Evrópubandalagssinnar sundraðir í mörgum smáflokkum ?

Ekki virðast menn geta komið sér saman í einn flokk um það mál að ganga í Evrópusambandið hér á landi, heldur tvístrast fólk um þá hina sömu afstöðu á miðjunni til hægri og til vinstri að virðist.

Það er jú lýðræðið og ekkert um það að segja annað en veldur hver á heldur, en ég öfunda engan af því að standa í stofnun nýs stjórnmálaflokks, svo mikið er víst.

kv.Guðrún María. 

Jórunn segir skilið við Sjálfstæðisflokkinn

Gott starf í Hvítasunnukirkjunni á Selfossi.

Ég var svo heppin að frænka mín kynnti mig fyrir afskaplega góðu og mannbætandi starfi sem unnið er í Hvítasunnukirkunni á Selfossi, þegar ég fluttist þangað sem en þar er um að ræða Celebrite Recovery sjálfshjálparfundi þar sem hist er einu sinni í viku. 

Ég hef sótt þessa fundi mér til mikillar sáluhjálpar en umgjörð trúarinnar umvefur starfið með ólýsanlegum kærleika og friði.

Það er sannarlega hægt að segja að lífið allt erum við að vinna í því að gera okkur að betri manneskjum og ótal leiðir sem hvert okkar og eitt finnum til þess hins sama, en fyrir mig var þetta starf eins og vatn þyrstum manni sem virkilega þurfti á slíku að halda á þessum tímapunkti í mínu lífi, því samtímis var ég og er enn að reyna að byggja upp mína líkamlegu heilsu.

Líkami og sál eru systur og sökum þess skiptir það máli að reyna að vinna í því að byggja hvoru tveggja upp hið andlega og líkamlega svo fremi manni gefist kostur á því.

Ég er þakklát fyrir það að hafa verið þess aðnjótandi að fá að kynnast starfi þessu.

 

 

kv.Guðrún María. 

 

Um daginn og veginn.

Við Sunnlendingar fengum óvenjulega þurran febrúarmánuð, en svo hefur hið týpíska veðurfar hér um slóðir tekið við þar sem annað hvort rignir eða snjóar annan hvern klukkutíma sitt á hvað, ellegar við fáum rök með öskubyl, og þá á ég við eldfjallaösku sem nóg er af á svæðinu austanverðu og skilar sér út um allt í roki.

Síðastliðið sumar var vætusamt en fátt er svo með öllu illt segir máltækið og vætan síðasta sumar hjálpaði til við það að færa ösku ofan í jarðveginn og binda eitthvað af því magni sem jöklarnir tveir Eyjafjallajökull og Öræfajökull náðu að spúa úr sér.

Ég hef verið í minni sjúkraþjálfun eftir sem áður til þess að byggja mitt heilsutetur sem ekki hefur verið upp á marga fiska síðustu ár en það hið sama er vinna fyrir mig, þar sem vonin um það að geta náð einhverjum stöðugleika í heilsufari er leiðarljós.

Tíminn teygist að páskum og vori og Tjaldurinn hefur tekið land hér sunnalands sem þýðir vorkomu en vonandi fáum við aðeins vætuminna sumar þetta árið, það væri indælt.

 

kv.Guðrún María. 

 

 

Var það sjálfsagt að Seðlabankinn greiddi málskostnað Seðlabankastjóra gegn bankanum ?

Stundum verður maður orðlaus að lesa fréttir um þetta eða hitt, þessi frétt er ein af þeim.

Formaður bankaráðs í banka, tekur ákvörðun um að banki greiði kostnað við málaferli starfsmanns gegn sama fyrirtæki, punktur.......

Hver á í hlut, jú hið opinbera og skattborgarar þessa lands.

Auk þess hafði ráðherra fyrri ríkisstjórnar svarað fyrirspurn um kostnað þennan og upplýst Alþingi um annað en hér kemur fram......

