Og fjármagnseigendur urðu allt í einu að fiskimönnum á Íslandi !

Innleiðing markaðsbraskkerfis í íslenskan sjávarútveg kom til á dögum Þorsteins Pálssonar sjávarútvegsráðherra Sjálfstæðislflokksins í þáverandi ríkisstjórn við stjórnvölinn við að lögleiða frjálst framsal millum útgerðaraðlia í kvótakerfinu.

Eins og oft áður við framkvæmd lagasetningar hér á landi var viðbótum við lögin um fiskveiðistjórn bætt inn í upphafleg lög innan við tíu ára gömul þá án þess að skynja að breytingin gekk í eðli sínu algjörlega gegn fyrstu grein laganna varðandi það atriði að úthlutun aflahemilda myndi ekki eignarétt eða óafturkallanlegt forræði einstakra aðila yfir heimildum þessum.

Þarna var um að ræða mestu mistök síðustu aldar á stjórnmálasviðinu, þar sem lög þessi voru látin halda gildi sínu án endurskoðunar þrátt fyrir hina sýnilegu ágalla þeirra hinna sömu sem eðli máls samkvæmt hefði verið möguleiki að leita réttarbóta á fyrir dómsstólum en því var ekki að heilsa því hver skoðun á fætur annarri ,hver á aðra þvera var fyrir hendi af hinum lærðu lögspekingum, sitt á hvað, sem sannarlega var ekki almenningi til hagsbóta í þessu efni.

Með lögum skal land byggja og ólögum eyða....

en baráttan fyrir því að eyða ólögum er enn fyrir hendi því miður þar sem réttlát krafa hvers manns til þess að njóta jafnræðis á grundvelli laga í landinu skal og skyldi virt í hvívetna.

kv.gmaria.

 

Athugasemdir

[Jón V Viðarsson, 1.6.2008 kl. 03:29]

Jesú sagði: Seljið kvótan ikkar til stórútgerðamannana og þið munuð uppskera miljónir króna í gróða. Í dag segja stórútgerðamenn: Leifið kvótanum að koma til okkar og þið fáið að leigja af okkur kvóta í staðinn. Já sniðug hugmynd segja lærisveinarnir og svo kærum við til mannréttiindadómstólsins og förum fram á bætur.