Frelsi til handfæraveiða þarf að vera hluti af fiskveiðistjórn á Íslandi.

Frelsi er ekkert frelsi nema þess finnist mörk, því innan marka frelsisins fá menn notið þess. Það gildir um fiskveiðistjórn sem annað.

Ég er ekki sammála Skúla varðandi það atriði að stærri leigupottar séu forsenda nýliðunnar í greininni, einfaldlega vegna þess að ég tel að ákveðinn hluti af veiðiheimildum hér við land eigi að vera frelsi til veiða með gjaldi fyrir tól og tæki og gjaldtaka af VEIDDUM afla sem landað hefur verið á markað.

Ég tel að einungis þeir sem fyrir eru í greinninni hafi möguleika á því að ganga í leigupotta til að leigja kvóta aðrir ekki, þ,e, þeir sem hafa tól og tæki til staðar með til greiddum gjöldum af slíku.

Það er ekki stórkostlegur vandi að sníða frelsi til handfæraveiða stakk að þvi leyti að takmarka vélarstærð báta og hámark afla per bát , veður og vindar sjá síðan um aðrar takmarkanir á sóknagetu þess konar veiða með handfæri sem aldrei munu þurfa að vera ógn við lífríkið með handfærum.

Þetta er hins vegar spurning um frelsi sem til handa sjómönnum til þess að sækja ser lífsbjörg til sjós sem verið hefur hluti af landsins gæðum frá örófi alda og kann að skipta meginmáli við breytingar hvers konar á fiskveiðistjórnun hér við land, hvað sátt varðar.

kv.Guðrún María.

Pottarnir verði stækkaðir

Fiskveiðistjórnun fram að páskum.

Að öllum líkindum mun tími þingsins fram að páskum fara í umræðu um kvótafrumvarp stjórnarflokkanna og önnur mál víkja þá væntanlega sem er ágætt í sjálfu sér, segi ekki meir.

Það verður fróðlegt að sjá hvernig þetta frumvarp lítur út eftir breytingar allra handa frá upphaflegri smíð.

Kemur í ljós.

kv.Guðrún María.

Kvótafrumvarið fái hraðferð

Fullvalda þjóð er sjálfstæð þjóð.

Hversu mjög svo sem við Íslendingar munum þurfa að sníða okkur stakk eftir vexti í komandi framtíð, sem á árum áður þá er það ljóst að fullveldið er eitt það dýrmætasta sem við eigum sem þjóð meðal þjóða.

Að öllum líkindum er það einmitt íhaldssemin sem mun forða okkur frá því að ganga inn í þjóðabandalög og framselja tiltölulega nýfengið fullveldi okkar og það er vel.

kv.Guðrún María.

Íhaldssemi bjargaði Íslendingum

Hvers konar fagleg vinnubrögð vanvirt af stjórnvöldum landsins.

Ég hef enn ekki heyrt einn einasta lögspeking þessa lands mæla með tillögugerð þessari að breytingum á stjórnarskrá landsins, enda bera tillögur þessar því miður þess merki að, alls konar samsuða um orðaval til þess að ná sátt um að klára málið er gjörsamlega ómögulegt plagg sem forsenda lagagerðar í landinu.

Hví skyldi það vera ?

Jú fæstir af þeim er skipaðar voru til þessa ráðs, eftir að kosning hafði verði dæmd ólögleg sem sitjandi stjórnvöld ákváðu að hundsa, hafa nokkurn tímann tekið þátt í því að vinna lagasetningu á Alþingi Íslendinga.

Ef Alþingi hefði tekið málið til efnismeðferðar og sniðið af ágallana þá litið málið ef til vill ögn betur út en svo er allsendis ekki og ótrúlegt að vera vitni að slíku lýðskrumi sem á sér stað um sjálfa stjórnarskrá landsins, þar sem sannarlega er betur heima setið en af stað farið í slika vegferð.

Ráðsmenn sem skipaðir voru í ráð þetta eftir að Hæstiréttur dæmdi kosningu ólöglega hafa sumir litið á sig sem allt að því " bjargvætti " þjóðarinnar sem er í mínum huga hjákátlegt í ljósi tillögugerðarinnar og málsins alls, sem ekki verður annað en eitt stórt lýðskrum af hálfu sitjandi stjórnvalda í landinu.

kv.Guðrún María.

Kosið verði um tillögur Stjórnlagaráðs í sumar

Vilja stjórnmálamenn " samfélag í kassa " ?

