Um daginn og veginn.

Að rækta kærleikann meðal manna verður aldrei of oft kveðin vísa.

Allt of oft ganga menn ósáttir burt jafnvel út af smæstu deilum sem engu máli skipta en hægt er að gera veður út af.

Það er nefnilega afar auðvelt að viðhalda deilum og erjum ef vilji er til staðar um smáatriðin hvers konar, meðan heildarmyndin er ekki í sjónmáli.

Við getum tamið okkur viðhorf svo mikið er víst, og það hið sama viðhorf hefur með það að gera hvernig við bregðumst við gagnvart sjónarmiðum annarra.

Hver hefur leyfi til þess að vera ósammála öðrum en þótt menn séu ósammála þá er allt spurning um hvort viðfangsefnið krefst niðurstöðu og þá er að leita fleiri ráða ef svo ber undir.

Þótt menn séu ósammála þarf það ekki að þýða að þeir séu óvinir, fjarri því.

Kærleikurinn á sér engin takmörk og eitt fallegt orð til samferðamanna , bros og hlýja gefur af sér til baka í réttu magni sem til er sáð.

kv.Guðrún María.

 

 

Auðvitað eigum við Íslendingar að vinna verkefni innanlands.

Í raun og veru er það sérstakt að hrun skuli hafa þurft að koma til varðandi það atriði að til dæmis viðhald skipa sé unnið hér á landi. Hverr eitt einasta starf í landinu er mikilvægt á öllum tímum, það ættu fyrirtæki í sjávarútvegi að vita.

Það atriði hlýtur að skrifast á fádæma klaufaskap stjórnvalda að hafa ekki getað haldið skipaviðgerðum í landinu þrátt fyrir hið meinta góðæri.

kv.Guðrún María.

Skipaviðgerðir færast heim

Fór allt úr böndum með Lúpínuna ?

Er ég ein um það að velta því fyrir mér hve útbreiðsla Lúpinu er mikil ?

Mér best vitanlega var þessi jurt hér hluti af tilraunastarfssemi varðandi það að hefta uppblástur á landssvæðum hér á landi, en útbreiðsla hennar út um allt nú um stundir er varla hluti af því rannsóknarverkefni.

Sé það rétt að jurtin yfirtaki annan gróður hljóta menn að þurfa að fara að athuga eitthvað þróun mála í þessu sambandi.

Það væri til dæmis mjög fróðlegt að vita hvar menn hafa verið að sá lúpinu og hvar ekki.

Jafnframt hvort og hvernig er hægt að hafa not af þessari jurt að öðru leyti en að hefta fok.

kv.Guðrún María.

Stærðfræðiformúla til að viðhalda gamla fjórflokkakerfinu, og formönnum flokka.

Óskaplega er þetta nú léleg útkoma að mér finnst, og set spurningamerki við það stærðfræðingur hafi haft yfirumsjón með verkinu. Munu þá sjómenn og bændur semja frumvörp um mál á heilbrigðissviði til dæmis, án aðkomu lækna  ?

Hér er aðeins verið að búa til hrærigraut sem allt er flokkunum í hag innbyrðis sem geta aðlagað sig skipulaginu og almenningur getur ekki valið fólk úr öllum flokkum í einum kosningum sem er slæmt.

Að varpa hlutkesti um efsta mann er eitthvað sem ég á eftir að sjá í framkvæmd sinni en verður til þess að talsmenn framboða verða formenn og egóisminnn í því sambandi mun þvi einungis aukast frekar en minnka , þótt þar sé verið að bera í bakkafullann lækinn í því sambandi.

kv.Guðrún María.

 

 

Ný frumvörp um persónukjör samþykkt

Þá byrjar þú á því að lækka skatta Jóhanna en ekki að hækka.

Skattahækkanir til þess að stoppa í fjárlagagat í atvinnuleysi eru galin aðgerð og eins og að hella olíu á eld vandamála sem aftur kalla á aðrar kostnaðarsamar lausnir sem aftur þýðir hvað ?

Jú enn meiri skatta.

Að viðhalda umsvifum hins opinbera án niðurskurðar er einnig jafn galið, því auðvitað átti að hefjast handa við að draga verulega úr umsvifum og afleggja tímabundið það sem hægt er komast af  án, um nokkurra ára bil að minnsta kosti.

