Konur og karlar í pólítík, ólík aðferðafræði ?

Hef verið  og er með ákveðið rannsóknarefni í bakhöndinni, prívat og persónulega, af minni litlu þáttöku í pólítík sem og skoðun á framgöngu kvenna á stjórnmálasviðinu, þáttöku þeirra í stjórnun og setu við kjötkatlana gegnum árin sem og þjóðmálaþáttöku. Það eru margar konur sem standa jafnfætis karlmönnum á stjórnmálasviðinu sem hafa tileinkað sér sömu gömlu aðferðafræðina og tíðkast hefur lengi. Þær eru hins vegar allt of fáar sem ryðja brautina fyrir nýja aðferðafræði því miður sem ég tel að varði ekki hvað síst það atriði að konur láti sig varða mál öll, ekki bara sum eins venja hefur verið til þar sem konur eru meira og minna þáttakendur í nefndum og ráðum um uppeldis, mennta, heilbrigðis og öldrunarmál, ásamt félagsmálasviðinu í heild í stað þess að víkka sjóndeildarhringinn og vera virkir þáttakendur í umræðu um atvinnuvegina, efnahagsmálin, réttarfar skattkerfi og stjórnsýslu til dæmis. Konur eiga nefnilega ekki að setjast bak við eldavélina í stjórnmálum þótt ágætt sé að vera þar heima fyrir.

kv.gmaria.

Athugasemdir

[Jens Guð, 23.9.2007 kl. 02:34]

  Þetta er áhugavert umræðuefni.  Ég tel mig vera feminista og hef oft undrast tilhneigingu kynbræðra minna í þá átt að vinna gegn jafnrétti kynja.  Sem unglingur vann ég í skautsmiðju álversins í Straumsvík.  Þegar þangað var ráðin kona í vinnu þá fóru karlarnir í verkfall í mótmælaskini.   Þá var ég að vísu kominn í nám í MHÍ og vann ekki lengur í álverinu.  Þegar að ég hitti karlana og lýsti yfir undrun minni á verkafallinu voru svörin eitthvað á þessa leið:  "Konur gera ekki sömu launakröfur.  Laun okkar munu lækka ef að konur koma inn í stéttina."  Eða:  "Starfið krefst líkamlegs styrkleika sem að konur hafa ekki.   Ef að konur fara að vinna með okkur þá lenda erfiðu störfin á okur."

  Hvoru tveggja rökin voru bara bull.  Og stóðust ekki seinni tíma reynslu.

[Guðrún María Óskarsdóttir., 23.9.2007 kl. 02:37]

Já Jens, mikið vatn hefur runnið til sjávar ekki hvað síst einmitt í Álverinu í Straumsvík í þessu efni þekki það atriði svolítið.

kv.gmaria.