 

Með öðrum orðum enn meira orðleysi .........

 

 

kv.Guðrún María. 

 

 

„Ég tók þessa ákvörðun“

Trúin og lífið.

Rakst á gamlan kveðskap í skúffunni.

 

 Það er oss hugarefni,

 hvort hlúum við að trú,

 hvort náum eða sjáum,

 nauðsyn þessa nú.

 

Þótt ryðjir braut með rökum,

reyndar færð ei séð,

þann kraft er æðri máttur

öllum oss fær léð.

 

Þegar glys og glaumur

gleymist þér um stund,

þá mun hjartað  leita

enn á nýja grund.

 

Þú getur alltaf beðið,

því bænir eru von.

Von um allt hið góða,

trú á Krist Guðs son.

 

Trúin á hið góða,

er trú á sjálfan þig,

trú á tilgang alls sem er,

lifir, hrærist, lífs um stig.

 

Ef lítur yfir líf þitt

og lætur hugann reika,

sérðu að vegir sannleikans,

sífellt sköpum skeika.

 

Því sannleikur er gullið

sem gefur hver af sér,

sálarinnar fjársjóður,

er sigrar þar og hér. 

 

Gmo. 

Samfylkingin gjaldfellir málflutning sinn í þinginu.

Það er afar leiðinlegt þegar slík atvik koma upp á þjóðþingi Íslendinga að málflutning þingmanna sé ekki hægt að bera fram fyrir börn í uppvexti eins og virðist eiga við í þessu tilviki.

Jafnframt er hér um að ræða varaformann stjórnmálaflokksins Samfylkingarinnar sem gjaldfellir allan málflutning flokksins, hvers eðlis sem er.

Ef ég hefi skilið rétt er sá hinn sami flokkur ekki tilbúinn til þess að ræða efnislega skýrslu Hagfræðistofnunar þess efnis að engar varanlegar undanþágur fáist fyrir Ísland  við aðild að Evrópusambandinu sem flestir vissu nú að væri raunin sem hafa kynnt sér málin.

Samfylkingin var eigi að síður afar dugleg við það að telja landsmönnum trú um hina ýmsu möguleika þess efnis að fá undanþágur frá skilyrðum sambandsins á síðasta kjörtímabili eftir að umsókn var send inn án þess að kanna þjóðarvilja til þess hins sama.

 

kv.Guðrún María. 

Kallaði ráðherra „helvítis dóna“

Til hamingju Ísland.

Ég fagna því að núverandi stjórnarflokkar hafi tekið af skarið varðandi þetta mál, en raunin er sú að meirihluti þjóðarinnar er andsnúinn þvi að ganga í þetta bandalag að svo komnu máli en aðferðafræði fyrri ríkisstjórnar þess efnis að sækja um aðild, ÁN ÞESS AÐ SPYRJA ÞJÓÐINA, voru mistök þeirra er þar sátu, og þau hin sömu mistök urðu m.a þess valdandi að þeir flokkar komust ekki aftur að valdataumum.

Eins stórhllægilegt og það nú var að fylgjast með þáverandi stjórnarmeirihluta leika tveimur skjöldum í máli þessu fram og til baka þar sem annar flokkur var andsnúinn aðild en hinn ekki, þá hefur það einnig verið vægast sagt sérstakt að sjá hluta Sjálfstæðismanna taka upp vasaklútana og tala um svik núverandi flokka í þessu máli, líkt og núverandi ríkisstjórn skyldi framfylgja stefnu vinstri flokkanna sem sátu áður, varðandi þetta eina mál. Afar sérstakt en það atriði að una lýðræðislegum meirihluta mála í sínum flokkum virðist vera nokkuð á reiki þar á bæ.

Raunin er sú að ætíð skyldi þjóðaratkvæðagreiðsla viðhöfð áður en haldið er í slíka vegferð, sem ekki var gert af hálfu fyrri stjórnarmeirihluta og eins og áður sagði þýddi það að viðkomandi var vísað frá valdataumum í kosningum.

