Uppbygging öldrunarþjónustu , áætlanir takk.

Hin nýja tízka þess efnis að fresta hinum og þessum framkvæmdum með því að setja slíkt á dagskrá á fjárlög fram í tímann sem enn eru órædd og óákveðin heitir að humma málin fram af sér. Það er nauðsyn að núverandi ríkisstjórnarflokkar verði krafðir skýringa á því hvers vegna hækkandi aldur þjóðarinnar hlutfallslega virðist koma á óvart hvað varðar framkvæmdir í þessum málaflokki. Ég ber ómælda virðingu fyrir því fólki sem kom mér til manns, og tel það skyldu mína að sjá til þess með öllum ráðum að aðhlynning og aðbúnaður fólks á efri árum sé voru þjóðfélagi sæmandi. Þrátt fyrir aukna fjölbreytni á hinum ýmsu sviðum í samfélaginu hefur ekki tekist að sinna þessum málaflokki sem skyldi svo sem með heimaþjónustu og búsetuúrræðum við hæfi hvers og eins. Skortur á sveigjanleika í niðurnjörvuðu kerfi laga og reglugerða ýmis konar gerir það að verkum að fólk er latt til vinnuþáttöku ef heilsa leyfir þótt þjóðfélagið ætti svo sannarlega að fagna því að fá sem lengst vinnuþáttöku fólks á efri árum. Hér er verkefni að vinna og núverandi stjórnvöld þurfa að útskýra hvers vegna þau hin sömu hafa ekki staðið sína pligt í þessu efni.

kv.gmaria.

Umhverfismat á hafsbotni sjávar eftir kvótakerfið, hvenær lítur það dagsins ljós?

Magn botnveiðarfæra í notkun á Íslandsmiðum er mikið , allt of mikið og engin haldbær röksemd því fylgjandi að auka hlut þeirra er veiða með slíkum veiðarfærum á kostnað veiða með handfæri og línu. Vitundarleysi umhverfisverndarsinna þess efnis að vernda hafsbotn sjávar og lífríkið gegn ofríki aðferða sem miða að skammtímagróðasjónarmiðum fyrst og fremst við að ausa sem mestu magni fiskjar úr sjá, hvernig svo sem verða má, er því miður algjört enn sem komið er. Frjálslyndi flokkurinn hefur nú kjörtimabil eftir kjörtímabil lagt fram frumvarp á þingi þess efnis að veiðar sem ekki ógna lífríki sjávar eða fiskistofnum verði frjálsar og þannig stuðlað að því hvoru tveggja að vernda lífríki sjávar og viðhafa umgengni í sátt við lífríkið sem og að skapa atvinnutækifæri og viðhalda nýlíðun í sjávarútvegi. Rannsóknir á hafsbotni sjávar kring um landið eru skammt á veg komnar en neðansjávarmyndatökur Hafrannsóknarstofnunar við Suðurströndina birtu meðal annars Öræfagrunn sem eyðimörk niðurbrotinna kóralla eftir botnveiðarfæri fiskiskipa, kóralla sem vaxa í öldum talið.

kv.gmaria.

Og Sjálfstæðismenn samþykkja að taka þátt í uppfærslu sjónleiks Framsóknarmanna, um nokkur orð í stjórnarskrá.

Það er með ólíkindum að stærsti stjórnmálaflokkurinn skuli lúta í lægra haldi fyrir smáflokki sem situr með honum við kjötkatlana nú um stundir , tíu mínútum fyrir kosningar þess efnis að taka þátt í sjónarspili þess efnis að setja ákvæði í stjórnarskrá er gera stjórnarskrána að markminna plaggi en ella. Markminna sökum þess að í gildi eru lög í landinu sem leyfa framsal og leigu á sameign þjóðarinnar í formi óveidds fiskjar úr sjó og nokkur orð í stjórnarskrá munu þar í engu breyta gildi þeirra hinna sömu laga. Sjaldan eða aldrei hefur annað eins sjónleikjaspil átt sér stað í íslenzkri pólítik , lítt til framdráttar þáttakendum.

kv.gmaria.

Sjónarspil Framsóknarflokksins, um auðlindir í stjórnarskrá, algjör sýndarmennska.

