Framkvæmdastjóri LÍÚ, bregst illa, við tillögum Frjálslynda flokksins.

 

 Friðrik J. Arngrímsson var í fréttum í kvöld þar sem sá hinn sami mótmælti tillögum Frjálslynda flokksins þess efnis að innkalla veiðiheimildir í sjávarútvegi. Hann sagði að útgerðarmenn hefðu litið á heimildirnar sem " eign " og þannig farið betur með þær.

Fiskimiðin eru hins vegar eigi að síður sameign þjóðarinnar og svo kveður á um í lögum landsins.

Set hér inn frétt af xf.is.

 "

Nú er rétti tíminn til að breyta kvótakerfinu .

Guðjón Arnar Kristjánsson sagði í viðtali við ríkissjónvarpið í kvöld að nú væri lag að gera breytingar á kvótakerfinu. Staðreyndin er sú að stærstur hluti kvótans er veðsettur. Nú þegar bankarnir eru komnir í ríkiseigu telur Frjálslyndi flokkurinn að nú sé lag til að gera breytingar á kvótakerfinu. Guðjón vill að nú verði veiðiheimildirnar innkallaðar og skuldir sjávarútvegsins yfirteknar og hvortveggja sett í sjóð. Aflaheimildir verði svo leigðar út úr sjóðnum og tekjurnar notaðar til þess að greiða niður skuldirnar. Menn hefðu eftir sem áður aðgang að aflaheimildunum en losnuðu við skuldirnar. Guðjón boðaði þingályktunartillögu frá Frjálslynda flokknum um þetta mál jafnvel strax á morgun.

"

kv.gmaria.

Athugasemdir

[Ásgerður Jóna Flosadóttir, 14.10.2008 kl. 00:27]

Sæl, frábært hjá Guðjóni formanni Frjálslynda flokksins.  Vonandi fær þetta góðan hljómgrunn.  Þetta leysir mörg mál.

[Árni Gunnarsson, 14.10.2008 kl. 00:47]

Viðbrögð Friðriks J. voru fyrirséð og óþarft að eyða um þau orðum. Hitt er fagnaðarefni að þessi tillaga Guðjóns Arnars hefur þó fengið umföllun í Sjónvarpinu og þetta aumkunarverða lygakjaftæði um ábyrgðarfulla nýtingu fiskistofnanna gefur efni til rökræðu. Og það tækifæri verðum við að reyna að nýta okkur með því að raða fólki til átaka og háværrar baráttu sem aldrei fyrr.

En þetta er góð byrjun Guðrún María.  

[Guðrún María Óskarsdóttir., 14.10.2008 kl. 01:50]

Sæl Ásgerður, já þetta er sannarlega rétti tímapunkturinn til að breyta þarna málum.

Sæll Árni.

Það hefur aldrei brugðist frá stofnun Frjálslynda flokksins að þegar sá hinn sami kemur í ljósvakamiðla með breytingar á fiskveiðistjórn þá bregst LÍÚ ókvæða við þ.e. stjórn LÍÚ.... sem varla hefur fundað með félagsmönnum áður.

kv.gmaria.