Ég hef ALDREI áður upplifað þvílíkt og hluta þessa veðurs.

Hér á Reykjanesskaganum sem ég hefi nú verið búsett nokkuð lengi upplifði ég lengst af engin veður sem heitið gætu talist ofsaveður miðað við það sem maður upplifði í æsku undir Eyjafjöllum og hæst bar þar fárviðri sennilega 1973 er sveitin var í rúst meira og minna.

Seinni ár hefur veðurofsi hins vegar aukist hér svo um munar að mér finnst og mesti veðurhamur sem ég tel mig hafa upplifað var ca. tíu mínútna tímabil áður en óveðrinu hér síðasta föstudag slotaði.

kv.gmaria.

Í hópi verstu veðra í 12-13 ár

Athugasemdir

[Guðjón H Finnbogason, 12.2.2008 kl. 21:53]

Sæl frænka.

Það gat og getur gustað í sveitinni okkar,Gissur í Selkoti sagði einu sinni að hann hafi séð meri takast á loft og fjúka yfir réttarvegg á Hrútarfelli og það hefur verið 11/2-2 metra á hæð. Oft var maður sendur í að taka hey af girðingunum sem hafði fokið.Það var gaman í þá tíð í fallegri sveit með góðu fólki.

[Ester Sveinbjarnardóttir, 12.2.2008 kl. 23:04]

Það ringdi hraustlega á föstudaginn og hið myndarlegast rok fylgdi með, en samt ekkert í líkingu við Eyjafjallarokin fannst mér.  En ég bý náttúrulega í svolitlu skjóli hérna við Gufuneskirkjugarð.  Húsin skýla líka mikið og allur trjágróðurinn svo þetta er varla sambærilegt.

[asgerdurjona (IP-tala skráð) 12.2.2008 kl. 23:24]

Sælar, þetta með veðrið, mér líkar öll veður, rigningu, rok, slyddu, byl, éljagang, fannkomu, ofankomu, sólskin og sudda.  Sem sagt alla veðurflóruna.  En það verður að segjast eins og er þá er alltaf logn hér í Vesturbænum

kkv.

Ásgerður Jóna

[Guðrún María Óskarsdóttir., 13.2.2008 kl. 00:52]

Sæl öll.

Já Guðjón, það var nú ekki lítið sem maður velti fyrir sér frásögn Gissurar um merina sem fauk og nokkuð greindi menn á um hvort þetta gæti verið en í mikla veðrinu sem ég man fauk Bedford vörubill húsahæð, annaðhvort hjá Ástþóri frænda eða í Hvoltungu og þá fannst mér sagan um merina trúlegri.

Ester man kanski hvar......

Ásgerður þú hefur valið réttan stað.

kv.gmaria.

[Halla Rut , 13.2.2008 kl. 00:55]

Mikið ofsalega er ég orðin þreytt á veðrinu. Hlakka til vorsins.

[Guðrún María Óskarsdóttir., 13.2.2008 kl. 01:03]

Já Halla Rut , það er víst ábyggilegt að vorinu verður fagnað sem aldrei fyrr, þegar búið er að blóta þorrann.

Kemurðu ekki á þorrablótið ?

kv.gmaria.