Hve oft og hve lengi hefur Framsóknarflokknum tekist að slá ryki í augu kjósenda fyrir kosningar og nú er það nýjasta dæmið , málamyndaleiksýning um ríkisstjórnarslit við samstarfsflokkinn um nokkur merkingarlaus orð í stjórnarskrá sem gera hana að marklausu plaggi miðað við lög í gildi, sem flokkurinn hefur EKKI ÁTT FRUMKVÆÐI að að leggja til breytingar á í fjögur ár , s.s. með frumvarpi til laga á þingi. Lögin um fiskveiðistjórn eru ónýt því fyrsti kafli laganna um sameign þjóðarinnar getur ekki einnig innihaldið samtímis ákvæði um framsal og leigu sameignar þjóðarinnar í formi atvinnu og afkomu.

kv.gmaria.

Stjórnarsáttmálinn; " Að takmarka framsal aflaheimilda innan fiskveiðiársins og auka byggðakvóta."

Hvílíkt og annað eins loforðaflóð i einni setningu, sem náttúrulega hefur nákvæmlega ekki neitt gerst í í tíð þessarar ríkisstjórnar ég endurtek EKKERT. Fyrrverandi formaður Framsóknarflokksins ræddi um það í ræðum að auka veiðiskylduna en ekki hefi ég heyrt af slíku í framkvæmd. Álitsgjafi Fréttablaðisins  í úttekt ( fyrrum ríkisstarfsmaður ) svarar já og nei við því hvort markmiðin hafi náðst og harmar byggðakvóta , veit ekki alveg hvað maðurinn er að tala um nema ef til vill línuívilnun hugsanlega.  Já það er nú svona  " Forsendur málanna fljúga til hæða

                                                       orðin um tilgang og markmið þau flæða.

                                                       Hver er svo árangur eftir allt þetta,

                                                      jú menn þurfi bókunum betur að fletta.

kv.gmaria.

Markmið stjórnarsáttmálans " Að vinna markvisst gegn fíkniefnavandanum "....

Hefur náðst segir Tryggvi  Þór Herbertsson fyrrverandi ríkisstarfsmaður og forstjóri í ríkisstofnun, nei segir Þórarinn Tyrfingsson yfirlæknir SÁÁ. en Fréttablaðið setur já við spurninguna í krossaprófinu. Mjög sérstakt, því markviss vinnubrögð gegn fíkniefnavandanum ættu að felast í því að ungmenni sem teljast börn í neyslu þeim sé hægt að kippa út úr því hinu sama ferli eins og skot, og þá í lokuð framhaldsúrræði eftir neyðarvistun sé þess þörf. Slík úrræði eru EKKI TIL Í NÆGILEGA MIKLU MAGNI , hér á landi sem annar þörfinni. SÁÁ tekur við unglingum en sú meðferð er ekki í samstarfi við Barnaverndaryfirvöld og er EKKI lokuð, frekar en öll önnur barnaverndarúrræði í meðferðargeiranum utan EITT HEIMILI ÚTI Á LANDI með fá pláss. Foreldrar mega því hugsanlega ganga hring eftir hring í þessu ferli að kippa börnum úr neyslu , senda á Stuðla í neyðarvistun fá pláss á opnu meðferðarheimili sem barnið getur svo ef til vill útskrifað sig úr sama dag því þar er ekki um lokaða stofnun að ræða. Þetta heitir ekki að taka á vandamálinu meðan börn eru börn heldur kennir þeim að leika á kerfið og allt og alla og viðhafa ferli sem gengur hring eftir hring í þessum efnum.

kv.gmaria.

 

Börn og aldraðir eru afgangsstærð þegar kemur að fjárveitingum.

Þjónusta við börn og aldraða á ekki að kosta neitt í voru samfélagi og endalaust skal róið á mið þess hóps sem ekki getur borið hönd fyrir höfuð sér með verkföllum eða mótmælum að öðru leyti. Einstæðir foreldrar og öryrkjar róa á sama báti hins gengdarlausa ágangs tekjutengds skattkerfis sem ómögulegt virðist að endurskoða af hálfu stjórnvalda. Skattkerfis sem setur fólk í fátæktarfjötra og gerir það ekki einu sinni að verkum að þjónusta í samræmi við þarfir sé til staðar þrátt fyrir alla skattökuna af þessum tekjuhópum. Störf við uppeldi barna og umönnun aldraðra eru ekki verðmetin sem markaðslaunavinna heldur eins konar færibandastarfsmannavelta þar sem starfsreynsla og stbilitet hvers konar hefur að virðist engan mælikvarða af hálfu þeirra er þar hafa ráðið  ferð undanfarna áratugi. Gengdarlaus vinnuþáttaka foreldra frá börnum sínum til þess að komast af í skattkerfinu úteimtir hróp og köll á stofnanaþjónustu sem aftur þarf að kosta en má ekki kosta neitt. Á sama tíma er stórkostlegum fjármunum varið í sendiráð í Japan, og alls konar dinglumdangl með ferðalagatilstandi á ráðstefnur hér og þar um allan heim. Þetta á að heita virðing okkar fyrir æsku og elli.