Þar veldur hver á heldur.

 

kv.Guðrún María. 

 

 

Fagna því að umsóknin sé dregin til baka

Evrópusambandspólítíkin og sannleikurinn.

Hversu margir fulltrúar fyrrverandi ríkisstjórnarflokka, töldu landsmönnum trú um það að við Íslendingar gætum fengið undanþágur frá stefnu Evrópusambandsins í hinum ýmsu málum ?

Hvað olli því að vitneskja um það að aðildarríki fengju ekki neitt nema tímabundnar undanþágur sem var fyrir hendi á þeim tíma, var ekki meðferðis í þeim hinum sama málflutningi ?

Skyldi það ekki vera ágætt dæmi um hráskinnaleik pólítikur sem og lýðræðisleysi að einn stjórnmálaflokkur sem hefur það á stefnuskrá að ganga í Evrópusambandið sama hvað tautar og raular skuli hafa getað fengið annan flokk sem var andvígur aðild með sér í stjórnarsamstarf með þeim skilyrðum að sá hinn sami tæki þátt í því afdalalýðræði að koma Evrópusambandsumsókn gengum þingið án þess að spyrja þjóðina álits í því efni ?

Samstarfið varðandi þau hin sömu mál í þeirri ríkisstjórn var síðan heil ópera af hinum ýmsu uppákomum.

 

kv.Guðrún María. 

 

 

 

 

 

Ísland gat ekki stytt sér leið

Sannarlega er breytinga þörf.

Ég fagna því mjög að sjá yfirsýn félagsmálaráðherra yfir þann málaflokk sem hér um ræðir, þar sem ég er innilega sammála henni um að gagngerra kerfisbreytinga sé þörf.

Skortur á þjónustu sem og samhæfingu aðila allra er vinna eiga að hagsmunum eins og sama einstaklings með tvígreindan sjúkdóm s.s geðræn vandamál og fíkn er alvarlegur hér á landi, og raunveruleg meðferðarúrræði virðast ekki fyrir hendi fyrr en viðkomandi hefur rekist á umhverfi sitt með afgerandi hætti, á einhvern handanna máta.

Tilraunir til þess að fela einkaaðilum þjónustu varðandi meðferðarúrræði í formi styrkja frá ríkinu er eitthvað sem því miður hefur þannig verið úr garði gert að eftirlit og yfirsýn samasem ábyrgð fylgir ekki verkefninu s.s það atriði að barnavernd veit ekki af þvi að einstaklingar undir lögaldri gangi út úr meðferð á Vogi........ kanski sama daginn og viðkomandi kom þangað inn þar sem ekki er samstarf á milli þeirra hinna sömu aðila, eða þannig var það alla vega......, þegar ég þekkti til í því efni.

Barn greint með geðrænan kvilla sem ekki fékk þjónustu á Bugl, og geðdeildir fullorðinna urðu að vista  í neyð, varð að meðtaka það að þar var ekki sama þjónusta sökum þess að barnið mátti ekki vera meðal fullorðinna.

Þjónusta á Bugl kom loks til sögu ekki vegna þess að barnaverndaryfirvöld hefðu áorkað slíku heldur var það Lögreglan sem fór með barnið á Bugl þegar móðirin var úrvinda af þreytu á sínum tíma og kom þá loks til sögu innlögn, þeim góðu mönnum sem þar komu til sögu  má lengi þakka, þar sem loks var raunveruleg meðferð varðandi vanda við að etja fékk meðferð aðila sem höfðu sérþekkingu á slíku.

Síðan hefur vissulega mikið vatn runnið til sjávar og reynsla og upplifun mín sem aðstandanda einstaklings með vanda sem slíkan við etja sem og tökum kerfisins á því hinu sama á hverjum tima, er eitthvað sem varla er hægt að skilgreina lengur.

