Mestu stjórnmálalegu mistök síðustu aldar á Íslandi viðurkennd sem mannréttindabrot.

Mistök sem valdhöfum verða á eru mismunandi og bitna misjafnlega á þegnum samfélagsins. Það atriði að úthluta ákveðnum aðilum, veiðiheimildir á ákveðnum tímapunkti i krafti þriggja ára veiðireynslu, heimildir sem sá sem veiddi mest þessi þrjú ár fékk síðan leyfi með síðari breytingum laga um fiskveiðistjórn, að versla með selja eða leigja frá sér HLAUT AÐ VERÐA FUNDIÐ SEM ALVARLEGT ATRIÐI og mismunun gangvart borgurum landsins.

Afleiðingin í ögn víðara samhengi er ekki síður alvarlegri þar sem heilu þorpin sem stundað höfðu sjávarútveg hér á landi voru verðlaus á einni nóttu, með öllum mögulegum afleiðingum þess hins sama og þjóðhagslegri verðmætasóun í kjölfarið, byggðaröskun og borgriki þar sem ekki hefur hafst undan að manna samfélagsþjónustu né samgöngur á litlum skila lands við borgarsamfélag kring um höfuðborgarsvæðið.

Fiskveiðistjórnunarkerfi hið endurskoðunarlausa til tuttugu ára er ónýtt.

kv.gmaria.

 

 

Íslensk stjórnvöld breyti fiskveiðistjórnunarkerfinu

Athugasemdir

[Óskar Helgi Helgason (IP-tala skráð) 11.1.2008 kl. 01:57]

Heil og sæl, Guðrún María og gleðilegt ár !

Mæl kvenna heilust, sem oftar er raunin. Hryggilegt er; hversu komið er, hinum Frjálslynda flokki, að vera orðinn attaníossi andskotans stjórnarflokkanna, í þingskapa málinu ! Kannski fleirrum ?

Veit; að þú ert drengur góður, Guðrún María, og hefðir aldrei látið samvizku þína fala, í þágu Haarde klíkunnar, ættir þú sæti, á Alþingi.

Mbk., sem ætíð, ágæta spjallvinkona / Óskar Helgi Helgason   

[Guðrún María Óskarsdóttir., 11.1.2008 kl. 02:13]

Gleðilegt ár Óskar Helgi.

Ég held við munum öll lifa af þingskaparmálið , trúðu mér.

Samviska mín og sannfæring er ekki föl, svo mikið er víst.

kv,gmaria.

[Óskar Helgi Helgason (IP-tala skráð) 11.1.2008 kl. 02:32]

Heil og sæl, æfinlega Guðrún María !

Óvíst er; hversu lengi ég lifi, sökum gremju minnar, þingskapa ónáttúru ómaganna gjörning. Við vitum bæði, Guðrún mín, hversu margvísleg, sem torræð mál, þarf að ræða í þaula, áður lengra ganga fram. Mun aldrei; fyrirgefa frænda mínum, Sturlu Böðvarssyni það illa ráð, að vera í vélum nokkrum, með þeim hrakmennum, hver uppástóðu þennann fjanda. 

Gremja mín er viðlíka, sem þeirra Hrafnistu manna, frænda minna, þá þeim var ögrað, að nokkru, af smámennum ýmsum, þeirrar tíðar.

Mbk., sem ætíð / Óskar Helgi Helgason    

[Sigurjón Þórðarson, 11.1.2008 kl. 10:46]

Voru þetta mistök eða ætlan stjórnvalda?  Ég er nokkuð viss um að ýmsir stjórnmálaleiðtogar hafi talað tungum tveim og í raun ætlað sér að skara eld að sinni köku.

[Jóhann Elíasson, 11.1.2008 kl. 12:22]

Sjávarútvegsráðherra er svo "hrokafullur" að hann telur Íslensk stjórnvöld algjörlega óbundin af þessari niðurstöðu.  Jafnvel þótt sé búið að staðfesta mannréttindasáttmála Sameinuðu þjóðanna og bæta mannréttindakaflanum inn í stjórnarskrána, þá er hrokinn og siðblindan svo mikil hjá Sjávarútvegsráðherra, að hann telur sig ekki þurfa að fara að dómsniðurstöðu mannréttinda.  Á hvaða leið er þetta þjóðfélag eiginlega?

[Halla Rut , 11.1.2008 kl. 18:02]

Segi það sama og Jóhann.

[Ester Sveinbjarnardóttir, 11.1.2008 kl. 19:29]

Hrun atvinnu á landsbyggðinni vitnar um alvarleika brotsins, svo mikið er víst.

[Georg Eiður Arnarson, 11.1.2008 kl. 22:55]

Það verður forvitnilegt að fylgjast með framvindu þessa máls. kv.

[Sigurgeir Jónsson, 12.1.2008 kl. 00:28]

Þá liggur það fyrir hjá mannréttindanefnd Sameinuðu Þjóðanna að íslenskir útgrðarmenn,sjómenn eiga rétt á skaðabótum ef þeir eru sviptir veiðirétti.Þetta er reyndar ekki bindandi úrskurður.Mannréttinda dómstóll Evrópuráðsinsí Strassburg hefur hinsvegar hafnað slíkum kröfum.Dómar Mannréttindadóstólsins í Strassburg eru hinsvegar bindandi fyrir aðildarríkin að ráðinu og eiga þau á hættu að verða rekin úr ráðinu ef þau hlýta ekki dómum.Ísland ætti á hættu brottrekstur af evrópska efnahagssvæðinu ef það fer ekki eftir dómum Mannréttindadómstólsins.