Aðkoma Evrópusambandsins er pólítisk og við slíku þurfa stjórnvöld að bregðast.

Það kemur í ljós hvort hér eru menn eða mýs við stjórnvölinn, varðandi þetta mál, en vitund Guðfríðar Lilju VG, er eitthvað sem fer saman við við mína vitund, hvað varðar það atriði að við pólítísku inngripi þarf að bregðast með sama móti, á sama grundvelli og sú hin sama skylda fellur í hlut sitjandi stjórnvalda í landinu.

Frestum aðildarviðræðna eru mild viðbrögð í ljósi þess að fólkið í landinu hafnaði því að taka ábyrgð á ónýtu regluverki Evrópusambandsins sem heimilaði starfssemi fjármálafyrirtækja um víðan völl allra handa án inngrips viðkomandi landa í þá hina sömu starfssemi samkvæmt formúlum þeim sem við lýði voru, sama hver átti í hlut.

Aðkoma framkvæmdastjórnar Esb í þetta dómsmál er stríðsyfirlýsing gegn Íslendingum og afskaplega heimskuleg pólítísk tilraun til þess að reyna að þvo hendur sínar af ónýtu skipulagi þessa ríkjasambands sem hefur þróast í átt til ráðstjórnartilburða sem þessara sem sannarlega þarf að stöðva á stundinni af okkar hálfu.

Það sjá allir sem vilja sjá.

kv.Guðrún María.

Segir skilaboð ESB vera kýrskýr

Hvar eru viðbrögðin Árni Þór Sigurðsson ?

Hér upplýsir formaður utanríkismálanefndar að honum hafi verið kunnugt um þessa ætlun framkvæmdastjórnar Evrópusambandsins, fyrir " nokkru síðan " varðandi aðkomu að málarekstri ESA, en hvar eru viðbrögðin og hefur þetta verið rætt í ríkisstjórn landsins ?

Hvað eru menn að hugsa ?

Viðbrögð sitandi stjórnvalda þurfa að koma eins og skot í þessu sambandi, og ákvarðanatöku verður ekki drepið á dreif með yfirlýsingu sem þessari frá formanni utanríkismálanefndar svo mikið er víst.

kv.Guðrún María.

„Ekkert sem kemur okkur á óvart“

Ísland stöðvi aðildarviðræður, nú þegar.

Nú mun það koma í ljós hvort það eru menn eða mýs við stjórnvölinn hvað íslensk utanríkismál varðar, þar sem hagsmunir landsins að bregðast við þeim tíðindum sem hér eru á ferð, eru miklir.

Stöðvun aðildarviðræðna eins og skot eru eðlileg viðbrögð sitjandi stjórnvalda í landinu, hvort sem mönnum líkar betur eða ver.

kv.Guðrún María.

Eðlilegt að gera hlé á viðræðum

Illindi ríkisstjórnarflokkanna gagnvart sitjandi forseta lýðveldisins.

Báðir ríkisstjórnarflokkarnir VG og Samfylking hafa enn ekki jafnað síg á því að forseti lýðveldisins skuli hafa vísað Icesavemálinu til þjóðarinnar og gripið þannig fram fyrir hendur fyrstu vinstri stjórnar í landinu.

Þvílíkt og annað eins niðurrif gagnvart embætti forseta hefur ekki áður sést hér á landi að mínu áliti og halda mætti að viðkomandi hafi ætlað sem svo að forsetinn sem kom úr röðum vinstri manna hafi átt að dansa eftir því sem vinstri stjórninni datt í hug, hversu mjög svo sem menn kynnu að hafa villst af leið, eins og ekkert væri....

Evrópumarkaðsdansáhugamannahópurinn hefur dansað með ríkisstjórnarflokkunum varðandi það atriði að tala niður forsetaembættið svo mest sem verða má og að sjá má styður nú nýja frambjóðendur til forseta líkt og líklegt sé að sitjandi forseti verði felldur.

Sami áhugahópur vildi samþykkja fyrstu Icesavesamningana, osfrv....

Evrópudansleikurinn er í boði eins íslensks stjórnmálaflokks Samfylkingarinnar í andstöðu við meirihluta íslensku þjóðarinnar sem ekki var spurð um hvort ætti að sækja um inngöngu áður en haldið var af stað í þá vegferð, það var öll lýðræðisást þess flokks í samstarfi við VG sem sveik sína kjósendur með samþykkt þeirrar vegferðar.

