Yfirsýn eftirlitsaðila um framkvæmd læknisverk í landinu er nauðsynleg.

Á hverjum tima er yfirsýn eftirlitsaðila er leyfir læknisverk í landinu nauðsynleg varðandi þau hin sömu læknisverk, ella skyldi leyfisveiting varla vera til staðar.

Hlutverk embættis Landslæknis er það að gefa út leyfi til læknisverka og einnig að hafa eftirlit með starfsseminni og eigi tilgangurinn að helga meðalið þurfa upplýsingar að vera til staðar um framkvæmd læknisverk.

kv.Guðrún María.

Fái ekki auknar heimildir

Hvenær er áætlað að þessari vinnu ljúki ?

Það er af hinu góða að fá upplýsingar frá opinberum aðilum um mál sem þetta samstarfsverkefni sem verið er að vinna, en það sem mér finnst vanta meðferðis í þessa frétt, er það hvenær áætlað er að vinnu þessari ljúki ?

Ef verkefni þetta tekur marga mánuði svo ekki sé minnst á ár, þá hefði ég haldið að í millitíðinni þyrfti að vera til staðar einfaldar rýmingaráætlanir við hvers konar náttúrúvá, þannig að fólk vissi hvert það ætti að fara við slíkar aðstæður.

kv.Guðrún María.

Unnið að heildarhættumati á eldgosum

Sjómannadagurinn er hátíðisdagur, til hamingju íslenskir sjómenn.

Ég ber ævarandi virðingu fyrir íslenskum sjómönnum fyrr og síðar sem fært hafa björg í bú til handa landi og þjóð.

Ég skora á yfirvöld í höfuðborg landsins Reykjavík að taka á ný upp hátíðahöld í nafni Sjómannadagsins í stað hátíðar hafsins sem einhverjum hefur dottið í hug að taka í notkun sem heiti þessa dags.

Hátíð hafsins má að ósekju vera á öðrum tíma en hátíð íslenskra sjómanna sem er einu sinni á ári og skyldi vernda og verja áfram.

En til hamingju með daginn íslenskir sjómenn.

kv.Guðrún María.

Skipin á leið í land

Stjórn fiskveiða við Ísland.

Það hafa alltaf verið deilur um fiskveiðistjórn hér við land og verða alltaf enda fiskveiðar einn af aðalatvinnuvegum þjóðarinnar.

Hagsmunir útgerðarmanna og sjómanna skyldu á öllum tímum fara saman hér á landi, annað er óeðlilegt, en því miður hefur kerfisfyrirkomulagið sem gilt hefur nú í áratugum talið orsakað viðskiptabrask á þurru landi, þar sem hluti milliliða hefur hirt arð úr þessari atvinnugrein og útgerðarmenn varið fram í rauðann dauðann sem sjálfsagðan og eðlilegan hlut.

Hömlulaust frelsi til framsals á aflaheimildum orsakaði hrun og atvinnuskort á landsbyggðinni um tíma.

Eftir töluverða umræðu um fiskveiðikerfið fyrir kosningarnar 2003, taldi sú er þetta ritar að LÍÚ, myndi hugsanlega koma fram með breytingar á kerfinu af sjálfsdáðum en það gerðist ekki.

Jafnframt hefur kerfisfyrirkomulagið orsakað ákveðna sviptingu á frelsi til sjósóknar hér við land sem sjómenn hafa ekki sætt sig við sem hluta af kerfi til fiskveiða hér á landi.

Eftir að hafa horft á misviturlega tilburði núverandi stjórnvalda til þess að reyna að breyta þessu kerfi þá er ég enn þeirrar skoðunar að framtíðin sé að kerfi fiskveiða verði skipt í tvo hluta annars vegar strandveiðar og hins vegar úthafsveiðar, þar sem stærð skipa skipti mönnum í flokka.

Ákveðið frelsi til fiskveiða í smáum stíl þarf að vera til staðar með skilyrðum þar að lútandi, s.s veiðarfærum og bátastærð sem er hægt að ramma inn með þessum tveimur þáttum að meginhluta til.

Stjórn fiskveiða hér við land er mál sem þarf að einfalda en ekki flækja og ég efa það ekki að ný kynslóð mun ráða við það verkefni, því Íslandsmið munu áfram gefa af sér til handa landi og þjóð.

kv.Guðrún María.

Rangt hjá Steingrími

Ríkisstjórnin er skipstjórinn á skipinu Björn Valur.

Það er alveg hreint stórkostlegt að hlýða á stjórnarþingmenn núverandi, berja lóminn yfir umræðum á þinginu af hálfu stjórnarandstöðunnar um mál öll.

Raunin er sú að þeir hinir sömu sem þennan málflutning iðka, gætu á næsta kjörtímabili verið komnir í stjórnarandstöðu og spurning hvort þessi barlómur yrði þá ekki ögn hjákátlegur.

kv.Guðrún María.

Vinnulag sem ekki væri tekið gilt

Um daginn og veginn.

Er búin að fara ofan í lög um hin ýmsu mál í dag og hef komist að því að stjórvaldsákvarðanir í umsýslu rikis og sveitarfélaga er eitthvað sem bæta má verulega í okkar samfélagi en þessar ákvarðanir varða oft veigamikil réttindi borgaranna, sem varinn eru í lagabálkum er heyra undir sömu aðila.

