Lífsreyndur maður þekkir rétt manna til þess að tjá sig í fjölmiðlum.

Mér hefur alltaf þótt vænt um Jón Baldvin og fjölskyldu hans og þykir enn og held að þar fari ágætis fólk.

Hins vegar er það svo að jafnvel ágætis fólki getur orðið á og ef það hið sama kemur fram sem tjáning þess sem þar telur á sér hafa verið brotið, þá er réttur viðkomandi til þess að tjá sig fullkominn og enginn tilgangur að reyna að skjóta á sendiboðann í þvi efni líkt og mér sýnist hér vera framsett.

Óska öllum hlutaðeigandi kærleiks og friðar.

kv.Guðrún María.

Braut allar helstu grundvallarreglur

Fjármunavarsla lífeyrissjóða launamanna skal og skyldi vera óháð pólítikusum og atvinnurekendum.

Pólítískt kjörnir fulltrúar í sveitarstjórnum, hvort sem um er að ræða hér í Hafnarfirði eða annars staðar eiga ekki að koma nálægt fjárfestingum í lífeyrissjóðum launamanna, algjörlega burtséð frá þvi hvaða flokkur á í hlut.

Sama máli gildir um atvinnurekendur almennt, þeir hinir sömu sitja hinum megin borðs í kjarasamningum og eiga ekki undir neinum formerkjum að hafa nokkuð um fjármuni launamanna sinna að segja.

Fjármunavarsla þessi er innheimt með lagaboði og ábyrgð þeirra er hafa slíkt með höndum skyldi í samræmi við það hið sama.

Því miður skortir all mikla samræmingu á þessu sviði hér á landi þar sem alls konar sérsjóðir hafa verið settir á fót, með að virðist lítilli heildaryfirsýn.

Það tók mig til dæmis nokkur símtöl við leit að réttindum mínum þar sem ég var fyrst upplýst um réttindi í Eftirlaunasjóð þessum en síðar kom í ljós að akkúrat er ég hóf störf hafði verið breytt um og mínar greiðslur fóru til Lífeyrissjóðs starfsmanna sveitarfélaga.

Þangað beindi ég erindi minu sem tekur þrjá mánuði sagt og skrifað þrjá mánuði að afgreiða.....

kv.Guðrún María.

„Útúrsnúningar og afneitun“

Stórfurðulegt mál.

Því miður er það eitthvað sem ekki kemur heim og saman varðandi upplýsingar þær sem formaður stjórnar Fjármálaeftirlits virðist hafa fram að færa í þessu sambandi og hafa með uppsögn forstjórans úr starfi að gera.

Hafi verið í lagi með viðkomandi forstjóra er hann var ráðinn til starfa að mati stjórnar þeirrar sem þá sat, hlýtur núverandi stjórn að hafa tekið mark á því hinu sama og það atriði að umfjöllun fjölmiðla hafi átt þátt í einhverju þar um er afar undarlegt.

Varla verður þessi aðferðafræði ókeypis fyrir okkur skattborgara þessa lands.

kv.Guðrún María.

Ekki hægt að áminna Gunnar

Hversu sjálfbært samfélag viljum við byggja ?

Hin gegndarlausa neysluhyggja er eitthvað sem sannarlega er þörf að velta fyrir sér í samhengi við sjálfbærni eins samfélags.

Hvers vegna erum við með mikið magn af ræktuðu landi sem liggur ónýtt til landbúnaðarframleiðslu ? Gætum við ekki reynt að leyfa framleiðslu sem lýtur að þörfum smærri eininga, öllum til hagsbóta ?

Hvers vegna erum við með heimsins bestu fiskimið allt í kring um okkar land án þess að sjómenn hafi frelsi til handfæraveiða sér til sjálfsbjargar sem og tekjuaukningar fyrir smærri samfélög sjávarbyggða ?

Getur verið að umhverfisverndarmenn hafi ekki séð skóginn fyrir trjánum varðandi nöldur um vatnsaflsvirkjanir hér á landi, þar sem breytt skipan mála í gömlu atvinnuvegunum gæti hugsanlega skilað þjóðinni tugum prósenta meiri sjálfbærni en það atriði að fresta vatnsaflsvirkjunum eða minnka umfang þess hins sama ?

Nýliðun og fjölbreytni við atvinnusköpun sem og ný tækifæri þar sem umgengni manna við landið er í samræmi við virðingu við móður náttáru er eitthvað sem framtíðin ber í skauti sér að mínu viti.

Lífrænn landbúnaður og fiskveiðar án botnveiðarfæra eru framtíðarsöluvara á heimsmarkaði matvæla.

kv.Guðrún María.

