Tilraunir Samfylkingarþingmanns, til yfirklórs í stærsta lýðskrumi síðari ára.

Raunin er sú að langt er síðan að þingmenn vissu að tillögugerð sú sem stjórnlagaráð skilaði af sér væri EKKI efni í stjórnarskrá, nema að litlu leyti, og um það hið sama ríkti ekki nokkur einasta sátt.

Hráskinnaleikur þess efnis að setja málið óunnið í ráðefandi þjóðaratkvæðagreiðslu var til þess að toppa flest annað í þessum lýðskrumsleikaragangi flokka þeirra sem setið hafa við stjórnvöl landsins.

Álit Feneyjanefndarinnar tók síðan undir gagnrýni þá sem áður hafði komið fram á tillögugerðina sem betur hefði verið unnið með áður en málið var sett í þjóðaratkvæði með tilheyrandi kostnaði.

 

 

kv.Guðrún María. 

 

 

Valgerður: Mér er ómögulegt að þegja

Tilkoma stjórnlagaráðsmanna í póltík, grefur endanlega tilganginn um stjórnlagaþing.

Það er ekki öll vitleysan eins hér á landi, heldur aðeins mismunandi, annað verður ekki sagt.

Tilgangur stjórnlagaþings, ellegar skipaðs ráðs stjórnvalda er farinn veg allrar veraldar þegar fulltrúar þeir sem þar sátu hafa ákveðið að bjóða sig fram til þings í baráttu gegn þeim sem þá hina sömu skipuðu í ráð þetta.

Þvílíkt og annað eins sjónarspil er vandfundið, og eins og áður sagði er ekki öll vitleysan eins, heldur aðeins mismunandi.

 

 

kv.Guðrún María. 

Líkti forseta Alþingis við Trampe greifa

Lýðskrumsflugeldasýningin um nýja stjórnarskrá er í boði sitjandi stjórnvalda.

Núverandi ríkisstjórn efndi til stjórnlagaþings og eyddi fjármunum í fundahald og kosningar til þess hins sama undir formerkjum lýðræðisins. 

KOSNINGAR ÞÆR SEM FRAM FÓRU VORU DÆMDAR ÓLÖGLEGAR, og hvað gerði þessi ríkisstjórn ?

Hún sniðgekk dóminn og SKIPAÐI efstu menn úr hinni ógildu kosningu í " stjórnlagaráð " með öðrum orðum pólítiskt ráð sitjandi stjórnvalda í landinu.

Ráð sem síðan kom saman og skilaði tillögum sem EKKERT VAR GERT MEÐ , innan þings og málið síðan sett hráunnið í þjóðaratkvæðagreiðslu, svona til þess að gera eitthvað þott það hið sama kostaði verulega fjármuni úr ríkissjóði, rétt eins og skipun í stjornlagaráðið.

Þvílík og önnur eins vinnubrögð og farið hafa fram sem ákvarðanir sitjandi valdhafa í máli þessu eru eitthvað sem lengi  verður í minnum haft og mun lúta sérstakri söguskoðun í framtíð sem furðulegt fyrirbæri á stjórnmálasviðinu hér á landi.

Þessu til viðbótar hafa hinir skipuðu fulltrúar stjórnlagaráðs, sem VG og Samfylking skipuðu úr hinni ógildu kosningu, ruðst fram sem handhafar sannleika og réttlætis allra handa og eru komnir í framboð til Alþingis með þann hinn sama sannleika, hver um annan þveran, sem þeir sjálfir skópu og hafa ekkert við að athuga þótt, verulega margir séu allsendis ekki sama sinnis.

Þessi tilraun til þess að endurskoða stjórnarskrá vora hefur því sjálfkrafa fallið um sjálft sig að mínu viti og hvers konar tilraunir stjórnarþingmanna til þess að bera í  bætifláka fyrir þróun þessa máls bera flestar að sama brunni.

Núverandi flokkar höfðu ekki bein í nefinu til þess að taka ákvörðun um að kjósa aftur, ellegar að fresta máli þessu þegar ljóst var að tillögur þessar væru ekki grunnur að nýrri stjórnarskrá nema síður væri.

 

kv.Guðrún María. 

 

Líkti Framsóknarflokknum við flugeld

Um daginn og veginn.

Ég var svo einstaklega heppin að fara í Reykjavíkina daginn fyrir óveðrið, en hér í Fljótshlíðinni hefur ekki snjóað eins og fyrir sunnan en snælduvitlaust veður eigi að síður, það versta sem ég hefi upplifað hér, með ösku og moldroki sem tilheyrir í þessum veðuraðstæðum hér.