Eigi að síður veit ég það nú í dag sem ég aldrei hefði samþykkt fyrir rúmum hálfum áratug að afglæpavæðing varðandi canabis er eitthvað sem einungis er tímaspursmál hvenær yfirvöld koma til með að skoða alvarlega, hvað varðar kostnað við löggæslu í landinu frá a- ö.

Neysluna ætti nefnilega að færa inn á heilbrigðissviðið þar sem sjúkir fíklar gætu fengið sína skammta í apótekum, þar sem yfirsýn yfir vandamálið yrði til staðar, sem aftur myndi aftengja undirheimastarssemi að stórum hluta til og minnka umfangið.

Heilbrigðissviðið sem og félagsmálayfirvöld þurfa hins vegar að vera þess umkomin að taka á vanda þeirra sem eru alvarlega veikir, þar sem úrræði þurfa að haldast í hendur hjá hvoru kerfi fyrir sig.

 

kv.Guðrún María. 

 

 

 

 

 

 

 

 

Ungmennum í vanda veitt aðstoð

Heilsan og bætiefnin.

Undanfarnar vikur hefi ég lesið og lesið og lesið ýmsan fróðleik sem finna má á netinu um efnafræðilegan skort á bætiefnum hinum ýmsu sem hugsanlega kunna að orsaka hina ýmsu kvilla sem hrjá okkur mannfólkið.

Sá lestur hefur aukið mér fróðleik, þar sem ég hefi hvoru tveggja kynnt mér, annars vegar fróðleik óhefðbundinna lækninga ásamt læknisfræðilegum skýringum.

Ástæðan var sú að ég uppskar sveppasýkingu í meltingarfæri m.a, í fyrsta skipti á ævinni, eftir inntöku pensillíns, en ég tók ekki inn AB mjólk meðferðis eins og ég hefi stundum gert vegna þess að ég hefi verið að upplifa mjólkuróþol um nokkurt skeið og því sneitt hjá mjólkurvörum, en þess má geta að þessa tegund af pensillíni hafði ég ekki áður tekið inn.

Allt þetta vesen var viðbót við axlarbrot og tilheyrandi  stoðkerfisvandamál sem voru þó nægileg fyrir og ég er að vinna í sífellt í sjúkraþjálfun.

Eftir þennan lestur um hinn ýmsa fróðleik um krankleik og bætiefnaskort sem og allra handa mögulega sjúkdóma virðist það vera að það er að æra óstöðugan að ætla sér að reyna að fara eftir öllu sem maður les um það sem " maður ætti að taka inn til þess að bæta heilsuna " EN hins vegar tel ég að vort heilbrigðiskerfi mætti innihalda meira af mælingum um það hvaða efnaskortur kann hugsanlega að hrjá manninn, ekki hvað síst er aldur færist yfir sem og áhrif mataræðis og gerlaflóru í líkamanum á almennt heilbrigði.

Það eru jú meltingarfærin sem þurfa að virka sem skyldi til þess að vinna efni úr fæðunni. og fæðan þarf að innihalda þau nauðsynlegu efni sem líkaminn þarf.

Til þess að meltingarfærin starfi eðlilega þarf líkaminn jafnframt, alla þá mögulegu  hreyfingu  sem hver getur áorkað, það skiptir miklu máli.

Það atriði að ganga þótt maður geti ekki hlaupið skiptir miklu máli við að halda vöðvum líkamans starfhæfum, þar sem allt vinnur saman til hjálpar og ganga hvern dag er eitthvað sem endalaust skyldi leggja áherslu á.

Að lokum fræðsla og lestur um heilbrigði almennt sem og það sem hrjáir hvern á hverjum tíma er vitneskja sem nýtist til þess að reyna að feta veg skynsemi við inntöku bætiefna hvers konar, þar sem ég vildi sjá fleiri mæla þörf einstaklinga fyrir slíkt, með það að markmiði að koma í veg fyrir sjúkdóma sem bætiefnaskortur kann að orsaka.

 

kv.Guðrún María.