Matadorleikur með hluti í jarðhita.

Í upphafi skyldi endir skoða og það ævintýri sem farið var af stað með fyrir ári síðan við innkomu einkaaðila i orkubissness í Hitaveitu Suðurnesja var upphaf allsherjar Olsen Olsensspils allra handa sem endaði í meðförum Samkeppnisstofnunar og menn áfrýja nú.

kv.gmaria.

OR og Hafnarfjörður áfrýja

Geta Íslendingar ekki hafið endurvinnslu á pappír ?

Mér er það enn óskiljanlegt af hverju við Íslendingar getum ekki komið á fót endurvinnslu á pappír hér á landi . Hvað veldur því ?

Er kostnaður of mikill eða hvað ?

Pappírsnotkun þjóðarinnar er enn í óhófi vil ég leyfa mér að segja þótt ýmislegt sé í gangi til að reyna að sporna við þeirri þróun.

Skyldi koma sá tími að eitthvert dagblað myndi hefja hér rekstur án auglýsinga innanborðs ?

Hygg ég yrði fyrsti áskifandi að slíku blaði.

kv.gmaria.

Eigum við að viðhalda heilbrigðissjónarmiðum varðandi innflutning á hráu kjöti eða ekki ?

Ég hvet alla til þess vel með því atriði hvort sitjandi stjórnvöld í landinu taki mark á Margréti Guðnadóttur prófessor varðandi það atriði að innflutningur á hráu kjöti geti orsakað áður óþekkta sjúkdóma hingað til lands.

Við Íslendingar höfum verið þess umkomnir að viðhafa sóttvarnir hér á landi vegna einangrunar sem eyþjóð án landfræðilegra landamæra annarra en Atlantshafsins ?

Munu stjórnvöld fara fram á undanþágur frá matvælalöggjöf ESB í þessu efni eða ekki ?

Mun ábyrgð innflytjenda slkrar vöru til landsins vera skilvirklega til skjala skráð við innleiðingu löggjafar um innleiðingu hrávöruinnflutnings ?

kv.gmaria.

Hefur þú mótað þér skoðun á því, hvernig samfélag þitt á að vera ?

Vilt þú hafa stórnvöld við stjórnvölinn sem taka allar ákvarðanir fyrir þig um þína hagi frá því smæsta upp í það stærsta ?

kv.gmaria.

 

Skortir langtímasýn í íslenskum stjórnmálum, bera fjölmiðlar ábyrgð ?

Það skyldi þó aldrei vera að okkur Íslendinga skorti langtímasýn við ákvarðanatöku af ýmsum toga ekki hvað síst í skipulagsmálum og heildarstefnumótun hvers konar.

Það atriði að redda öllu á fjögurra ára tímabili millum kosninga litar og hefur all nokkuð litað ýmsa skipan mála í voru þjóðfélagi, þar sem annað hvort er aðalmálum og endurskoðun á þeim slegið á frest fyrir veigaminni mál til úrlausnar ellegar skyndiákvarðanir teknar til þess að þjóna háværum kröfum um sérhagsmuni.

Fulltrúar upplýstrar umræðu í landinu starfandi fjölmiðlar ættu að endurspegla vilja fólksins til umræðu um þau mál sem sitjandi ráðamenn hverju sinni eygja ekki sýn á einhverra hluta vegna en er staðan sú að slíkt sé fyrir hendi ?

Í nýtilkomnu markaðsþjóðfélagi er það því afar mikilvægt fyrir það fyrsta að fjölmiðlar geti viðhaft gagnrýni og sýn á þjóðfélagið allt en ekki hluta þess sem og að þeir hinir sömu séu ekki erindrekar einstakra stjórnmálaflokka ellegar fjársterkra eigenda fyrirtækja við kostun auglýsinga.

Ég vissi það áður en veit það enn betur nú að því miður er skortur fyrir hendi á nauðsynlegri umfjöllun hér á landi um áhrif ákvarðanatöku mála sem rædd eru á Alþingi Íslendinga og ekki er nógu vel fjallað um að mínu mati.

Upplýst umræða án áróðurs eða einhliða sjónarmiðabirtinga með og á móti sitt á hvað er eitthvað sem almenningur í landinu á að eiga kost á.

Þessa finnast þó undantekningar það skal tekið fram.

kv.gmaria.

Sveitarstjórnarmálin á ráðstefnu hjá Frjálslynda flokknum.

Sat ráðstefnu í dag um sveitarstjórnarmál hjá Frjálslynda flokknum, þar sem Magnús Þór Hafsteinsson var með fróðleik í farteskinu í sínu erindi.

Kjartan Eggertsson fræddi okkur um störf á vegum flokksins í Reykjavík, og Magnús Reynir miðlaði úr viskubrunni sínum um störf í sveitarstjórn vestur á Ísafirði.

Fínn fundur og fræðandi, um störf okkar manna í Frjálslynda flokknum, sem og það atriði að taka þátt í stjórnmálastarfi á sveitarstjórnarstiginu.

kv.gmaria.

 

Einu sinni er allt fyrst....

Hvað kunna svangir mávar ekki að gera ? Ég taldi mig nú vita það af frásögnum að álftir gætu varið sig en hins vegar er ekki víst að þær hafi þurft að gera það þarna áður og því allsendis ekki óhugsandi að það hafi gerst sem sjónarvottur lýsti fyrr.

kv.gmaria.

Sílamávarnir „sýknaðir"

Ríkisstjórn Seðlabankans.

Ekki man ég eftir ferðalögum forsætisráðherra eða utanríkisráðherra til Noregs, Danmerkur eða Svíþjóðar nýlega eigi að síður tekur utanríkisráðherra það fram að þetta sér verk " ríkisstjórnar " og Seðlabankans. Ráðamenn hafa hins vegar ferðast svo mikið að varla er von að maður fylgist með.

kv.gmaria.

Fyrsti þáttur í lengra ferli

Verkefni stjórnmálamanna framtíðarinnar.

Hvers konar orkusparnaður með öllum þeim mögulegu leiðum í því efni er verkefni sem liggur á borði stjórnmálamanna, og til þess að landsmenn geti með góðu notast í ríkara mæli við hjólhestinn til ferða úr og í vinnu þurfa hjólreiðastígar að vera til staðar samhliða akbrautum.

Stækkun fjölmennari svæða ætti einnig að fylgja það atriði að þjónustustofnanir hins opinbera flytjist af einum og sama punktinum nær íbúum.

kv.gmaria.

174 þúsund km hjólaðir

Hvers vegna, hvað veldur þessarri skyndilokun línuveiða ?

Þetta er svona ekki frétt, fremur tilkynning að virðist því það vantar alveg upplýsingar um það hvers vegna þarf að setja bann á línuveiðar með skyndilokun. Línuveiðar eru náttúruvæn aðferð við veiðar mér best vitanlega og þvi væri mjög fróðlegt að vita hvers vegna þetta er í gangi.

kv.gmaria.

 

Bann við línuveiðum á Hornvík