ALDREI skyldu menn láta sér detta í hug að tengja ofbeldisverknað við þjóðfélagsástand.

Ég verð að játa það að ég hefi verið orðlaus yfir því að lita augum yfirlýsingar þess efnis að ofbeldisverknaður komi ekki á óvart.

ALDREI, aldrei nokkurn tímann getum við ellegar við skyldum reyna að gera minnstu tilraun til þess að útskýra ofbeldi hvers eðlis sem er, við þjóðfélagsástand.

ALDREI.

Að menn skuli láta sér detta í hug að ræða um þann alvarlega atburð/glæp sem varð í gær í tengslum við fjármuni er hreint út sagt fáránlegt og ég lít svo á menn skorti siðvit sem slíkt viðhafa.

Að sitjandi þingmaður á Alþingi Íslendinga eða aðrir sem hafa tekið að sér að tala máli hópa, láti sér detta í hug að tengja slíkt þjóðfélagsástandi, bókstaflega brýtur á réttlætisvitund minni.

Hafi þeir skömm fyrir.

kv.Guðrún María.

Árásin kemur Þór ekki á óvart

Athugasemdir

[Sigurður Heiðar Elíasson, 7.3.2012 kl. 02:06]

Hvergi sé ég hann réttlæta þennan voðaverknað í ummælum sínum.

Hann sagði einnig, "Voðaverk ber að fordæma og afsakanir gerenda með vísan til aðstæðna eru heldur ekki gildar, á þeim voðaverkum bera gerendur sjálfir einir alla ábyrgð."

Mér sýnist þú nú bara hafa lesið greinina að hálfu.

[Ásgrímur Hartmannsson, 7.3.2012 kl. 07:47]

Ég verð að taka undir með síðasta ræðumanni.  Og annað: þjóðfélagsástand er alltaf vel tengt ofbeldisverkum.  Það er vel þekkt og documentað.

[Stefán Óli Sæbjörnsson, 8.3.2012 kl. 01:56]

Má fólk ekki gagnrýna það sem Þór fjallar um í meginatriðum.Þetta var klaufalegt hjá honum og hann gat alveg vandað sig betur við að koma sínum skoðunum á leiksvið bloggheimsins.

Virðing !!