Íslenzkir smábátasjómenn í útrýmingarhættu ?

Það kom nýlega fram í fréttum að stórkostleg fækkun hefur orðið í stétt smábátasjómanna á Íslandi.

Það má með hreinum ólíkindum telja að stjórnvöld í landinu skuli hafa látið allt til þessa dags, þróun sem þessa ganga fram án aðgerða.

Þar er hins vegar um að ræða hina " heilögu kú " sem er orðin geld og heitir kvótakerfi sjávarútvegs og ekki hefur mátt svo mikið sem hrófla við, til umbreytinga til handa einstaklingsfrelsinu.

Hvergi er hægt að finna eins mikla andstæðu framkvæmdar stefnu eins flokks eins og Sjálfstæðisflokksins , hvað varðar almannahagsmuni og einstaklingsfrelsi til athafna og í kerfisfyrirkomulagi í sjávarútvegi.

Flokkur sem setið hefur við stjórnvölinn í áratugi, hefur ekki lyft litla fingri gagnvart þróun sem þarna á sér stað, í þessu sambandi þar sem þó er um að ræða grunnþátt þess einstaklingsfrelsis til athafna til handa manninum til þess að skapa sér lífsbjörg og vinna þjóð sinni gagn.

Lífsbjörg sem lagt hefur grunn að framförum öllum hér á landi við sjósókn gegnum aldir.

Á þetta hið sama frelsi eru nú lagðar kvaðir og höft þannig að afkomumöguleikar við smáútgerð eru ekki þeir hinir sömu og um stórútgerð væri að ræða, og það sem sorglegast er, markvisst hefur verið unnið að færa kvóta úr höndum smáútgerða til stórútgerða á tíma kvótakerfisins.

Það er þó deginum ljósara að slíkt gengur gegn flestu því sem aðrar þjóðir viðhafa og sökum þess er tilkomið álit Mannréttindanefndar Sameinuðu þjóðanna til handa okkur Íslendingum.

Sú vanvirðing við íslenzka sjómannastétt  gegnum tíð og tíma sem felst í núverandi þróun mála er alger.

kv.gmaria.

 

 

 

 

Athugasemdir

[Jón Snæbjörnsson, 17.9.2008 kl. 08:21]

sjáið þið fyrir ykkur ef td læknar fengju beina samkeppni hingað til landsins td frá austulöndum

[Georg Eiður Arnarson, 17.9.2008 kl. 20:25]

Stal þessari . kv .

[Guðmundur Jónas Kristjánsson, 17.9.2008 kl. 21:29]

Sæl Guðrún.

Auðvitað á að gefa sjóstangaveiði og línuveiðar frjálsar. Þær veiðar
munu ALDREI ógna jafnvæginu í sjónum. Einn hvalur étur á við
nokkra togaraveði. Af hverju er ekki gengið markvíst að stórgrisjun
hvala og sela hér við land til að halda einhverju jafnvægi í líf-
ríkinu. Hvenær urðu hvalir og selir rétthærri en ísl.sjómenn og íslenzkar sjávarbyggðir?

Slík nauðsynleg grisjun þyrfti ekki að fara hátt! 

[Sigurgeir Jónsson, 17.9.2008 kl. 23:30]

Landsamband Smábátaeigenda ályktaði á aðalfundi sínum fyrir 11 mánuðum að kvótakerfið skyldi fest í sessi.Fækkun smábátaeigenda er tilkomin vegna þess að útgerðarmenn smábáta hafa selt báta sína eða hætt að gera þá út og selt kvótann.Allt gert af útgerðarmönnumm smábáta sjálfum.Smábátaeigendur hafa markað sér skíra stefnu í stjórnun fiskveiða sem ég hef trú á að Frjálslyndiflokkurinn muni taka upp sem sína stefnuskrá innan tíðar,til hagsbóta fyrir land og þjóð og fyrir flokkinn sjálfan, stefnan mun auka fylgi hans og koma honum í ríkisstjórn.Kv.