Þetta er ágæt hugleiðing hjá Páli Ólafssyni varðandi það atriði hvers konar skipulag við höfum áskapað okkur hér á landi, þar sem til dæmis meint jöfnunarfyrirkomulag hvað varðar tekjutengingar hvers konar hefur fyrir löngu síðan ekið út í skurð í skipulaginu.

Hví skyldi það vera ?

Jú það eru upphæðirnar sem Alþingi tekur ákvörðun um að tekjutengja sem um tíma þegar skattleysismörk voru fryst varð til þess að stórir hópar á vinnumarkaði lentu sem skilgreindir undir fátæktarmörkum því ekki voru þau hækkuð, en krónutala var nær hin sama um það leyti.

Jafnframt kom einhvern tímann til sögu að skattlagning var sett á styrki hvers konar sem aftur þýddi það að tilgangur styrkja þessarra valt um sjálft sig í raun.

Samtenging almannatrygginga og skattkerfisins sem og félagslegra þátta er fyrir löngu síðan komin í sjálfheldu skipulagsins, þar sem verið er að færa krónur og aura fram og til baka innan kerfisins með tilheyrandi tilkostnaði við slíkt, sitt á hvað.

Það er því mjög þarft að velta fyrir sér skipulaginu sem og þeim áherslum sem það kann að endurspegla.

kv.Guðrún María.

Viljum ekki samfélag í kassa

Gjörsamlega algalið lýðskrum og vanvirðing við stjórnarskrá landsins.

Það er alveg hreint með ólikindum að menn skuli láta sér detta í hug að setja fram mál í svona búningi með slíkum vinnubrögðum og það eina sem vantar í þetta er það atriði að .. ef svarið við fyrstu spurningu er nei, þá getur þú sleppt að svara hinu.......

Spurningin um það hvort menn séu sammála tillögugerð stjórnlagaráðs, EFTIR
AÐ HÚN HAFI VERIÐ YFIRFARIN, er ótrúleg

...... hvernig yfirfarinn, hver veit hvernig sú yfirferð verður ??

Hvernig á einhver að geta svarað þeirri spurningu ?

Vonandi er að þingheimur vísi þessarri tillögu út af borðinu, og svona vinnubrögð heyri sögunni til.

kv.Guðrún María.

Þjóðaratkvæðagreiðsla fari fram

Neytendur eiga að fá að vita hversu mörg prósent hver leggur á hvaða vöru.

Það er nú ekki í fyrsta skiptið sem sem verðlækkanir skila sér illa hér á landi, enda aðhald lítið sem ekki neitt, eins og fyrri daginn.

Það ætti ekki að þurfa að vera ýkja flókið mál að rýna agnar ögn ofan í álagningu á algengum neysluvörum hér á landi, en það er eins og prósent álagningar séu heilög kú, sem enginn þorir að snerta eða hreyfa við.

Ef aðhaldið er ekki til staðar þá breytist litið.

kv.Guðrún María.

Lækkun á kaffi skilar sér illa

Fullvinnsla sjávarafurða á Íslandi, eykur atvinnu og hag þjóðarinnar.

Því ber að fagna að menn skuli vera með það verkefni til staðar að vinna að fullvinnslu sjávarafurða hér heima, því það skiptir eina þjóð miklu máli, hver verðmætasköpun er hvað varðar fullunna útflutningsvöru í stað hráefna til vinnslu annars staðar.

kv.Guðrún María.

Gróska í hliðargreinum í sjávarútvegi

Hvers vegna situr fulltrúi flokks sem ekki á sæti á Alþingi í Landsdómi ?

Getur það verið að það sé núverandi stjórnvöldum til hagsbóta að hafa ekki endurkosið Landsdóm eins og lög kveða á um ?

Er eitthvað eðlilegt við það að fyrrverandi framkvæmdastjóri Frjálslynda flokksins sitji í núverandi Landsdómi ?

Flokks sem missti brautargengi sitt á Alþingi í síðustu þingkosningum.

Eru þessi vinnubrögð eðlileg ?

kv.Guðrún María.

„Þetta var hálfsannleiksrannsókn“

Nýjir stjórnmálaflokkar á færibandi.

Það er nú aldeilis ágætt að hafa bjartsýni að leiðarljósi og tilbreyting ef menn taka til við það að hætta að velta sér upp úr " töpuðum milljörðum í hruninu " með illinda, erju og gremjustemmingunni sem forsendu stjórnmálabaráttunnar.

Já virkileg tilbreyting.

kv.Guðrún María.

Segjast hófsamir þjóðernissinnar