Framstæði Sjálfssóknarflokkurinn er hver ?

Kynni svo að vera að þetta nafn gæti verið samheiti fyrir núverandi ríkisstjórnarflokka ? Ég tel svo vera því hvorki Framsóknarflokkurinn né Sjálfstæðisflokkurinn hefur áorkað svo sem einu skrefi fram á við, varðandi það atriði að breyta um áherslur í kvótakerfi sjávarútvegs sem einungis þjónar örfáum núverandi handhöfum aflaheimilda á Íslandsmiðum, en illa eða ekki þjóðarhagsmunum í heild, með tilliti til byggðastefnu, árangurs aðferðafræðinnar, nýliðunar í atvinnugrein þessa, offjárfestinga og skuldasöfnunar með ósýnileg skammtímamarkmið að leiðarljósi. Skammtímamarkmið þar sem skortur á endurskoðun aðferða hamlar verulega framþróun hvers konar. Hvorugur flokkurinn vill kannast við að útgerðarmenn tali um aflaheimildir sem sýna eign og málamyndatilstandið við ákvæði í stjórnaskrá því algjör sýndamennska eins og ég ræddi hérna einhvern tímann áður. Hvorugur flokkurinn vill hins vegar enn sem komið er viðurkenna mistök þau sem lögleiðing framsals og leigu aflaheimilda hefur orsakað hér á landi í ótal birtingamyndum, og því báðir staðnaðir í eigin hugmyndafræði " meintrar hagkvæmni ".

kv.gmaria.

Athugasemdir

[Auðun Gíslason, 25.3.2007 kl. 01:41]

Stóð einhverntíma  til að breyta kerfinu? Það þjónar vel þeim sem það á þjóna, þ.e. skv. hugmyndum Framsóknar og Íhalds.

[Guðrún María Óskarsdóttir., 25.3.2007 kl. 01:56]

Sæll Auðunn.

Nei að öllum líkindum ekki.

kv.gmaria.

[Ásthildur Cesil Þórðardóttir, 25.3.2007 kl. 13:30]

Það verður engu breytt nema við skiptum um ríkissstjórn í vor. 

[Agný, 25.3.2007 kl. 14:33]

Ég held að það ætti að þrífa sætin á Alþingi áður en kosið er... Hætta er á að gamla skíta fýlan loði enn við sætin frá síðustu stjórn, þó að það yrði kosin ný stjórn í vor.Þeir sem tækju sæti þarna ættu á hættu að "smitast" af þessari fýlu...og verða ansi samdauna fyrirverum sínum

[Guðrún María Óskarsdóttir., 26.3.2007 kl. 00:31]

Já þið segið nokkuð.

Já takk fyrir síðast Hanna Birna.

kv.gmaria.