Stjórnarskráin er ekki orsök hrunsins hér á landi.

Allt hið mikla lýðskrum sem borið hefur verið á borð fyrir þjóðina varðandi nauðsyn þess að endurskoða stjórnarskrána á handahlaupum er pólítiskur populismi, sem hentar sitjandi ráðamönnum ágætlega um tíma sem og þeim flokkum sem hafa nýskriðið út úr egginu á hinu pólítiska sviði.

Því til viðbótar hafa skipaðir ráðsmenn stjórnlagaráðs hafið eins konar krossferð fyrir ríkisstjórnina sem riddarar hins eina sannleika allra handa um eigin tillögugerð að nýrri stjórnarskrá sem enga meðferð hefur fengið hjá réttkjörnum fulltrúm á þingi.

Þvílik og önnur eins handarbakavinna á sér vart fordæmi á stjórnmálasviðinu hér á landi um langan tíma, og er þó af ýmsu að taka í því efni.

Það mætti skrifa heila bók um mistök þau sem núverandi aðilar við stjórnvölinn bera ábyrgð á í þessu máli sem m.a felast í því að ganga framhjá niðurstöðu Hæstaréttar um ógilda kosningu og vanvirða þar með aðra frambjóðendur til stjórnlagaþings, en þar braut á hinum lýðræðislega rétti þeirra hinna sömu í raun.

Halda málinu frá umræðu á Alþingi og enda með að setja mál þetta án meðferðar á Alþingi í atkvæðagreiðslu algjörlega vanbúið til þess hins sama.

Sömu stjórnvöld töluðu niður þjóðaratkvæðagreiðslu þar sem forsetinn vísaði máli til þjóðarinnar um Icesave og því ekki nokkurt einasta samræmi að finna í aðferðum ráðamanna við stjórnvöl landsins.

Það er langur vegur frá því að núverandi stjórnarskrá sé orsök þess hruns sem hér hefur átt sér stað hér á landi.

kv.Guðrún María.

Lýðveldið kvatt?

Athugasemdir

[Jón Valur Jensson, 31.8.2012 kl. 02:39]

Tek undir með þessum skrifum þínum, Guðrún María! -- Hér má ennfremur minna á, að í skoðanakönnun í janúarbyrjun 2011 töldu 45,1% mikilvægasta verkefni ríkisstjórnarinnar að stuðla að vexti atvinnulífsins til að fjölga hér störfum, 33% töldu mikilvægast að hjálpa heimilunum að glíma við skuldirnar, en aðeins 7,6% töldu mikilvægast að halda áfram með Esb-umsóknina, og svo fáir sem 1,9% töldu mikilvægast að breyta stjórnarskrá Íslands! 

[Guðrún María Óskarsdóttir., 31.8.2012 kl. 23:56]

Sæll Jón Valur.

Takk fyrir þetta.

kv.Guðrún María.