 Mér varð hugsað til þess í dag að það væri ferlegt að komast ekki út fyrir veðri og fór að velta fyrir mér hvað ég ætti að gera innanhúss, en prjónaskapur og þrif urðu meginverkefni dagsins, eins og oft áður, ásamt því að skjótast út og loka öskutunnunni sem dansaði opin í vindinum.

Ég fór svo að velta því fyrir mér af hverju manni fyndist svo ferlegt að komast ekki út, þar sem aðra daga þegar maður kemst út, eyðir maður deginum samt sem áður innandyra amk. 80 %. alla jafna.

Jú þegar náttúruöflin skerða frelsismöguleikana hvað útivist varðar þá bregst maður við með því að reyna að finna " meira að gera " innanhúss þann daginn af því maður kemst ekki út.

Ég þurfti alla vega ekki að berjast um í snjósköflum heldur einungis að þurrka ösku úr gluggum, og það má þakka fyrir.

 

 

kv.Guðrún María. 

 

 

 

 

 

" Byltingarlýðskrumið " um gerð stjórnarskrár fellur á tíma, sem betur fer.

Hver og einn sem fylgst hefur með máli þessu og þróun þess er margs vísari í afskaplega undarlegri meðferð sitjandi valdhafa, við tilraun til þess að endurskoða stjórnarskrá landsins.

Með trommuslætti og upphrópunum um einhverjar breytingar .... bara.... einhver veginn, alveg sama þótt mikill meiri hluti sérfræðinga segi tillögugerðina lélega og ónothæfa á köflum.

Samt skal hamrað á því að klára málið " einhvern veginn............ "  að virðist til þess að þjóna pólítískum hagsmunum þeirra er telja sig riddara  " byltingarinnar á Austurvelli " allra handa, til bjargar þjóðinni úr kreppu...... og hafa hugsað sér að bjóða sig aftur fram til þings.

 

 

kv.Guðrún María. 

 

 

„Víst er hægt að klára þetta“

Hvað eru mannréttindi ?

Eru það mannréttindi að lifa af fullum launum á vinnumarkaði án menntunnar á Íslandi ?

Ef svo er þá hefur það hið sama verið illa sýnilegt nokkurn tíma hér, og við hvern ætti að ræða í því sambandi ?

Kanski þá sem semja um þau hin sömu kaup og kjör ?

Kanski þá sem sitja við valdatauma og leggja á skatta ?

 

Hversu mikið bil skal vera til staðar millum ófaglærðra og menntaðra ?

Er þar um að ræða eðlilegan mun í launakjörum eða ekki ?

 

Hve miklu kostar eitt þjóðfélag til að reyna að skilgreina hin ýmsu vandamál með skýrslugerð og málþingum sem velta vandamálum fram og til baka eins og bolta ?

Oftast án nokkurra einustu úrlausna í kjölfarið, því miður. 

Hefur einhverju verið kostað til að finna út hvað telst vera mannréttindi hér á landi í framkvæmd laga landsins og hvar ákvarðanir gagnvart þegnunum kunni að brjóta á þeim hinum sömu mannréttindum ?

Ekki mér vitanlega, en við erum afar upptekin af mannréttindabrotum annars staðar í heiminum.

 

Því miður.

 

kv.Guðrún María. 

 

 

 

 

 

Umræðan of mikið um biðraðir

Veðurfarsbreytingar staðreynd, hvort sem mönnum líkar betur eða ver.

Það hefur verið stórfurðulegt að upplifa þau hlýindi sem hafa verið hér sunnanlands um miðjan vetur undanfarið, annað verður ekki sagt.

Enn vitum við ekki hversu kalt vorið kann að verða og þá hverjar afleiðingar það hið sama kann að hafa fyrir jarðargróður sem skiptir máli fyrir bændur.

Staðveður þ.e veður þ.e logn í nokkra daga er eitthvað sem illa er sýnilegt í þessu veðurfari sem verið hefur.

Veðurfarsbreytingar er eitthvað sem maður upplifir.

 

kv.Guðrún María. 

 

 

Allt orðið iðjagrænt

Menn vildu ekki tilvísanakerfi í heilbrigðisþjónustu hér á landi.......

