Lýðskrum fram og til baka litar endurskoðun stjórnarskrár.

Það hentar núverandi stjórnvöldum ágætlega að reyna að slá sig til riddara með þvi að setja fram skoðanakönnun um hráunnar tillögur stjórnlagaráðsins sem sömu yfirvöld skipuðu og gengu þar með gegn Hæstarétti er dæmdi kosningu þessa ólöglega.

Skipun ráðsins var eins og skipun hverrar annarar pólítiskrar nefndar í raun sem fulltrúa sitjandi valdhafa.

Í kjölfarið gerist það síðan að nokkrir fulltrúar úr þessu skipaða ráði stjórnvalda telja sig þurfa að standa fyrir trúboði um að eigin tillögur séu fullkomnar fyrir land og þjóð til lausnar ÖLLUM vanda, alltaf alls staðar, likt og engin stjórnarskrá hafi verið til fyrr en viðkomandi settust í ráð þetta að skipun stjórnvalda.

Stór hluti predikara sem hefur látið að sér kveða í trúboði þessu eru karlar sem vilja ganga inn í Evrópusambandið, en svo vill til að í tillögum þessum er að finna í fyrsta skipti í lýðveldissögunni hugmyndir um að .... heimila framsal ríkisvalds í stjórnarskrá landsins.

111. gr. Framsal ríkisvalds

Heimilt er að gera þjóðréttarsamninga sem fela í sér framsal ríkisvalds til alþjóðlegra stofnana sem Ísland á aðild að í þágu friðar og efnahagssamvinnu.

Það skyldi þó aldrei vera að þar liggi hundurinn grafinn og hamagangurinn og tilstandið allt miðist einmitt við það að koma í gegn breytingum, sem heimila framsal ríkisvalds með moðsuðu af alls konar lýðræðisbrjóstsykri meðferðis sem tekist hefur að fá alla fulltrúa á launum hins opinbera í þessu skipaða ráði til þess að samsinna um.

kv.Guðrún María.

Skiptar skoðanir innan stjórnlagaráðs um frumvarp

Athugasemdir

[Jóhann (IP-tala skráð) 21.10.2012 kl. 03:37]

"Það skyldi þó aldrei vera að þar liggi hundurinn grafinn og hamagangurinn og tilstandið allt miðist einmitt við það að koma í gegn breytingum, sem heimila framsal ríkisvalds með moðsuðu af alls konar lýðræðisbrjóstsykri meðferðis sem tekist hefur að fá alla fulltrúa á launum hins opinbera í þessu skipaða ráði til þess að samsinna um."

Þetta er gott dæmi um lýðskrum; höfðar til ótta fólks og tilfinninga þess. Allt bloggið þitt er svona, bara eitt stórt lýðskrum. Áróður ofan á áróður.

Þú ert lýðskrumari.

[Guðrún María Óskarsdóttir., 21.10.2012 kl. 22:57]

Þökk fyrir innlitið,

skoðun þin þess efnis að ég sér lýðskrumari, sem þér er sannarlega frjálst að hafa, breytir ekki skoðun minni hér að ofan.

kv.Guðrún María.