Slíkar aðgerðir þurfa undirbúning þar sem vanda þarf til verka varðandi lagalega umgjörð breytinga sem slíkra, en það aðtrið að ætla að reyna að leggja á meiri skatta í kjölfar skattoffars á almenning sem var til staðar í hinu meinta góðæri, nú einnig á krepputímum er hámark veruleikafirringar stjórnmálamanna við stjórnvölinn og var þó komið nóg af slíku.

kv.Guðrún María.

 

 

Frekari aðgerðir vegna skuldsettra heimila

Ábyrgð sitjandi stjórnvalda á hverjum tíma, á ákvarðanatöku ellegar aðgerðaleysi.

Þvi miður er það svo að hin pólítíska ábyrgð hefur ekki verið í tísku hér á landi, öðru vísi er ekki hægt að orða það. 

Menn hafa komist upp með það að vera endurkosnir þing eftir þing þrátt fyrir það að hafa litlu sem engu áorkað í þjóðmálum ellegar tekið misvitrar ákvarðanir sem kostað hafa þjóðina svo og svo mikið fram á veg.

Flokksmúrarnir og samtryggingabandalag fjórflokkakerfisins þar sem flokkarnir hafa verið álíka íþróttafélögum í með og á móti keppni allra handa, með innihaldslausum klysjum í stefnuskrám um fögur markmið og háleitan tilgang með orðanna hljóðan, hefur ekki þokað samfélagi fram á veg , heldur í för stöðnunar.

Hámark sýndarmennskunnar má segja að hafi verið þegar einn flokkur fékk markaðsverðlaun frá auglýsingastofu um árið. Þess má þó geta að það var í hinu meinta góðæri.

Sé það svo að fyrrum Seðlabankastjóri Davíð Oddson hafi varað Geir Haarde og Ingibjörgu Sólrúnu við fjármálavá þeirri sem stefndi í snemma árs 2008, án þess að slíkt væri gert opinbert þá er það sérstakt, að sömu aðilar skuli hafa lagst í víking erlendis til þess að presentera ágæti hins íslenska fjármálaumhverfis í kjölfarið.

Hvers vegna var krafa búsáhaldabyltingar Davíð burt ?

Það skyldi þó aldrei hafa eitthvað með samtryggingu fjórflokksins að gera í þessu sambandi ?

Ef til vill þarf að dusta rykið af Landsyfirdómi og fara að draga ráðamenn til ábyrgðar á eigin ákvarðanatöku hvers eðlis sem er varðandi það atriði að búa hér til hlutabréfamarkað og fjármálaumhverfi sem engar átti girðingar í eðlilegu samhengi og ætla síðan að senda þjóðinni reiknnginn af tllstandinu  þegar spilaborgin hrundi, eins og ekkert hafi í skorist.

kv.Guðrún María.

 

 

 

 

Landssöfnun Fjölskylduhjálpar Íslands.

Nú þessa dagana er gengið með merki í hús á vegum Fjölskylduhjálpar Íslands, til þess að safna fé í matarsjóð fyrir haust og vetur komandi.

Sjálf hefi ég starfað sem sjálfboðaliði á annað ár við úthlutun og þar leggja margir saman hönd á plóg við það að aðstoða fólk í neyð.

Breytt efnahagsástand í okkar þjóðfélagi fór ekki framhjá okkur, frekar en öðrum hjálparstofnunum, þar sem atvinnuleysi er í fyrsta sinn að heimsækja okkur af fullum þunga hér á landi.

Merkið sem er til sölu, og gengið er með í hús, er fallegt merki með áletruninni " Nýtt Ísland " sem inniheldur von um slíkt hið sama.

kv.Guðrún María.

 

 

Loksins, búið að opna kvótakerfið neðan frá.

Set hér inn frumvarpið um frjálsar strandveiðar, sem sannarlega er fyrsta breyting á kvótakerfinu í áraraðir, vonandi til bóta.

 " Frumvarp til laga

um breytingu á lögum nr. 116/2006, um stjórn fiskveiða,
með síðari breytingum.

(Lagt fyrir Alþingi á 137. löggjafarþingi 2009.)

1. gr.

    Við 1. mgr. 3. gr. laganna bætist nýr málsliður, 4. málsl., svohljóðandi: Sama á við um afla sem fæst við veiðar sem fara fram í fræðsluskyni, enda séu veiðarnar óverulegar og aflinn ekki fénýttur.

2. gr.