Stuðningur fylgismanna þessara flokka við frambjóðendur til forseta gegn sitjandi forseta mun verða ein enn afskræming á hinni " meintu lýðræðisást " og hlægilegur sjónleikur í alla staði.

kv.Guðrún María.

Núverandi forseti Ólafur Ragnar hefur virkjað Bessastaði.

Ég er sammála Ástþóri varðandi það atriði að auka ætti þjóðaratkvæðagreiðslur um mál öllum til hagsbóta, en núverandi forseti hefur sannarlega lagt hornstein að slíku lýðræði með tilvísun mála til almennings, ekki hvað síst varðandi Icesavemálið.

Hann hefur því virkjað Bessastaði, þvert á pólítísk sjónarmið hverju sinni, við beitingu 26. greinar stjórnarskrárinnar í því efni.

kv.Guðrún María.

Ástþór vill fleiri þjóðaratkvæðagreiðslur

Hver borgar ?

Getur það verið að stjórnmálaflokkarnir við stjórnvölinn leggi fé í framboð sem þetta eða önnur framboð ?

Fáum við að vita um einstök framlög til frambjóðenda eða verður því stungið undir stól, þangað til eftir kosningar ?

Hver ákveður hámarksframlag krónur 400 þúsund af einstökum aðilum ?

Frambjóðandi talar um flugmiða, eins og kaffi sem að manni sýnist því miður endurspegla nokkurn óraunveruleika frá því þjóðfélagsástandi sem all margir þekkja á eigin skinni í voru þjóðfélagi.

Kanski er kaffi og flugmiðar eðlilegt í vinnu hjá RÚV í boði skattgreiðenda en að slíkt sé sjálfsagt að öðru leyti er ég ekki viss um.

kv.Guðrún María.

Kosningasjóður Þóru stofnaður

Til hamingju Ísfirðingar.

Það hefur verið einstaklega ánægjulegt að fylgjast með þeirri eljusemi Vestfirðinga að halda rokkhátíð á Ísafirði um páskana.

Gott dæmi um hvað hægt er að gera ef viljinn er fyrir hendi og takk fyrir að fá að sjá útsendingu frá hátíðinni.

kv.Guðrún María.

Allir elska alla á Ísafirði

Gekk Makríllinn úr Evrópusambandinu ?

Það skyldi þó aldrei vera að Makríllinn aðstoðaði okkur Íslendinga í því atriði að forða okkur frá ótímabærri inngöngu í Evrópusambandið með því að flakka hingað norður !

Það væri vel.

kv.Guðrún María.

Gæti tafið ESB-viðræðurnar

Almennar aðgerðir til þess að taka á forsendubresti áttu að vera fyrsta verk stjórnvalda.

Núverandi ríkisstjórn gat ekki hlustað á Framsóknarflokkinn sem einn flokka lagði til almenna skuldaniðurfærslu en sú hin sama aðgerð hefði auðveldað afskaplega margt í framhaldinu, hvað varðar hvers konar ráðstafanir til þess að reisa landið úr rústum efnahagshruns.

Almenn aðgerð felur í sér það réttlæti að eitt skal yfir alla ganga meðan hvers konar sértækar aðgerðir koma ákveðnum hópum til bjargar hinum ekki.

Rétt eins og fyrri daginn hefur skattkerfið illa eða ekki verið notað og nýtt til þess að leiðrétta stöðu manna og sem aldrei fyrr einungis verið notað til þess að hækka alla mögulega gjaldtöku á allt sem hægt er að skattleggja sem aftur hefur áhrif á stöðu manna í þessu samfélagi okkar.

kv.Guðrún María.

Aðgerðir skiluðu litlu

Kemst ekki með tærnar þar sem Ólafur Ragnar hefur hælana, frekar en aðrir.

Mig skiptir engu hversu margir munu bjóða sig fram gegn Ólafi Ragnari Grímssyni, því ég styð hann til setu árfam inn í annað kjörtímabil.

Því fleiri frambjóðendur því meira munu nokkur prósent dreifast á hina ýmsu frambjóðendur sem aldrei munu komast með tærnar þar sem Ólafur Ragnar hefur hælana.

kv.Guðrún María.

Þóra ætlar í framboð