Minnka græn svæði til þess að þurfa ekki að slá...... ?

Ég á varla orð yfir þessari frétt, þvílík hugmyndafræði eða hitt þó heldur að minnka græn svæði til þess, að sagt er að minnka magn frjókorna og að öllum líkindum til þess að draga úr slætti.

Mér best vitanlega er " gras " sjálfbært og þakka má fyrir að hafa gróin svæði eftir inn á milli steinkumbalda allra handa með samtengingu með malbiki.

Hugmyndir þessar eru í raun eins óvistvænar og mögulega má vera, hvort sem mönnum likar betur eða ver.

kv.Guðrún María.

Vilja minnka tún í borginni

Athugasemdir

[Árni Davíðsson, 21.7.2011 kl. 10:21]

Ég held það sé ekki spurningin um að minnka græn svæði heldur að breyta gróðurfari á grænum svæðum.

Túnin eru ekki sjálfbær eins og þau eru rekin í dag. Það þarf að slá þau 3-5 sinnum yfir sumarið. Það kostar peninga og vinnu sem við gætum eytt í eitthvað skynsamlegra. Í staðinn væri t.d. hægt að:

• Láta náttúruna hafa sinn gang.
• Rækta skjólskóga.
• Endurheimta mýrarnar með því að fylla í skurði.
• Rækta runna eða sjálfbærarari gróður, sem þarf ekki að slá.
• Breyta í garðlönd fyrir almenning.