Jón og ég við vorum eins og bræður.....

Alveg hreint er það stórkostlegt að sjá Steingrím J.Sigfússon taka upp stoppunálina og reyna að bæta götótta sokka stefnuskrár Vinstri Grænna, sem hent var fyrir róða til þáttöku í ríkisstjórn þeirri sem nú situr.

Svona rétt fyrir kosningar í vor.

Nú virtist tilgangurinn að ná sáttum við Jón Bjarnason með nefndasposlum svona rétt fyrir kosningar.

Í raun og veru ætti Jón Bjarnason að gegna formennsku í VG, frekar en Steingrímur einfaldlega vegna þess að sá hinn sami hafði dug í sér til þess að standa vörð um það sem kjósendum þess flokks var lofað fyrir síðustu kosningar til þings.

En semsagt svona gengur pólitíkin fyrir sig skömmu fyrir kosningar og kanski eigum við eftir að sjá ýmislegt fleira í því efni, hver veit ?

kv.Guðrún María.

Jóni var boðið sæti í nefndum

Afskaplega óheillavænleg þróun.

Ég lít svo á að það eigi að vera hægt að skapa skilyrði í einu þjóðfélagi þar sem minni fyrirtæki starfi samhliða þeim stærri, ekki hvað síst á tímum samdráttar í einu þjóðfélagi.

Það gefur augaleið að hvert einasta starf skapar verðmæti og það atriði að ofurskattar eða skipulag hvers konar komi í veg fyrir það að slík starfssemi fái notið sín, er undarlegt skipulag sem þarf að breyta.

kv.Guðrún María.

Smærri fyrirtækin verða undir

Framleiðsla á fátækt til handa ákveðnum hópum samfélagsins.

Auðvitað er það lágmark að þeir hópar sem skilað hafa samfélaginu sínu gegnum tíðina fái notið þess að vera virtir, hvort sem um er að ræða aldraða, öryrkja eða atvinnulausa.

Aldurshlutfall einnar þjóðar fer hækkandi og það atriði að valdhafar hyggist ganga þá vegferð að " spara " útgjöld hins opinbera gagnvart þessum hópi er brot á íslensku stjórnarskránni hvað varðar mismunun þegnanna.

Skerðingar sem þessar eru framleiðsla á fátækt í boði sitjandi valdhafa og til háborinnar skammar.

kv.Guðrún María.

ASÍ mótmælir kjaraskerðingu

Hátt í 300 milljónir úr bæjarsjóði Hafnarfjarðar til þess að bjarga Haukum, ......

Fyrir mig fyrrum íbúa Hafnarfjarðar og leigjanda að félagslegri leiguíbúð þar í bæ, sem vísað var á brott, vegna þess að ekki var hægt að semja við mig um greiðslu skuldar, eftir tekjutap í kjölfar slyss sem bæjarstarfsmaður, er það mjög svo undarlegt að sjá að bæjarsjóður þessa sama bæjarfélags skuli skömmu síðar, taka að sér hátt í 300 milljóna króna fjárskuldbindingu íþróttafélagsins Hauka ásamt því að vera að byggja upp hús fyrir FH í Kaplakrika mér best vitanlega.

Hvað mig varðar var réttargæslumaður fatlaðra sem blandaði sér í mitt mál hundsaður að því leyti að þeim hinum sama var sagt að leysti yrði úr mínum málum sem EKKI VAR GERT.

Lögin um félagsþjónustu sveitarfélaga voru fótum troðin, að mínu áliti, af hálfu stjórnvaldsaðila stjórnsýslu bæjarins sem komu að mínu máli.

Tíminn mun leiða það í ljós hvort menn muni þurfa að svara til ábyrgðar í því efni, en eins og áður sagði þá er það blaut tuska í andlitið að sjá að bæjarsjóður þessa sveitarfélags skuli geta bjargað nokkur hundruð milljóna króna skuldum íþróttafélaga, meðan fötluðu fólki er vísað úr félagslegum leiguíbúðum þar sem ekki er hægt að semja um verulega minni fjárhæð en þarna er um að ræða.

kv.Guðrún María.

Evrópusambandið mun liðast í sundur.

Þegar yfirstjórnunarvaldið kostar of mikið í þessu sambandi þá er aðeins ein leið til staðar, þjóðirnar munu draga sig út úr því hinu sama, og það atriði hvert stefnir, ætti að vera augljóst nú um stundir.

Hvað okkur Íslendinga varðar þá er aðildarumsókn okkar að þessu bandalagi nú pólítiskt viðundur í raun, gjörsamlega á skjön við hagsmuni hvers konar.

Núverandi ríkisstjórnarflokkar hafa gengið þessa vegferð kostnaðar á kostnaðar ofan að standa í viðræðum um aðild að bandalagi sem ef til vill verður ekkert þegar fram líða stundir og meirihluti þjóðarinnar hefur ekki áhuga á að taka þátt í.

kv.Guðrún María.

„Geta ekki valið það besta úr ESB“

Lýðskrum Hreyfingarinnar.

Í mínum huga er sú afstaða þessara þingmanna þess efnis að vilja ekki efnisbreytingar á tillögum sem vægast sagt þurfa verulegrar endurskoðunar við, einungis lýðskrum.

