Trúin og lífið.

Ég er kristinnar trúar og með árunum hefur páskahátiðin fengið dýpri merkingu í mínu lífi en áður var.

Svo er án efa um marga aðra því árin eru reynslubrunnur lífsins og gleði og sorg hitta manninn fyrir gegnum æviskeiðið sitt á hvað i mismiklu magni til handa okkur einstaklingum, eins og við erum mörg.

Stundum finnst manni að þessi brunnur reynslu sé yfirfullur en þá er það vonin sem kemur til hjálpar og upprisuhátið okkar kristinna manna felur í sér von um það að élin birti upp og storma lægi.

Mín trú er mér lífsnesti og bænin álíka eðlileg og líkamleg næring dags daglega.

kv.gmaria.

 

Athugasemdir

[Róslín A. Valdemarsdóttir, 21.3.2008 kl. 02:16]

Innlitskvitt! Gott að vita að það séu fleiri sem vita hvað þeir trúa á.
Gleðilega páska!

[Þórarinn Þ Gíslason (IP-tala skráð) 21.3.2008 kl. 02:55]

Góður Pistill,Guðrún.

Já,það dýpkar skilningurinn eftir því sem árin færast yfir.

Takk fyrir.

[Ásthildur Cesil Þórðardóttir, 21.3.2008 kl. 14:46]

Gleðliega Páska Guðrún María mín. 

[Guðmundur Jónas Kristjánsson, 21.3.2008 kl. 15:56]

Góð og viðeigandi hugvekja. Föstudagurinn langi og páskadagur.
Dauðinn og upprisan og vissan um eilíft líf. Og sú vissa að sérhver
uppsker sem viðkomandi sáir til. Ef ekki í þessu lífi, þá í hinu næsta,
því annars væri réttlætið ekki til. Sem kristinn trúi því líka 100% á
karmalögmálið, og finnst það geta samræmst mjög kristnni trú.
Og held, að ef margir hefðu það í huga, væri heimurinn alla vega
skárri en hann er í dag....

[Ester Sveinbjarnardóttir, 21.3.2008 kl. 23:49]

[Guðrún María Óskarsdóttir., 22.3.2008 kl. 00:35]

Takk fyrir innlitið öll og Gleðilega páska.

kv.gmaria.