Trú, von og kærleikur.

Bænin er máttug það skal ég vitna um hér og nú því hafi ég ekki getað sagt það áður þá segi ég það nú á hátíð frelsara lífs vors og ljóss því sú er þetta ritar leitaði ásjár St. Jósefssystra í Hafnarfirði helgina fyrir jólahátíðina til fyrirbæna fyrir sínum nánustu og sér hvað varðar erfiðar aðstæður af heilsufarslegum toga og viti menn tveimur dögum seinna koma loks úrlausnir þar sem góðir menn lögðu meira á sig til þess að finna þær hinar sömu úrlausnir fyrir barn , í þessu tilviki barnið mitt sem á mig að en ekki annað foreldri á lífi sér til handa.

Í gærkveldi kom ég að bási í Jólaþorpinu í Hafnarfirði þar sem St. Jósefssystur voru með sölubás og ég táraðist af þakklæti sem mér fannst ég finna svo mjög og ég keypti litla styttu sem ég pakkaði inn í jólapakka sem ég ritaði sem gjöf til mín frá barninu sem fékk loks hjálpina sem það þurfti, barninu mínu sem fékk að koma heim til mín af sjúkrastofnun þrjá tíma á aðfangadaginn til þess að vera með mér yfir blájólahátíðina sem gerði það að verkum að kærleikurinn jók veg vonarinnar um bata og trúin á hið góða sat eftir hjá öllum hlutaðeigandi.

kv.gmaria.

Athugasemdir

[Jón Valur Jensson (IP-tala skráð) 25.12.2006 kl. 02:41]

Til hamingju með þetta, Guðrún María, og gleðilega jólahátíð. -- Lausnin var Guðs sjálfs, hann hefur alltaf lausn á málum, þótt allar okkar leiðir hafi reynzt ófærar. Hann vill þó líka að við tökum þátt í þessu, eins og með fyrirbæn. Ég hygg að Karmelsystur í klaustrinu hafi verið að hjálpa þér, því að St Jósefssystur eru farnar af landi brott, það bezt ég veit -- þar var orðin mannekla og flestar komnar á góðan aldur og eru nú erlendis, þær sem lifa, -- í Danmörku og e.t.v. Hollandi. En þegar sárust er þörfin fyrir fyrirbæn, leita ég til Karmelsystra, eitt símtal nægir, og þær biðja saman af trúarhita sínum og einlægri ást á Guði og fólkinu í þessu landi. Gleðileg jól, allir lesendur.

[Guðrún María Óskarsdóttir., 25.12.2006 kl. 02:57]

Sæll Jón Valur það er rétt hjá þér að það eru Karmelssystur sem ég á við í þessu tilviki og mikið er það rétt að góður Guð finnur lausnir að lokum því allt þetta ár hefur verið samfellt í mínu tilviki án úrlausna og erfiðleikar ágerst en ef vonin er til og leiti hún á veg trúarinnar með ósk um hjálp sannleika og réttlætis þá hafa hvað mig varðar opnast dyr allt í einu , eftir langa göngu allt að því örmagna í ástandi sem slíku.

Gleðileg jól til þín og þinna og þakka þér ábendinguna.

 kv.

gmaria.

[Svanur Sigurbjörnsson, 26.12.2006 kl. 02:29]

Já þökk sé því góða fólki sem sér um heilbrigðisþjónustu og hjálp við aðstandendur.   Nunnureglur á Íslandi hafa verið miklir frumkvöðlar í byggingu spítala á Íslandi, t.d. Landakot,  St. Jósefs Hfj og í Stykkishólmi.  Þó að ég sé ekki trúaður og ekki endilega hrifinn af öllum lifimáta kaþólskra nunna og klerka verður ekki frá þeim tekið að óeigingjarnt starf þeirra og tileinkun hjálparstarfi hefur gefið landinu mikið.  Guð eður ei, þau eiga kærar þakkir skilið.