Ákvarðanir sveitarstjórnarmanna í ráðum og nefndum eru stjórnvaldsákvarðanir sem hægt er að áfrýja til ráðuneytis.

Oftar en ekki er hér spurning um það hvort viðkomandi sem lýtur stjórnvaldsákvörðun beri hönd fyrir höfuð sér eða ekki og þá kemur til sögu staða fólks í samfélaginu sem lúta þarf ákvörðunum sem slíkum.

Hef svo sem vitað allt þetta áður en sama sagan dúkkar of oft upp og lítið breytist til bóta þótt árin líði og menn þykist endalaust ætla að vanda sig.

Bíð annars eftir rafvirkja til þess að skoða eldvélina mína sem slær út rafmagnið þegar ég kveiki á einni hellu, hef beðið eftir honum í mánuð, vonandi kemur hann fljótlega.

Gat hins vegar bakað brauð nú í kvöld, afskaplega fínt brauð og ætla að halda áfram að baka brauð meðan ofninn er í lagi.

Gekk með læknum minn göngutúr og hlustaði á fuglaniðinn sem var afskaplega indælt í veðurblíðu dagsins.

kv.Guðrún María.

Núverandi stjórnarskrá er ekki orsakavaldur að misviturlegum ákvörðunum um eitt samfélag.

Núverandi stjórnarskrá er býsna góð og ég er sammála Ólafi Ragnari varðandi það að hún hafi staðist þá tíma sem við höfum upplifað nú í dag.

Ég var á Austurvelli til þess að mótmæla Icesave og ég gekk á Bessastaði kaldan vetrardag í janúar ásamt miklum fjölda landsmanna til þess að skora á forsetann að undirrita ekki þá hina sömu lagasetningu.

Sú hin sama ganga gleymist ekki í mínum huga því þá var mér hugsað til þess hvert þessi þjóð væri komin þ.e. að ég væri virkilega að ganga út að Bessastöðum til þess að leita til forsetans vegna misviturlegra ráðstafanna í forsjá ríkisins af hálfu sitjandi valdhafa.

Það skyldi hins vegar ekki í huga geymt að sá forseti sem þar sat og situr var á árum áður samstarfsmaður margra núverandi valdhafa sem ekki hafði áhrif á ákvarðanatöku þess hins sama, varðandi það að vísa þessu máli til þjóðarinnar.

Fyrir það eitt var sá hinn sami þá og þegar, forseti þjóðarinnar í einu og öllu.

kv.Guðrún María.

Stjórnarskráin stóð af sér eldraun

Vita menn eitthvað hvert þeir eru að fara ?

Hverra hagur er það að drepa núverandi fyrirtæki
í útgerð á Íslandi með sköttum?

Vissulega má hækka gjöld á núverandi fyrirkomulag fiskveiða en forsenda fyrir slíku hlýtur að vera sú að meðalhófsregla stjórnarskrárinnar sé virt hvað varðar skattlagningu og breytingar á því hinu sama frá einum tíma til annars, hvort sem um er að ræða þessa atvinnugrein eða aðrar hér á landi, alltaf á öllum tímum.

Algjörlega burtséð frá því hvort mönnum finnst núverandi kerfi gott eða vont.

Finnist mönnum kerfið vont þá eiga þeir að hafa dug í sér til þess að framkvæma breytingar á því hinu sama með annars konar hugmyndafræði þar að lútandi en slíkar breytingar koma ekki til með einhliða offari einhverra valdhafa með gjaldtöku sem rústar núverandi fyrirkomulagi starfsseminnar.

Þeir hinir sömu valdhafar geta ekki gumað sig af breytingum á kerfisfyrirkomulaginu sem slíku.

kv.Guðrún María.

„Öll vinna í nefndinni til einskis“

Offjárfestingar í tækjum og tólum til verksmiðjuframleiðslu ?

Mín skoðun er sú að hvers konar hugmyndir um hagræðingu í íslenskum landbúnaði hafi því miður að hluta til verið ofurseldar ákveðinni verksmiðjuvæðingu í atvinnugreininni á þann veg að fjárfestingarkostnaður í ofurtólum og tækjum til framleiðslunnar, sem áttu að skila svo og svo miklum hagnaði, hafi verið verulega ofmetinn.

Hér þarf að sníða stakk eftir vexti og stuðla að því að minni einingar í landbúnaði geti þrifist samhliða þeim stærri eins og ég tel einnig eiga við í sjávarútvegi.

kv.Guðrún María.

Tekur þrjú ár að selja 45 jarðir

Hvar er almannavarnaáætlun fyrir höfuðborgarsvæðið ?

Það er gott og gilt í sjálfu sér að nota og nýta sms skilaboð en þau hafa þann annmarka að viðkomandi sé með síma, sem er ekki sjálfgefið í þessu sambandi en vissulega mjög algengt.

Ég get hins vegar ekki varist þeirri tilfinningu að menn treysti um of á tæknina
í boðskiptum en fræðsla og áætlanir varðandi náttúrvá þarf og verður að vera til staðar fyrir íbúa og ferðamenn, á hverju einasta svæði landsins þar sem möguleiki á slíku er til staðar.

Hvenær eigum við von á því að heildstæð almannavarnaáætlun sé til fyrir höfuðborgarsvæðið ?

kv.Guðrún María.

Viðvörunarkerfi almannavarna prófað