Sitjandi ríkisstjórnarflokkar munu dregnir til ábyrgðar á sóun fjármuna við Esb, ferli.

Meðan flestir fjölmiðlar velta sér upp úr vitnaleiðslum í Landsdómi um hvort þessi sagði þetta eða hitt, hefur engin fyrir þvi að spyrja sitjandi stjórnvöld um það HVORT aðlögun að Evrópusambandinu sé í gangi, án þess að þjóðin hafi verið spurð um vilja til aðildar eða ekki.

Er það sjálfsagt að Evrópusambandið
hendi peningum út í bláinn í þessu sambandi, ellegar eðlilegt að stofnanir hins opinbera taki til við " aðlögun " að einhverju sem ekki er þegar til staðar sem ákvörðun um meirihlutavilja þjóðarinnar ?

kv.Guðrún María.

Mótmæla aðlögun að ESB fyrir þjóðaratkvæði

Trúin á Evrópusambandið er "öfgamarkaðshyggja".

Það er vissulega með ólíkindum að flokkur eins og Samfylkingin sem hefur einn flokka á stefnuskrá að ganga í Evrópusambandið, skuli hafa náð því að koma umsóknarferli á dagskrá gegnum þingið í andstöðu við meirihluta þjóðarinnar.

Hrossakaupin við stjórnarsáttmálann í þessu efni eru og verða hneisa fyrir báða stjórnarflokkana er fram líða tímar.

Stórmarkaðshyggja sú er ræður för varðandi vilja til inngöngu í Evrópusambandið er að mínu viti " öfgahyggja " á þann veg að menn átta sig ekki á þvi að flest allar stærðarhagkvæmnisformúlur hafa stórlega umbreyst, þar sem vandi þjóða bandalagsins og bandalagið sjálft og tilvist þess er í kreppu þar að lútandi sem ekki sér fyrir endann á.

Samfylkingin er með Evrópusambandsaðild á stefnuskrá sinni og stefnuskrá Samfylkingarinnar virðist mikilvægari en hvers konar endurmat á stöðu mála í þessu sambandi til handa landi og þjóð.

kv.Guðrún María.

„Sértrúarsöfnuður en ekki stjórnmálaflokkur“

Alþingi Íslendinga, frestar fundi þingnefndar út af Facebookfærslu.

Að þingnefnd skuli fresta fundi út af færslu þingmanns á fésbókinni er fáheyrt fyrirbæri og óhjákvæmilega kemur æði margt upp í hugann varðandi það atriði hvort þingið hafi ef til vill ekki áttað sig á upplýsingasamfélaginu þar sem þingmenn sem aðrir geta látið sína skoðun í ljósi, þar á bæ sem annars staðar.

Því miður ber þetta mál með sér keim af því að stjórnvöld vilja salta óþægileg tíðindi til þess að geta matreidd þau krydduð að hentugleikum við opinberun.

kv.Guðrún María.

Þingmenn þrefa um Facebook

Hvar var hið íslenska Fjármálaeftirlit ?

Hafi einhver ein stofnun brugðist í aðdraganda þessa hruns þá hlýtur sú hin sama stofnun að heita Fjármálaeftirlit.

Viðkomandi aðilar höfðu með höndum eftirlit í þessu efni og áttu að hafa yfirsýn yfir starfssemi fjármálafyrirtækja hér á landi  og útrás þeirra hinna sömu sem og stærð, umfang og áhættu.

 

kv.Guðrún María.

 

Lögðust gegn flutningi Icesave

Hvað kosta þessir fjórir dagar ríkissjóð ?

Væntanlega hefur þurft að greiða fulltrúum stjórnlagaráðs laun fyrir fjóra daga í viðbót við fyrri störf, en nú við það að svara spurningum frá þingnefnd um niðurstöðuna án þess þó að sú hin sama niðurstaða sé eitthvað öðruvísi, samkvæmt fréttinni.

Var þetta kanski launalaus vinna ?

kv.Guðrún María.

Störfum stjórnlagaráðs lokið

Tilgangslaust fyrir Þórólf eða aðra sem hyggjast bjóða sig fram gegn sitjandi forseta.

Núverandi forseti lýðveldisins gefur kost á sér áfram og hann hefur sýnt það og sannað að hann hefur virkjað Bessastaði, þess efnis að færa vald til fólksins í þjóðaratkvæðagreiðslum um deilumál á tímum þar sem nauðsyn þess var afskaplega mikilvæg eins og í Icesavemálinu.

Hann nýtur því meirihlutafylgis þjóðarinnar og ég tel að enginn komist með tærnar þar sem hann hefur hælana í því efni.

kv.Guðrún María.

Fyrrverandi borgarstjóri íhugar forsetaframboð