    6. gr. laganna orðast svo:
    Heimilt er án sérstaks leyfis að stunda fiskveiðar í frístundum til eigin neyslu. Slíkar veiðar er einungis heimilt að stunda með sjóstöng og handfærum án sjálfvirknibúnaðar. Afla sem veiddur er samkvæmt heimild í þessari málsgrein er einungis heimilt að hafa til eigin neyslu og er óheimilt að selja eða fénýta hann á annan hátt.
    Ráðherra er heimilt að ákveða árlega að á tilteknum fjölda opinberra sjóstangaveiðimóta teljist afli ekki til aflamarks eða krókaaflamarks, enda sé aflinn einungis fénýttur til að standa straum af kostnaði við mótshaldið.
    Aðilum sem reka ferðaþjónustu og hyggjast nýta við þann rekstur báta til frístundaveiða er skylt að sækja um sérstakt leyfi til Fiskistofu fyrir hvern bát sem nota skal í því skyni. Einungis er heimilt að veita leyfi til frístundaveiða aðilum sem fengið hafa leyfi sem Ferðamálastofa gefur út með stoð í 8. gr. laga nr. 73/2005, um skipan ferðamála. Einungis er heimilt að stunda veiðar með sjóstöng og handfærum án sjálfvirknibúnaðar á þeim bátum sem leyfi fá samkvæmt þessari grein.
    Leyfi til frístundaveiða, sbr. 3 mgr., eru tvenns konar:
    1.      Leyfi til að veiða fimm fiska af kvótabundnum fisktegundum á hvert handfæri eða sjóstöng dag hvern og reiknast sá afli ekki til aflamarks viðkomandi báts. Ekki er heimilt að nota fleiri en fimm sjóstangir og/eða færarúllur samtímis. Óheimilt er að selja eða fénýta á annan hátt afla sem fæst við veiðar sem heimilar eru samkvæmt þessum tölulið.
    2.      Leyfi til veiða sem takmarkast af aflamarki eða krókaaflamarki viðkomandi báts. Allur afli þessara báta skal veginn í samræmi við gildandi reglur um vigtun og skráningu sjávarafla. Um afla þessara báta gilda ekki ákvæði laga nr. 24/1986, um skiptaverðmæti og greiðslumiðlun innan sjávarútvegsins. Ekki skal leitað staðfestingar Verðlagsstofu skiptaverðs skv. 4. málsl. 3. mgr. 15. gr. vegna flutnings aflamarks til þessara báta. Heimilt er að selja og fénýta á annan hátt þann afla sem fæst við veiðar sem heimilar eru samkvæmt þessum tölulið.
    Innan sama fiskveiðiárs er einungis heimilt að veita báti leyfi annaðhvort skv. 1. tölul. 4. mgr. eða 2. tölul. 4. mgr. Við veitingu leyfa til frístundaveiða koma aðeins til greina skip sem hafa haffærisskírteini og skrásett eru á skipaskrá Siglingastofnunar Íslands eða á sérstaka skrá stofnunarinnar fyrir báta undir 6 metrum. Skulu eigendur þeirra og útgerðir fullnægja skilyrðum til að stunda veiðar í fiskveiðilandhelgi Íslands sem kveðið er á um í lögum um fjárfestingu erlendra aðila í atvinnurekstri og í lögum um veiðar og vinnslu erlendra skipa í fiskveiðilandhelgi Íslands.
    Leyfi til frístundaveiða skulu veitt til eins fiskveiðiárs í senn. Ekki er heimilt innan sama fiskveiðiárs að stunda fiskveiðar í atvinnuskyni á báti sem fengið hefur leyfi til frístundaveiða. Þó er Fiskistofu heimilt að veita bátum tímabundin leyfi til frístundaveiða sem gildi fyrir tímabilið 1. maí – 31. ágúst enda stundi þeir ekki veiðar í atvinnuskyni innan þess tímabils.
    Rekstraraðili skal með sannanlegum hætti kynna fyrir áhöfn báts reglur um takmarkanir sem kunna að vera á veiðum á þeim svæðum þar sem líklegt má telja að báturinn stundi frístundaveiðar og enn fremur reglur um bann við brottkasti afla og reglur um meðferð afla.
    Ráðherra setur í reglugerð frekari skilyrði og reglur um frístundaveiðar, þ.m.t. um skil á skýrslum vegna veiða frístundaveiðibáta og á sjóstangaveiðimótum.

