðs.

Hvers vegna í ósköpunum hefur sjóðnum ekki verið veitt heimild til þess að leigja út tómar íbúðir í eigu sjóðsins út um landið ?

Það verður fróðlegt að sjá hverju fundahöldin skila.

kv.Guðrún María.

Funda í vikunni um Íbúðalánasjóð

Sjaldan er ein báran stök....

Nú eru nokkrir dagar þangað til ég þarf að mæta í Héraðsdóm með greinargerð gegn því atriði að leigusali minn reyni að rifta aftur, áður riftum samningi við mig um íbúaðarhúsnæði.

Hin ömurlega óvissa sem verið hefur til staðar frá 29.maí í sumar, varðandi þessi mál fær væntanlega einhverja niðurstöðu í dómi þessum, en ég bíð síðan úrskurðar kærunefndar sem hefur málið til meðferðar.

Ég bíð ekki í það að þurfa hugsanlega að flytja um þessar mundir og vona heitt og innilega að mér takist að fá málinu vísað frá efnislega hvað varðar tilkominn viðbótarkostnað við rekstur máls þessa fyrir dómi að nýju.

Ég er búin að berjast við það undanfarna viku að reyna losna við erfiða verki í bakinu, með því að reyna að nota kalda bakstra og sitja ekki of mikið, og ganga um og liggja til skiptis og bera ekkert sem heitir þyngd og get ekki nokkurn skapaðan hlut, sem heitið getur.

En, ég vona og vona og vona að betri tíð lítið dagsins ljós.

kv.Guðrún María.

Hvað kostar þetta tilstand allt ?

Það skyldi þó aldrei vera að þetta mál sé ónýtt og hve miklum fjármunum er búið að verja í allt þetta rannsóknatilstand allra handa ?

Ég hef áður viðrað þá skoðun mína að ég efast stórlega um að hinir útlögðu fjármunir við embætti sérstaks saksóknara muni skila sér til baka, að loknum þeim hinum sama starfa.

kv.Guðrún María.

Ákæra ekki byggð á ónýtri rannsókn

Stjórnarskráin er ekki orsök hrunsins hér á landi.

Allt hið mikla lýðskrum sem borið hefur verið á borð fyrir þjóðina varðandi nauðsyn þess að endurskoða stjórnarskrána á handahlaupum er pólítiskur populismi, sem hentar sitjandi ráðamönnum ágætlega um tíma sem og þeim flokkum sem hafa nýskriðið út úr egginu á hinu pólítiska sviði.

Því til viðbótar hafa skipaðir ráðsmenn stjórnlagaráðs hafið eins konar krossferð fyrir ríkisstjórnina sem riddarar hins eina sannleika allra handa um eigin tillögugerð að nýrri stjórnarskrá sem enga meðferð hefur fengið hjá réttkjörnum fulltrúm á þingi.

Þvílik og önnur eins handarbakavinna á sér vart fordæmi á stjórnmálasviðinu hér á landi um langan tíma, og er þó af ýmsu að taka í því efni.

Það mætti skrifa heila bók um mistök þau sem núverandi aðilar við stjórnvölinn bera ábyrgð á í þessu máli sem m.a felast í því að ganga framhjá niðurstöðu Hæstaréttar um ógilda kosningu og vanvirða þar með aðra frambjóðendur til stjórnlagaþings, en þar braut á hinum lýðræðislega rétti þeirra hinna sömu í raun.

Halda málinu frá umræðu á Alþingi og enda með að setja mál þetta án meðferðar á Alþingi í atkvæðagreiðslu algjörlega vanbúið til þess hins sama.

Sömu stjórnvöld töluðu niður þjóðaratkvæðagreiðslu þar sem forsetinn vísaði máli til þjóðarinnar um Icesave og því ekki nokkurt einasta samræmi að finna í aðferðum ráðamanna við stjórnvöl landsins.

Það er langur vegur frá því að núverandi stjórnarskrá sé orsök þess hruns sem hér hefur átt sér stað hér á landi.

kv.Guðrún María.

Lýðveldið kvatt?

Af jarðskjálftum.

Svo vildi til að ég var á göngu innanhús og beygði mig til að opna skáp akkúrat þegar skjálftinn varð, heyrði einhvern hristing en merkti ekki sem skjálfta.

Sonur minn sem lá í sófa í stofunni, merkti hreyfinguna sem jarðskjálfta um leið
og lýsti sem höggi undir.

Skjálftinn sem varð 29 febrúar á þessu ári var hins vegar eitthvað sem var meira hér í Setberginu í Hafnarfirði, rétt upp við Reykjanesbrautina. Sá var þess eðlis að ég ákvað að fara út úr húsi um stund.
Nokkru síðar fann ég sprungu í innri rúðu í eldhúsinu hjá mér sem að öllum líkindum hefur komið til við þann skjálfta.

Hér eru hins vegar alltaf hreyfingar, nær daglega og ég merki það á því að ég hef eins konar jarðskjálftamæli hér hjá mér þar sem túpusjónvarp er staðsett ofan á hringlaga borði þar sem lappir eru mislangar og hriktir í sjónvarpinu við hreyfingu sem ég sé síðan yfirleitt á óróamælingum í Kaldárseli.

Óhjákvæmilega ber ég ómælda virðingu fyrir nátrúruöflunum þar sem ég sex ára sá hina miklu ógnarbólstra í hafi undan Fjöllunum er Surtur gaus, svo gaus Hekla og svo varð Vestmanneyjagosið fermingarárið mitt og svo Hekla og svo blessaður Jökullinn minn sem mig hafði dreymt gjósa fram allan aldur.

Ég hef löngum verið að ergja mig á því að menn skuli ekki vera búnir að búa til viðbragsáætlanir við jarðvá á þessum fjölmennu svæðum hér á Reykjanesskaganum og hver skjálfti sem verður minnir á það hið sama.

kv.Guðrún María.

Jarðskjálfti upp á 4,6 stig

Það er ekki sama hvernig stjórnarskrá er breytt.

Ég fagna því mjög að sjá þetta framtak þeirra Águstar og Skúla og við fyrsta lestur líta þessar tillögur sem þarna eru á ferð mun betur út en það sem ég hefi séð af tillögum stjórnlagaráðsins sem skipað var af stjórnvöldum.

Hvers konar breytingum á stjórnarskrá þarf sannarlega að stilla í hóf því ellegar sitjum við uppi með ómarkvissa umgjörð um lagaumhverfi í landinu þar sem endalaus dómsmál um misvisandi lög við stjórnarskrá eru afleiðing þess að orðavali hefur ekki verið stillt í hóf í því efni.

Ég hvet alla til þess að kynna sér þessar tillögur.

kv.Guðrún María.

Leggja fram tillögu um stjórnarskrá

Gamalt vín á nýjum belgjum.

Einhver sagði einhvern tímann að það sem sameinaði Íslendinga, væri sundrungin og því miður held ég að það geti verið nokkuð til í því.

Eftir efnahagslegt hrun hér á landi hafa komið til sögu hinir ýmsu snillingar sem allir telja sína aðferð mesta og besta til að stjórna landinu.

Gallinn er sá að þar eru of margir á ferð til þess að nokkurn tímann geti menn sameinast um eitt eða neitt.

Stjórnmálaleg ringulreið er síst það sem Ísand þar á að halda til framtíðar og fjögurra flokka kerfi á sannarlega að nægja hér á landi til þess að greina sundur stefnumið í stjórnmálum almennt.

kv.Guðrún María.

Stefnir í á annan tug framboða