Vinstri Græna skortir frjálslynd viðhorf og víðsýni á framgöngu eðlilegs markaðsþjóðfélags sem ekki er á Íslandi dagsins í dag.

Ég hefi oft hrósað Steingrími J.  fyrir nauðsynlega þjóðfélagsgagnrýni almennt, en því miður tel ég flokk hans hafa róið út á öfgasjónarmið umhverfismótmæla með einblýni á einstakar framkvæmdir virkjana á landinu ásamt því að skreyta sig meintum femínisma. Ismar og öfgar eru loftbólur og sökum þess tel ég Vinstri Græna ekki nokkurn tímann verða alvöru andstöðuafl við núverandi valdhafa án skoðana á kvótakerfi sjávarútvegs, og þróun mála hvað varðar málefni innflytjenda.

kv.gmaria.

 

Steingrímur: Hlutverk VG að vera mótvægi við Sjálfstæðisflokkinn

Ekki furða að fylgið dali, einn segir þetta og annar hitt, um sömu mál, sitt á hvað.

Ríkisstjórnarsamstarf Sjálfstæðis og Samfylkingar hófst á því að utanríkisráðherra og formaður Samfylkingar var varla komin í stólinn þegar hún flaug til Noregs og þaðan til Afríku að mig minnir og síðan til Mið Austurlanda. Á sama tíma voru og eru samgöngumál til Vestmannaeyja í ólestri sem og til Grímseyjar en keypt var handónýt ferja til að gera upp sem orðið hefur að sögulegu dæmi mistaka á mistök ofan. Aðrir ráðherrar vilja annað hvort virkja eða vernda landið svona eftir efnum og aðstæðum umræðunnar að virðist. Samfylkingin hefur ekki haft undan að éta hattinn sinn í formi gagnrýni á fyrri ríkisstjórn sem birt var í formi kosningaloforða fyrir kosningarnar síðustu að undanskildum einum ráðherra Jóhönnu Sigurðardóttur. Sjálfstæðismenn hafa látið lítið fara fyrir sér enda ánægðir að sitja við kjötkatlana líkt og fyrri daginn, en eigi að síður spilað á hörpu jafnaðarmennsku meðan samstarfsflokkurinn mátar stólana.

kv.gmaria.

Stuðningur við ríkisstjórnina dalar

Hver hefur efni á að missa Þóru Krístínu Ásgeirsdóttur úr starfi fréttamanns ?

Hef ekki fylgst nógu vel með fréttum undanfarið en var að lesa það hér á blogginu að búið væri að segja Þóru Kristínu upp á Stöð 2. Þessi kona er skarpur og skeleggur fréttamaður sem hefur átt gott með að greina aðalatriði frá aukaatriðum í frásögnum frétta og hefur að mínu viti vaxið að verðleikum á Stöð 2. nær stöðugt frá því hún kom fyrst fram á skjánum. Það atriði að hún hafi gagnrýnt nýjan fréttastjóra vegna pólítískra afskipta hlýtur að teljast skoðun hennar á því máli og ef henni er sagt upp fyrir skoðanir sínar þá eru " frjálsir fjölmiðlar " heldur betur farnir að sýna af sér allt annað en frelsi.

kv.gmaria.