3. gr.

    Lög þessi öðlast þegar gildi.

Ákvæði til bráðabirgða.

 

I.

    Auk þeirra aflaheimilda sem úthlutað er á fiskveiðiárinu 2008/2009 á grundvelli laga nr. 116/2006, um stjórn fiskveiða, er í júní, júlí og ágúst 2009 heimilt að veiða á handfæri allt að 3.955 lestir samtals af óslægðum þorski, sem ekki reiknast til aflamarks eða krókaaflamarks þeirra fiskiskipa sem stunda handfæraveiðar samkvæmt þessu ákvæði.
    Landinu verði skipt í eftirfarandi fjögur landsvæði: A. Eyja- og Miklaholtshreppur–Skagabyggð, B. Sveitarfélagið Skagafjörður–Grýtubakkahreppur, C. Þingeyjarsveit–Djúpavogshreppur, D. Sveitarfélagið Hornafjörður–Borgarbyggð. Í hlut landsvæðis A komi alls 1.316 tonn, í hlut landsvæðis B komi alls 936 tonn, í hlut landsvæðis C komi alls 1.013 tonn og í hlut landsvæðis D komi alls 690 tonn. Ráðherra skal í reglugerð kveða á um hvernig aflaheimildir skiptast á einstaka mánuði og skal ráðherra með reglugerð stöðva veiðar á hverju svæði þegar sýnt er að leyfilegum heildarafla hvers mánaðar verði náð.
    Veiðar samkvæmt þessu ákvæði eru háðar sérstöku leyfi Fiskistofu. Aðeins er heimilt að veita fiskiskipi leyfi til veiða samkvæmt þessu ákvæði að fullnægt sé ákvæðum 5. gr. laga nr. 116/2006, um stjórn fiskveiða. Við útgáfu Fiskistofu á leyfi til fiskiskips samkvæmt þessu ákvæði falla úr gildi önnur leyfi þess til að stunda veiðar á fiskveiðiárinu 2008/2009 sem gefin eru út með stoð í lögum nr. 116/2006, um stjórn fiskveiða, og lögum nr. 79/1997, um veiðar í fiskveiðilandhelgi Íslands, og er þeim fiskiskipum sem leyfi fá til handfæraveiða samkvæmt þessu ákvæði óheimilt að stunda aðrar veiðar en handfæraveiðar til loka fiskveiðiársins 2008/2009. Leyfi til veiða samkvæmt þessu ákvæði eru bundin við tiltekið landsvæði, sbr. 1. málsl. 2. mgr. þessa ákvæðis. Skal leyfið veitt á því svæði þar sem heimilisfesti útgerðar viðkomandi fiskiskips er skráð og skal öllum afla veiðiskips landað innan þess landsvæðis. Sama fiskiskipi verður aðeins veitt leyfi frá einu landsvæði á veiðitímabilinu.
    Leyfi til handfæraveiða samkvæmt þessu ákvæði eru bundin eftirfarandi skilyrðum:
    1.      Óheimilt er að stunda veiðar laugardaga og sunnudaga.
    2.      Hver veiðiferð skal eigi standa lengur en 12 klukkustundir. Miðað er við þann tíma er fiskiskip lætur úr höfn til veiða til þess er það kemur til hafnar aftur til löndunar. Aðeins er heimilt að fara í eina veiðiferð á hverjum degi.
    3.      Tilkynna skal Fiskistofu um sjósókn fiskiskipsins í samræmi við reglur sem ráðherra setur þar um.
    4.      Sé einn maður í áhöfn er óheimilt að hafa um borð í veiðiskipi fleiri en tvær handfærarúllur. Aldrei er heimilt að hafa fleiri en fjórar handfærarúllur um borð. Engin önnur veiðarfæri en handfærarúllur skulu vera um borð.
    5.      Á hverju fiskiskipi er aðeins heimilt að draga 800 kg af þorski í hverri veiðiferð, miðað við óslægðan fisk. Ufsaafli skal aldrei vera meiri en 15% af þorskafla hverrar veiðiferðar og ýsuafli ekki meiri en 3%.
    6.      Skylt er að landa öllum afla í lok hverrar veiðiferðar og skal hann veginn og skráður endanlega hér á landi. Um vigtun, skráningu og meðferð afla fer að öðru leyti samkvæmt ákvæðum laga nr. 57/1996, um umgengni um nytjastofna sjávar, og ákvæðum gildandi reglugerðar þar um.
    Fyrir veitingu leyfis samkvæmt ákvæði þessu skal umsækjandi greiða gjald samkvæmt ákvæðum laga nr. 33/2000, um veiðieftirlitsgjald. Fiskistofa skal innheimta veiðigjald samkvæmt þessu ákvæði vegna landaðs afla, annars en þorsks, og skal gjalddagi vera 1. október 2009 en eindagi 15 dögum síðar. Um innheimtu þessa gjalds gildir að öðru leyti 23. gr. laga nr. 116/2006, um stjórn fiskveiða, eftir því sem við getur átt.
    Um viðurlög vegna brota á lögum þessum, reglum settum samkvæmt þeim og ákvæðum leyfisbréfa fer skv. VI. kafla laga nr. 116/2006, um stjórn fiskveiða.
    Þá skal beita ákvæðum laga nr. 37/1992, um sérstakt gjald vegna ólögmæts sjávarafla, fari afli fiskiskips umfram hámark sem ákveðið er í lögum þessum eða reglum settum samkvæmt þeim.
    Ráðherra setur nánari reglur um framkvæmd þessa ákvæðis.