kv.gmaria.

LÖG sem ekki standast stjórnarskrá ?

Getur það verið að í gildi séu lög sem ekki standast stjórnarskrá og ef svo er hvers vegna í ósköpunum getur slíkt gerst ? Hvað veldur ? Hefur hver Íslendingur frelsi til atvinnu til dæmis í sjávarútvegi og landbúnaði eða hefur frelsið verið skert í útfærslu laga sem dómsstólar hafa enn ekki séð annmarka á . Kvótasetning á athafnarfrelsi manna undir formerkjum uppbyggingar fiskistofna við landið , þar sem takmarkað magn fiskjar í sæ var að virðist forsendan. Hefur tekist að byggja upp verðmesta fiskistofninn í kerfi þessu ? Svarið er nei og forsendurnar því allt að því óskiljanlegar , samt á ekki að endurskoða aðferðafræðina og nú er það nýjast einhvers konar friðþæging gagnvart þjóðinni að setja sameignarákvæði um auðlindir í stjórnarskrá , líkt og slíkt breyti vitlausri lagasetningu sjáflkrafa. Rétt eina ferðina enn á að henda ryki framan í almenning í landinu, rétt fyrir kosningar, með málamyndaleiksýningu sem þessari af hálfu Framsóknarflokksins og Sjálfstæðisflokksins sem fyrst og síðast bera ábyrgð á aðgerðaleysi og sofandahætti í þessum málaflokki þar sem nauðsynlegt endurmat á ekki að fara fram heldur skal þagað í hel.

Í þágu hverra ?

kv.gmaria.

Barnavernd á náttúrulega ekki að kosta neitt, frekar en annað.

Hið opinbera er oftar en ekki svo pikkfast í því að spara og spara og spara að sparnaðurinn étur sjálfan sig upp. Þrátt fyrir stóraukinn fjölda mála per starfsmann við barnavernd hér á landi hefur starfsmönnum lítið sem ekki neitt fjölgað við úrlausn slíkra mála og yfirhlaðið starfsfólk, félagsráðgjafar í sveitarfélögum og sérstakir barnaverndarfulltrúar reyna af fremsta mætti að sinna hlutverki sínu. Þótt íbúum sveitarfélaga hafi stórfjölgað stendur starfsmannafjöldi í stað gegnum áratugi takk fyrir. Nú nýlega hefur forstjóri Barnaverndarstofu tjáð sig um þennan vanda og er það vel því hann er fyrir hendi og skammarlegur vitnisburður þess að þjóðfélag sem á nægilegan mannafla af vel menntuðu fólki til starfa er ekki nýttur í störf sem þjóðfélagið þarf á að halda undir formerkjum sparnaðar í launakostnaði.

Mál er að linni.

kv.gmaria.

" Einkaeignaréttur " alltaf batnar það, Íslendingar eiga ALLIR fiskimiðin kring um landið.

Ungir Sjálfstæðismenn slá sig nú til riddara með ályktun um " einkaeignarrétt " hvað er það endilega útskýrið betur í hverju " einkaeignaréttur " er fólgin ? Er þar verið að tala um kvótaumsýslunna sem gekk á hlutabréfamarkaðinn inn og út með þáttöku lífeyrissjóðanna, við mistakalagasetinguna um framsalsheimildirnar ? Sem valdið hefur misskiptingunni í þjóðfélaginu með skorti á gjaldtöku fyrir tilfærsluna frá einu sveitarfélagi í annað að vild. " Einkaeignarréttur " er eitthvað sem þarfnast ögn betri útskýringa við að mínu mati en orð á blaði.

kv.gmaria.