Er það eitthvað eðlilegt að Pétur og Páll sem búa á höfuðborgarsvæðinu geti valið milli sjálfstætt starfandi geðlækna með beinu aðgengi og niðurgreiðsluþáttöku ríkisins, meðan Jóna og Margrét sem búa úti á landi hafa ekki kost á slíku ,þar sem  enginn geðllæknir starfar sjálfstætt, sökum þess að þar búa svo fáir.

Auðvitað er þetta fáránlegt system en raunin er sú að starfssemi sérfræðilækna á tá og fingri sjálfstætt á höfuðborgarsvæði, með niðurgreiðsluþáttöku ríkisins undir formerkjum " valfrelsis,  hefur aftur komið niður á kostnaði við háskólasjúkrahúsin sem og því atriði að manna þar stöður í fullu starfi.

Þarna er mismunun á ferð millum landsmanna eftir búsetu, þar sem landsbyggðin notar og nýtir grunnþjónustustig heilbrigðis, heilsugæslu sem er alla jafna eina þjónustan, en á höfuðborgarsvæðinu geta menn valið millum fjölda sérfræðinga og gengið þangað beint með niðurgreiðslu hins opinbera samkvæmt samningum við lækna.

Lyfjanotkun sem patentlausn náði nýjum hæðum fyrir hrun á veraldarvísu en hefur að ég tel breyst all nokkuð á stofnunum hins opinbera eftir hrun, en mér var kunnugt um Norðurlandamet hér eitt árið í þessum efnum en heimsmet vissi ég ekki um.

Það kemur hins vegar ekki sérlega á óvart.

 

 kv.Guðrún Maria.

 

 

 

Á geðlyfjum árum saman

Verður Framsóknarflokkurinn stærsti stjórnmálaflokkurinn ?

Það er nokkuð síðan ég spáði því sem hér kemur fram í þessari könnun, þar sem það er einfaldlega svo að Framsóknarflokkurinn sem einn flokka varð fyrstur til þess að endurnýja í sinni forystusveit eftir hrunið, hefur með duglegum þingmönnum á þingi, staðið vörð um þjóðarhagsmuni svo mest sem verða má.

Framsóknarflokkurinn þorir að hlusta á þjóðina og leita lausna sem taka mið af þeim raunveruleika sem við blasir hverju sinni, til framfara fyrir land og þjóð.

Það kæmi mér ekki á óvart að flokkurinn myndi sigla upp að hlið Sjálfstæðisflokksins hvað fylgi varðar áframhaldandi.

Til hagsbóta fyrir land og þjóð.

 

kv.Guðrún María. 

 

 

 

 

Framsókn bætir enn við sig fylgi

Hinn þjóðfélagslegi kostnaður sem lendir á Lögreglu, heilbrigðis og félagskerfinu er eitthvað sem þarf að skoða.

Hér er á ferð þörf og tímabær umræða, þar sem fyrir það fyrsta er verið að tala um að koma undirheimastarfsemi sem þjóðir heims hafa barist við í áraraðir upp á borðið, með annars konar nálgun við vandamálið, sökum þess að sú nálgun sem valin hefur verið skilar ekki nægilegum árangri.

Hinn þjóðfélagslegi kostnaður Lögreglu, heilbrigðis og félagskerfa sem fer í það, að taka á því að vandamálið sem slíkt, minnkar lítið sem ekki neitt með þeirri nálgun sem verið hefur, er eitthvað sem segir það að þörf sé að staldra við og skoða málin.

Það dugar ekki að koma með fræðslu í skóla þar sem hræðsluáróður fer fram af hálfu gamalla fíkla með reynslusögum allra handa, því miður, en stöðugur áróður er eitthvað sem stjórnvöld hafa ekki efni á öðruvísi.

Næstum hvern dag ársins er lögreglan upptekin við að taka einhvern undir áhrifum fíkniefna í umferðinni, á meðan brýst einhver annar ef til vill  inn og stelur.

Með öðrum orðum lögregla gerir ekki annað á meðan.

Dulinn kostnaður til félags og heilbrigðismála af endalausu framboði fíkniefna úr undirheimastarfssemi sem þrífst sökum þess að við því hinu sama hefur ekki tekist að sporna við, með þeim aðferðum sem hafa verið við lýði, er hvoru tveggja nauðsynlegt og þarft að skoða.

Aldrei skyldum við hætta að berjast gegn neyslu sem slíkri en það er hollt að skoða aðferðafræðina við það hið sama.

 

kv.Guðrún María. 

 

 

 

 

 

 

Vitfirring í vímuefnamálum