Hvers vegna í ósköpunum er Ísland enn með umsókn um aðild að Evrópusambandinu ?

Getur það verið að stefnuskrá Samfylkingar eins flokka í íslenskum stjórnmálum þess efnis að ganga í Evrópusambandið eigi að vera það sem ofar er mannlegri skynsemi, einungis vegna þess að sá flokkur situr við stjórnvöl í ríkisstjórn landsins núna ?

Höfum við Íslendingar ekki nóg með eigin vanda að etja í efnahagskerfi einnar þjóðar þótt við setjum ekki fram óskir um það að taka þátt í vanda þeim sem til staðar er innan Evrópusambandsins og við eigum ekki þátt í hafa skapað ?

Hve lengi ætla menn að berja hausnum við steininn í þessu efni ?

kv.Guðrún María.

Löng leið að bata á evru-svæðinu

Hin frjóa hugsun og mikilvægi hennar.

Við höfum mikla þörf fyrir það mannfólkið að frjó hugsun fái að vaxa og dafna en hvernig gerist það ?

Gerist það með því að fylgjast nógu mikið með fjölmiðlum segja fréttir um það sem hefur nú þegar gerst ?

Ég efa það og því miður er skortur á frumkvæði fjölmiðlamanna þess efnis að velta upp því sem gæti gerst ef þetta eða hitt væri svona eða hinsegin og ástæðan er ef til vill sú að þeir hinir sömu fá ekki tíma eða rými fyrir slíkt í nútima fjölmiðlun.

Vissulega finnast hér undantekningar sem ber að fagna, en hinn mikli skortur þess efnis að nútíma tækni í boðskiptum sé notuð til þess að örva frjóa hugsun og ímyndunaraflið er enn fyrir hendi.

Magn afþreyingaefnis er gífurlegt í fjölmiðlum, en fréttaskýringaþættir fáir.

Meðan ljósvakamiðlar hafa litinn sem engan áhuga á þvi að senda út stjórnmálaumræður á sínum vegum er þess ekki að vænta að áhugi landsmanna á stjórnmálum aukist almennt, né heldur að hugmyndir flokka í stjórnmálum sjáist nema rétt fyrir kosningar hverju sinni.

Hér má aðeins endurmeta aðferðafræðina að mínu viti.

kv.Guðrún María.

Ofjarl karlmanna í eigin flokki ?

Það kæmi mér ekki mikið á óvart að Hanna Birna Kristjánsdóttir yrði fyrsta konan til þess að gegna forystu fyrir Sjálfstæðisflokkinn, þar sem hún hefur nú gefið kost á sér til þess hins sama.

Það er fínt fyrir Sjálfstæðismenn að hafa val í þessu efni og spennandi verður að fylgjast með því hver niðurstaðan verður.

kv.Guðrún María.

Hanna Birna býður sig fram

Stjórnmálamenn eru kosnir til að nota eigið hyggjuvit í stað þess að ráða sérfræðinga fyrir ríkið.

Að vissu leyti hafa stjórnmálamenn skýlt sér um of bak við alls konar sérfræðinga í stað þess að nota sitt eigið hyggjuvit sem og upplýsingaöflun, til þess að mynda sér skoðun á málum og standa við hana og fylgja eftir.

Endalaust má auðvitað ráða sérfræðinga til þess að gefa álit á öðrum " sérfræðingum " en hvar endar það ?

Þessi þingsályktunartillaga er því að mínu viti út í hött, verkefni þeirra sem kosnir eru til valda er það að mynda sér sjálfir skoðun á mati matsfyrirtækja.

kv.Guðrún María.

„Óraunhæft mat er dýrkeypt“

Á hvaða pláhnetu er þingmaðurinn staddur ?

Of mikil skattaka er hvati til undanskota frá sköttum svo fremi þess finnist glufur og viðkomandi stjórnvöld séu ekki þess umkomin að stöðva slíka starfssemi, það gildir á öllum tímum.

Sá hinn sami hvati á EKKI að vera fyrir hendi af hálfu löggjafans í landinu, ALDREI.

Núverandi stjórnvöld eiga örugglega Íslandsmet í skatta og gjaldtöku á landsmenn í kreppuástandi í einu samfélagi, eftir efnahagslegt hrun.

Ríkisstjórnin valdi þessa leið að hækka og hækka skatta úr öllu hófi, skatta sem illa eða ekki skila sér í hagkerfið vegna þess að hvorki fyrirtæki né einstaklingar eru þess umkomin að takast á við hinar auknu álögur í þessu árferði.

Sem veldur því aftur að hjól eins hagkerfis hægja á sér þar sem ríkisstjórnin smyr annað hvert tannhjól í stað beggja og lítið þarf til að hrein og bein stöðnun komi til sögu.

