Löngu tímabært að hefta ágang sjávar við Vík.

Það er ánægjulegt að vita að tekist hafi með grjótgarði að safna upp sandi, en löngu var tímabært að huga að því verja byggðina sem liggur mjög nærri sjávarmáli.

kv.Guðrún María.

Sandfangarinn náð árangri í Vík

Leið Framsóknarflokksins hvað varðar almenna niðurfærslu, var eina viti borna leiðin.

Ætli menn að viðhafa réttlæti þá eru almennar aðgerðir forsenda þess að eitt gangi yfir alla en sú leið sem Framsóknarflokkurinn lagði til fyrir síðustu kosningar var ekki farin af hálfu stjórnvalda í landinu.

Það voru mistök því hvers konar sértækar aðgerðir var hægt að viðhafa í framhaldi af almennum aðgerðum í þágu skuldara í landinu eftir efnahagshrun.

kv.Guðrún María.

Skuldir heimila aukast stöðugt

Hvenær sendir utanríkisráðuneytið frá sér fréttatilkynningu um mótmæli við Esb ?

Athugasemdir sem embættismenn koma á framfæri á fundum eru ekki formleg mótmæli stjórnvalda á Íslandi.

Hvenær ætla menn að setja frá sér upplýsingar um það að mótmæli hafi átt sér stað og sýna þau hin sömu mótmæli frá orði til orðs.

Ég bíð....

kv.Guðrún María.

Framkoma ESB óeðlileg

Mega Íslendingar ekki vita hvernig íslensk stjórnvöld mótmæltu afskiptum Evrópusambandsins ?

Þessi moðsuða um þetta mál er að mínu mati óviðunandi og hvar eru fjölmiðlar til þess að spyrja spurninga, hvar, hvernig og hvenær var mótmælt ?

Hvernig hljóða þau hin sömu mótmæli ?

kv.Guðrún María.

Hafa mótmælt afskiptum ESB

" Úr suðrinu fljúga sólskinsdagar, sumarið heilsar um lönd og ver....

" Lifna þá aftur landsins hagar og lífið í brjósti mér... "
svo söng Ási heitinn í Bæ, og það er orð að sönnu, því sannarlega lifna landsins hagar um leið og sólskinsdagarnir fljúga úr suðrinu, sólskinsdagar eins og við fengum nú í dag hér sunnanlands.

Óska landsmönnum öllum gleðilegs sumars.

kv.Guðrún María.

Aðeins sjö milljónir......

Er það meirihluti stjórnskipunarnefndar Alþingis sem ber ábyrgð á þessum kostnaði ?

Var það nauðsynlegt að kalla saman þessa fulltrúa þessa fjóra daga til þess að fá eitt a 4 blað með svörum ?

Spyr sú sem ekki veit.

kv.Guðrún María.

7 milljónir í endurfundi stjórnlagaráðs

Hvar og hvernig mótmæltu íslensk stjórnvöld við ESB ?

Það er vægast sagt afar einkennilegt að ekki sé að finna fréttatilkynningu á heimasíðu utanríkisráðuneytisins varðandi það atriði að stjórnvöld hafi mótmælt meðaðgöngu framkvæmdastjórnar Esb að máli fyrir Efta dómsstólnum.

Í frásögn ruv af málinu er ekki vitnað beint í neina tilkynningu eða yfirlýsingu, sem er stórfurðulegt þegar um milliríkjamál er að ræða í raun.

Hvar og hvernig mótmæltu íslensk stjórnvöld ?

kv.Guðrún María.

Sérkennilegur fundur um samskipti við ESB

Skattahækkanir og tilheyrandi tekjuskerðingar skapa ekki atvinnu í landinu.

Skortur á ákvarðanatöku um framkvæmdir til framtíðar er er hælbítur vinstri stjórnarinnar í landinu og stundum finnst manni að ákvarðanafælnin tengist ekki aðeins Evrópuáhuga Samfylkingarinnar heldur sé einnig um að ræða tilraun VG, til þess að standa gegn vatnsaflsvirkjanaframkvæmdum í landinu, svo mest sem verða má á kjörtímabilinu.

Leið ríkisstjórnarinnar þess efnis að reyna að skattleggja almenning í landinu út úr kreppu var og er fyrirfram vonlaus leið, og algalin, það gat hver heilvita maður séð og aðeins spurning um tíma, hvenær slík aðferð virkar sem algjör handbremsa á samfélagið sem stöðnun.

kv.Guðrún María

Klækjapólitík hamlar uppbyggingu

Fjármunir lifeyrissjóðanna eru áunnin réttindi launþega, ekki fé hins opinbera.

Tek undir það sem hér kemur fram þess efnis að fjármunir lífeyrissjóðanna sem eru áunnin eign hvers sjóðfélaga, séu ekki notaðir og nýttir sem fjárlög ríkisins hvað varðar framkvæmdastarfssemi hins opinbera hér á landi, hvers eðlis sem er.

Hver ber pólítíska ábyrgð á starfssemi Framtakssjóðs ?

Ég spyr aftur þeirrar spurningar.

kv.Guðrún María.

Láti fjármuni lífeyrissjóðanna í friði

Framsókn til nýrra tima.

Það er gömul og ný saga að kenna þeim sem áður voru við stjórnvölinn, um allt sem miður fer, og sem aldrei fyrr er það nú megininntakið í hræðslupólítik vinstri manna hér á landi sem á að heita málefnaleg pólítik.

Í raun er þar um að ræða einfalda sandkassapólítík sem ætíð fellur í sama farið alveg sama hver er við stjórnvölinn.

Nýjir flokkar gagnrýna alla þá sem fyrir eru og telja ónýta en raunin er sú að reynsla flokka sem lengi hafa starfað er meiri en þeirra sem eru nýkomnir á pólítiska sviðið, einkum og sér í lagi hvað varðar einmitt það atriði að viðhafa lýðræðislega ákvarðanatöku um samfélagsleg álitaefni.

Vilji menn eiga aðkomu að sínu samfélagi og skoðanamótun um þau hin sömu atriði þá er leiðin greið með því að taka þátt í stjórnmálastarfi, en ég er félagi í Framsóknarflokknum og afskaplega ánægð með það hið sama, því þar er dugmikið og öflugt fólk innan þings og utan.

kv.Guðrún María.

Sjálfstæðisflokkurinn fengi 43%