Hlustar félagsmálaráðherra Samfylkingarinnar á fólkið í landinu ?

Eldri borgarar á Suðurlandi hafa skorað á ríkisstjórnina að draga skerðingar þær sem tóku gildi 1.júli til baka, og í raun ætti það að vera fyrsta verk félagsmálaráðherra að ræða þessi mál í ríkisstjórn við fyrsta tækifæri.

hér er hluti úr fréttinni.

"

Kjaranefnd félags eldri borgara á Selfossi telur að þessi fyrirheit hafa brostið, með aðgerðum þeim sem komu til framkvæmda 1. júlí.
Við tökum undir þær kröfur, sem koma fram í grein Grétars Snæs Hjartarsonar í MBL 6. ágúst að ríkisstjórnin dragi þegar í stað til baka þær skerðingar sem urðu  á kjörum öryrkja og aldraðra, er tóku gildi 1. júlí s.l. með breytingu á lögum um almannatryggingar.

Við álítum að lífeyrir aldraðra og öryrkja sé sambærilegur taxtalaunum opinberra starfsmanna,  en fjármálaráðherra hefur sagt að ekki verði hreyft við þeim. Einnig er það krafa okkar að lífeyrir öryrkja og aldraðra verði  hækkaður frá og með 1. júlí til samræmis við hækkanir hjá launþegum ASÍ og BSRB.“

Þessi krafa er réttmæt og eðlileg.

kv.Guðrún María.

Vilja breytinguna burt

Athugasemdir

[Gísli Gunnlaugsson (IP-tala skráð) 9.8.2009 kl. 10:51]

Ég held að þessir ráðherra sé siðblindur.  Þegar allir héldu að verið að leita að sökudólgum bankahrunsins, fer hann að leita að glæpamönnum í hópi atvinnulausra og öryrkja.  Hann telur það mikið sanngirnismál að kostaður við endurreisn bankakerfisins fari fram með þeim hætti að skuldir fólks verði hækkaðar svo að þeir sem skulda mest borga mest í hruninu.  Hann berst fyrir persónuvernd og vill koma á nafnlausum innhringingum í stjórnarstofnanir svo embættismenn fái afsökun til að fylgjast með fólki a la Statsi í Austur-Þýskalandi.  Ég er ósköp feginn að hafa aldrei hitt þennan mann.