Tímabundinn lækkun skatta ellegar almenn skuldaniðurfærsla, voru færar leiðir í þessu ástandi, leiðir sem þessi stjórnvöld eygðu ekki.

kv.Guðrún María.

Háir skattar skýra ekki skattsvik

Það kemur ekkert á óvart í þessu sambandi.

Þegar svo er komið að skattaálögur letja launamenn til vinnu, vegna þess að skattaka hefst af allt of lágum upphæðum, þá er hvatinn til svartar atvinnu fyrir hendi, flóknara er það ekki.

Sama máli gildir um fyrirtæki og tryggingagjald per starfsmann sem innheimt er af hinu opinbera.

Slæmt var ástandið í láglaunapólítik góðærisins, í þessu efni en eftir allar viðbótaskatta þá sem núverandi ríkisstjórn hefur fundið, þá getur ekki annað verið en ástandið hafi versnað til muna.

Þetta er hins vegar ömurleg þróun sem nagar skóinn af einu samfélagi hægt og sígandi ekki hvað síst gagnvart þeim sem aldrei hafa tekið þátt í slíku.

Verkalýðshreyfing þess lands sem og Samtök atvinnulífsins bera hins vegar nokkra ábyrgð hvað varðar það að gera samninga um laun sem eru fjarri raunveruleika eftir greiðslu skatta.

Stjórnmálamenn við stjórnvölinn sem leggja á skatt á skatt ofan skyldu hafa í huga hverju slíkt skilar i raun í ríkiskassann.

kv.Guðrún María.

Magn svartrar vinnu kemur á óvart

Þetta er tilkynning úr íslenska forsætisráðuneytinu.

Einhvers staðar hlýtur að vera hægt að finna danska stjórnarsáttmálann, þannig að hægt sé að skoða það orðaval sem tilkynning þessi byggir á, varðandi hinn virka stuðning og sérstöku áréttun, við Esb aðildarumsóknina.

Verkefni rannsóknarblaðamennskunnar.

kv.Guðrún María.

Styðja aðildarferli með virkum hætti

Stórfurðuleg ákvörðun.

Reykjanesbrautin er þyngsta umferðaræð landsins, nær allan sólarhringinn vegna aðkomu að flugvelli til og frá landinu.

Dimmustu mánuðir ársins hér sunnanlands eru oft nóvember og desember en oft hefur ástand skánað eftir áramót ef snjóföl er yfir, því þá er birtumagn ögn meira.

Daginn tekur að lengja í janúar og hefði nú ekki verið nær að halda birtunni fram yfir áramót og slökkva þá alveg einhvern tíma fram á vorið.

Ég tel svo vera.

kv.Guðrún María.

Dimmir yfir Reykjanesbraut

Eru þetta markaðsforsendur fiskveiða hér við land ?

Á einhver nefnd sjómanna og útvegsmanna að ákveða hvað þeir hinir sömu selja sjalfum sér fiskinn upp úr sjó ? þ.e til eigin vinnslu ....

Stórundarlegt vægast sagt, og mér er enn óskiljanlegt hvers vegna það er ekki hægt að skylda alla aðila er veiða fisk úr sjó að landa öllum afla á fiskmarkaði er metur gæði sem verð í samhengi við það hið sama.

kv.Guðrún María.

Ufsi hækkar um 10% í verði

Mannréttindi sjúklinga og aðstandenda þeirra á Íslandi fyrr og nú.

Ég vil þakka Helga Seljan fyrir góða umfjöllun Kastljóss í kvöld um málefni er varða mannréttindi sjúklinga hér á landi fyrr og nú.

Raunin er sú að í skjóli fordóma gagnvart geðsjúkdómum hefur meðferð við þeim hinum sömu sjúkdómum ekki þróast sem skyldi hér á landi ef til vill of lengi, og einnig í skjóli sömu fordóma hafa meðferðaraðilar hugsanlega haft of mikil völd í hendi sér gagnvart einstaklingum um meðferð eða ekki meðferð, eftir því hvort viðkomandi væri " erfiður sjúklingur " eða ekki.

Jafnframt kom fram í þættinum að hið " faglega álit " þess efnis að viðkomandi væri veikur breyttist, sem aftur er afskaplega athyglisvert rannsóknarefni, rannsóknarefni sem væri mjög þarft að lyfta lokinu alveg af í voru samfélagi.

Sigursteinn Másson varpaði sýn á hlutina eins og þeir eru og hafi hann þakkir fyrir það.

Þakkir til Kastljóss fyrir góða umfjöllun.

kv.Guðrún María.