Lýðskrum með það að markmiði að bakka upp tvo stjórnlagaráðsmenn sem hyggjast gefa kost á sér með sambræðslubandalaginu Dögun, sem sömu þingmenn tilheyra.

Það atriði að það sé ekki hlutverk þingmanna að breyta frumvörpum frá Alþingi, hvað er þá hlutverk þingmanna ?

Lýðskrumið allt kringum þetta mál nær nýjum hæðum með þessari yfirlýsingu.

kv.Guðrún María.

Hafna efnisbreytingum á frumvarpi stjórnlagaráðs

Kastljós sjónvarps í kvöld, alvöru rannsóknarblaðamennska, málið þyngra en tárum taki.

Ég hef örugglega ekki verið ein um það að límast við skjáinn í kvöld við umfjöllun Kastljóssins um þetta mál, en sú hörmung sem þar kom fram og snertir að virðist fjölmarga einstaklinga í voru þjóðfélagi, er sorglegur vitnisburður um andvaraleysi eins samfélags, gegnum árin.

Þeir Kastljósmenn sem þátt þennan unnu sýndu að til er alvöru rannsóknarblaðamennska í landinu, hafi þeir þakkir fyrir.

kv.Guðrún María.

Barnaníðingur yfirheyrður

Stefnuskrá Samfylkingar um inngöngu í Esb er eins og heilög kú á Indlandi.

Hið meinta jafnaðarmannaríki Evrópu sem stefnuskrá SF vísar til að virðist hvað varðar inngöngu í þetta bandalag er orðið að heilagri kú, sem flokksmenn tilbiðja og neita að skoða breyttar aðstæður alveg sama hverjar eru, allra handa, því stefnuskrá flokksins er ofar öllu slíku.

Auðvitað er það er það í senn stórhlægilegt sem og grátlegt að fylgjast með slíku á stjórnmálasviðinu þar sem menn berja hausnum við steininn og viðurkenna ekki lýðræðisleysið við ferli þetta og andstöðu meirihluta þjóðar gegn máli þessu.

Samfylkingin hefur einangrað sig sem einstefnuöfgaflokkur hér á landi, einkum og sér í lagi vegna afstöðu sem og endurskoðunarleysis í þessu máli.

Það er rétt sem Ragnar bendir á að flokkar við stjórnvölinn sem komið hafa að stað viðræðuferli án þess að þjóðin hafi verið spurð um vilja, vitandi um meirihlutaandstöðu við málið, eru í raun að skaða orðspor Íslands til lengri og skemmri tíma.

Mál er að linni.

kv.Guðrún María.

Rangt að draga ESB á asnaeyrunum

Jöfnuður Samfylkingar og Vinstri Grænna, að hundsa aldraða og öryrkja ?

Það er til háborinnar skammar fyrir þá flokka er sitja við stjórnvölinn að gefa loforð sem ekki er staðið við varðandi tímabundnar skerðingar á lífeyri aldraðra og öryrkja.

Enn eigum við meðal okkar fólk sem skilað hefur okkar samfélagi miklu en hefur samt sem áður ekki áunnið sér lífeyrisréttindi á vinnumarkaði sem skyldi.

Þetta sama fólk má þurfa að taka öllum skattahækkunum þessarar ríkisstjórnar sem komið hafa til sögu og aukið hafa kostnað við framfærslu hvers eins einstaklings í þessu landi, en hækkun lífeyris sem fryst var í 3 ár og átti að hækka um áramót er svikin af valdhöfum.

Ég skora á þingmenn þessarar þjóðar sem sitja á Alþingi Íslendinga að taka mál þetta upp á þingi, og ekki væri verra að Þjóðkirkjan gerðist málsvari þeirra sem þetta mega meðtaka nú um stundir.

kv.Guðrún María.

Réttmætur lífeyrir skertur

Sannleikurinn er sagna bestur, tillögur að nýrri stjórnarskrá eru því miður " handónýtt plagg ".

Núverandi stjórnarherrar VG og Samfylkingar höfðu ekki dug í sér til þess að festa fingur á þessu máli og taka það til meðferðar á þingi eftir að hafa hundsað Hæstarétt og skipað stjórnlagaráð eftir ógildingu kosninganna.

Þess í stað var valin " LÝÐSKRUMSAÐFERÐIN " sem var sú að gera ekkert með málið og setja það bara beint í þjóðaratkvæðagreiðslu, til þess að geta svo skýlt sér bak við það " vilja þjóðarinnar ".... þrátt fyrir ábendingu fræðimanna um alla þá vankanta sem til staðar voru.

Hreyfingin spilar á Lýðskrumstrommur ríkisstjórnar í þessu efni, þar sem viðkomandi telja að virðist allt algott við þessar tillögur sem er stórfurðulegt.

Til þessa að setja punktinnn yfir i ið er hluti stjórnlagaráðsmanna komnir í framboð til Alþingis í heilagri krossför með eigin tillögugerð sem ég tel handónýtt plagg sem grunn að nýrri stjórnarskrá.

Raunin er sú að þarna var betur heima setið en af stað farið, því miður.

kv.Guðrún María.

„Margt óskýrt og flókið“