II.

    Frá og með fiskveiðiárinu 2009/2010 skal skipta leyfilegum heildarafla í karfa upp í gullkarfa og djúpkarfa. Skal aflahlutdeild hvers fiskiskips í hvorri tegund í upphafi fiskveiðiársins 2009/2010 vera hin sama og hún hefði að óbreyttum lögum orðið í karfa. "

 

 

kv.Guðrún María.

Ættfræðin og frændgarðurinn.

Það er oft skondið þegar maður allt í einu kemst að því að samferðamenn séu í eigin frændgarði ekki hvað síst í ólíkum flokkum í pólítíkinni.

Þessir tveir eru báðir frændur mínir sitt í hvora ættina mína.

Sigmundur Davíð gegnum móðurættina að vestan af Ströndum og Ástþór gegnum föðurættina af Suðurlandi.

Ættfræðigrúsk er annars orðið mun auðveldara en það að liggja yfir bókum af bókasafni sökum þess að Íslendingabók hjálpar þar heldur en betur til.

Ég datt hins vegar ofan í slíkt ættfræðigrúsk eftir að foreldrar mínir kvöddu eins og sennilega á við um marga en það er mjög gaman að vita hvar saman liggja ættir hvers og eins.

kv.Guðrún María.

 

 

 

Veðsett skip í bönkum = veðsetning óveidds fiskjar á Íslandsmiðum.

Hér er um að ræða vægast sagt fróðlega frétt þar sem banki viðurkennir að veðtaka í óveiddum fiski er fyrir hendi þótt lögin um stjórn fiskveiða kveði á um í fyrsta lagi sameign þjóðar, og í öðru lagi, að aflaheimildir gildi eitt fiskveiðiár í senn, til úthlutunar.

 

 " Það kemur fyrir að Landsbanki Íslands samþykkir að veita lán umfram verðmæti fiskiskips og aflahlutdeildar þess. Er þá m.a. höfð hliðsjón af tekjustreymi, fjárhagslegum styrk og öðrum atriðum sem varða lántaka. Þetta kemur fram í skriflegu svari bankans við fyrirspurn Morgunblaðsins. Þar sem veiðiheimildir eru framseljanleg réttindi með ákveðnu markaðsverði skilgreinir bankinn þær sem verðmæti sem auka veðhæfni skipa sem þær tilheyra enda tekjustreymi útgerða að miklu leyti háð aðgangi að þeim veiðiheimildum.

Í svari bankans er staðfest að myndi hann leysa til sín veðsett skip myndu veðsettar veiðiheimildir fylgja því.

Loks var Landsbankinn spurður hvort fyrirhuguð fyrningarleið kæmi ekki til með að skaða hagsmuni bankans í þessu tilliti.

„Já,“ segir í svari bankans, „fyrningarleið myndi skerða verðmæti trygginga sem fylgja útlánasafni þar sem skip eru sett að veði.“ "

skyldi þurfa að breyta lögum um fiskveiðistjórn eða ef til vill að fara á laganna hljóðan.....

kv.Guðrún María.

 

Veiðiheimildir auka veðhæfni skipa sem þær fylgja