Bloggfærslur mánaðarins, apríl 2010

Óþarfar blaðurssamkomur fjármálaráðherra á þvælingi um heiminn.

Nú á að poppa upp trú á mörkuðum með yfirlýsingum allra handa, um hitt og þetta ef ég þekki rétt.

Mér er óskiljanlegt að fundir sem þessir séu nokkuð annað en flakk og fundabruðl með fjármuni ríkja þar sem fjármálaráðherrar hittast og skrafa saman semja einhverja moðsuðu sem yfirlýsingu án þess að nokkur skilgreindur árangur sé að slíku tilstandi í raun.

kv.Guðrún María.


mbl.is Efnahagsbatinn hraðari en búist var við
Tilkynna um óviðeigandi tengingu við frétt

Ónýtur varnargarður við Svaðbælisá í mörg ár.

Svaðbælisáin sem skemmdi túnin á Önundarhorni, átti hér einu sinni varnargarða sem voru í lagi en það er langt síðan að þeir hinir sömu hafa verið með þvi móti sem vera skyldi, því miður.

Ekki er langt síðan ég ræddi um þetta atriði hér á mínu bloggi og hefi svo sem gert áður einnig, en áin hefur flotið upp og skemmt veg og tún í klakaböndum vegna þess að varnargörðum hefur ekki verið viðhaldið sem skyldi.

Vonandi gengur vel að hreinsa túnin á Önundarhorni en tjónið er tilfinnanlegt og Sigurður bóndi á samúð mína alla í því efni.

kv.Guðrún María.


mbl.is Byrjað að hreinsa tún
Tilkynna um óviðeigandi tengingu við frétt

Fellið heitir Lambafell.

Bara að leiðrétta agnar ögn í þessari frétt, sem er annars fróðleg varðandi þykkt öskulags undir Eyjafjöllum.

Annars gaman að sjá myndir af blessaðri Seljavallalauginni, þar sem liggja nú ansi mörg fótspor æskunnar.

kv.Guðrún María.


mbl.is Þykkasta öskulagið norðan Seljavalla
Tilkynna um óviðeigandi tengingu við frétt

Hefur bankakerfið minnkað fyrir tilstuðlan Alþjóða gjaldeyrissjóðsins ?

Það er nú alltaf jafn sérkennilegt að sjá stofnanir hrósa sjálfum sér eins og hér virðist vera á ferð, en það atriði að íslenskt bankakerfi hafi minnkað hefur ekki verið í sjónmáli til handa landsmönnum enn sem komið er, sem heitið geti.

Við höfum enn sama magn af fjármálastofnunum í voru þrjú hundruð þúsund manna samfélagi.

Hvað þá að það atriði að komið hafi verið í veg fyrir efnahagshrun, sé reyndin, þvert á móti mætti segja að nákvæmlega nú sé íslenskt hagkerfi nær staðnað fyrir tilstuðlan skattahækkana á almenning í landinu, með aðstoð Alþjóða gjaldeyrissjóðsins.

kv.Guðrún María.


mbl.is Komið í veg fyrir efnahagshrun
Tilkynna um óviðeigandi tengingu við frétt

Hefur ekki vitað um rannsóknarskýrsluna.

Sennilega hefur Gaddafi ekki verið kunnugt um útkomu rannsóknarskýrslu Alþingis hér á landi, og hugsanlega gæti það eitthvað sett strik í reikning ályktana hvers konar.

Honum hefur ef til vill heldur ekki verið kunnugt um " efnahagslegt öskufall " fjölmiðla eftir að bankar féllu hér á landi, þar sem hver óráðsían á fætur annarri var allt í einu dregin fram þar sem allt var áður í lukkunnar velstandi samkvæmt sömu fjölmiðlum.

kv.Guðrún María.


mbl.is Öskuskýið var heilög refsing
Tilkynna um óviðeigandi tengingu við frétt

Eldfjallavísitalan !

Einu sinni er allt fyrst og nú hafa menn tekið til við að meta áhrif eldgosa á hlutabréfamarkaðinn, hvað annað ?

Ekki er ráð nema í tíma sé tekið.

Eins gott að hafa tiltækar gervihnattamyndir af gosmekki

 

kv. Guðrún María


mbl.is Áhrif eldgosa á markaði gætu orðið veruleg
Tilkynna um óviðeigandi tengingu við frétt

Gleðilegt sumar.

Óska öllum gleðilegs sumars.

RIMG0049.JPG

Eyjafjallajökull, séður frá fjöru fyrir nokkrum árum.

 

kv.Guðrún María.


Framtíð Íslands byggist á samvinnu um málefni ofar mönnum og flokkum.

Það þarf samvinnu um að byggja upp betur virkt ,samhæft stjórnkerfi hins opinbera, á öllum sviðum, sem er í sambandi við þá aðila er setja lög í landinu hjá ríki og sveitarfélögum.

Það þarf samvinnu um forgangsröðun samfélagsverkefna millum allra starfandi flokka í landinu, þar sem umugsun um heildaryfirsýn er markmiðið.

Það þarf samvinnu á samvinnu ofan um það atriði að hefja stjórnmálin upp úr skotgröfum flokka á flokk og hefja málefnin ofar mönnum og flokkum og virkja lýðræðislegar meirihlutaákvarðanir um meginmál hvers konar.

Samvinna byggist á því að sem flestir komi að málum, i starfi flokka við stjórnmálaþáttöku hér á landi og saman vinnum við þjóð vora út úr vanda þeim sem við er að etja.

kv.Guðrún María.

 

 


Mótmæli við flokksskrifstofur og Alþingi eru réttlætanleg, annað ekki.

Ég get ekki séð tilgang mótmæla við heimili fólks sem tekur þátt í stjórnmálum, því miður þar tel ég tilgang ekki helga meðalið, nema síður sé, nákvæmlega sama hvaða flokki viðkomandi tilheyrir.

Reiði fólks er skiljanleg en í Guðanna bænum látið þá hina sömu reiði í ljós utan friðhelgi heimila fólks, sem tekur þátt í stjórnmálum.

kv.Guðrún María.


mbl.is Mótmælt við heimili þingmanns
Tilkynna um óviðeigandi tengingu við frétt

Súpueldhús við sundstaði ?

Þegar svo er komið í einu samfélagi að fólk hefur vart til hnífs og skeiðar, er sund vart það fyrsta sem viðkomandi myndi taka sér fyrir hendur þótt vissulega verði að telja það jákvætt að veita þeim aðgöngu ókeypis sem hafa tapað atvinnu í borginni.

ER ekki kominn tími til þess að setja á fót súpueldhús hér á landi af hálfu hins opinbera ríkis og sveitarfélaga ?

kv.Guðrún María.

 


mbl.is Atvinnulausir fá frítt í sund
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband