Hvað er pólítiskur hráskinnaleikur og hvað ekki ?

Það er slæmt ef Eiríkur Bergmann áttar sig ekki á því að með því að þiggja sæti í stjórnlagaráði, eftir að Hæstiréttur hafði dæmt kosningar til stjórnlagaþings ógildar, þá var hann sjálfur óhjákvæmilega þáttakandi í pólítískri ákvarðanatöku sitjandi stjórnvalda við stjórnvölinn.

Það er því áleitin spurning hvað er pólítiskur hráskinnaleikur og hvað ekki ?

kv.Guðrún María.

Alþingi kýs forsætisráðherra án atbeina forseta Íslands

Kynjamismunun á biðlistum í heilbrigðisþjónustu, getur það verið ?

Kanski erum við kvenmenn ekki nógu duglegar að knýja á um þjónustu okkur til handa eins og karlpeningurinn, en biðlistar í heilbrigðisþjónustu eiga ekki að flokka þar í sundur, því fer fjarri.

Því miður hefur stofnannaþjónusta hér í okkar samfélagi oftar en ekki verið undir þeim formerkjum að sá sem hefur nógu hátt fær fyrstur bestu þjónustuna, eins fáránlegt og það er.

Rétt skal vera rétt og í þessu tilviki er þetta mat háð nægilega mörgum faglegum stöðlum til þess að hægt sé að fara eftir þeim, án tilliti til kyns , aldurs eða annars.

kv.Guðrún María.

Munur á biðtíma karla og kvenna eftir aðgerðum

Heill forseta vorum.

Ræða forsetans við þingsetningu vakti undrun mína í fyrstu en svo áttaði ég mig á því hvað hann var að fara, þar sem hann auðsýndi enn einu sinni þá stjórnkænsku sem hann hefur til að bera og hefur sannarlega skipt miklu máli fyrir land og þjóð í Icesavemálinu.

Hann hvetur þingið til þess að hraða vinnu um tillögur stjórnlagaráðs, sem innifeli aukin völd forseta, en sjálfur hefur hann enn ekki gefið það upp formlega hvort hann gefi kost á sér, en hvatningin er eitthvað sem þingheimur mun án efa taka til greina.

Stjórnlagaráðið kemur sjálfsagt að vissu leyti af fjöllum varðandi aukin völd forseta, en hlýtur að fagna þessari framgöngu forsetans varðandi umfjöllun þingsins um tillögurnar.

Verði það svo að tillögugerð um nýja stjórnarskrá tefjist í meðförum þingsins þá mun fyrir hendi enn ríkari ástæða til þess að núverandi forseti gefi kost á sér að nýju.

Vonandi verður það svo að Ólafur gefi kost á sér áfram til embættis forseta.

kv.Guðrún María.

Forsetakosningar í óvissu?

Eggjakast er ofbeldi, en ekki mótmæli.

Friðsamleg mótmæli eru eitt, ofbeldi annað og eggjakast er ofbeldi ásamt öllu því er varðar það atriði að skemma og eyðileggja í formi mótmæla.

Við hvorki eigum né megum samþykkja það hið sama sem hluta af friðsamlegum mótmælum og því fyrr sem við stöndum föstum fótum gegn slíku, því betra.

Það skiptir engu máli hversu reið við erum yfir þvi hve miklu við höfum tapað af efnislegum gæðum, aldrei skyldum við láta reiðina ganga svo langt að reyna að varða veginn ofbeldi, aldrei.

Ofbeldi getur nefnilega haft afleiðingar sem ekki verða aftur teknar.

kv.Guðrún María.

,,Eggið hæfði mig á vondan stað"

Friður sé með yður.

Ég held að þetta sé örugglega í fyrsta skipti sem sitjandi formaður Sjálfstæðisflokksins hvetur til friðsamlegra mótmæla, alla vega í mínu pólítíska orðasafni, en einu sinni er allt fyrst og vonandi fara Sjálfstæðismenn með friði, sem aðrir þeir er hyggja á mótmæli.

kv.Guðrún María.

Hvetur til friðsamlegra mótmæla

Mótmælt með regnhlífum.

Það rignir jafnt á réttláta sem rangláta, og varla fækkar mikið þeim sem á annað borð ætla að mótmæla, þótt rigni, enda Íslendingar alvanir alls konar veðurfari.

Það er hins vegar fínt ef menn hafa aflagt tunnudraslið og ákveðið að syngja þess í stað, enda röddin nægileg til mótmæla.

kv.Guðrún María.

Gæti rignt á mótmælendur