Það verður engin þjóðarsátt um aðgerðaleysi ríkisstjórnarinnar.

Formaður Samfylkingarinnar kallar á þjóðarsátt um verðbólgubál í landinu ?

Hvað næst, eiga menn að senda ríkisstjórn aðgerðaleysisins þakkarbréf fyrir að aðhafast nákvæmlega ekki neitt ?

Ef verkalýðshreyfingin ætlar að dansa dansinn um þjóðarsátt í verðbólgubálinu þá gæti það hugsast að eitthvað hefði týnst af tilgangi og markmiðum þeirra hinna sömu að mínu viti.

Hygg að Íslendingar hafi fengið all nóg af hvers konar þjóðarsáttarhugmyndum andvaralausra stjórnvalda um ástand mála.

kv.gmaria.

 

Athugasemdir

[Ásthildur Cesil Þórðardóttir, 2.5.2008 kl. 13:10]

Þessi kona á ekkert inni til að fara fram á þjóðarsátt.  EKKERT.  Það væri nær að þau færu frá og sett yrði þjóðstjórn.  Ég styð það.

[Hallgrímur Guðmundsson, 2.5.2008 kl. 18:24]

Sammála, Slæðudrottningin er sjálfsagt núna að leita eftir þjóðarsátt í Kanada en þangað flaug hún í dag. Það er mikilvægara að flækjast þangað frekar en sinna landsmálunum og til dæmis benda Einari K Guðfinnssyni á að mannréttindi verða ekki brotin áfram með kvótakerfinu, eins og hann virðist ætla sér að gera.

[Guðjón H Finnbogason, 2.5.2008 kl. 19:36]

Sæl frænka.Það er með ólíkindum hvernig Samfylkingin starfar,ég hefði ekki trúað því að þau létu glepjast svo af hægristefnunni,hvar finnst frjálslinntur vinstriflokkur.Er eitvað betra að auka kvóta á þorski,mér finnst ekki sama hvernig úthlutun fer fram ég vil ef aukið verður að það verði byggðarkvóti.

[Jóhann Elíasson, 2.5.2008 kl. 19:45]

Hvað er þjóðarsátt í hugum þessa fólks?  Því er auðsvarað: Þjóðarsátt er ekkert annað en að þeir sem höllustum fæti standa í þjóðfélaginu taki á sig auknar byrðar, helst verði engin eða í versta falli lítil launahækkun, þeir taki á sig verðhækkanir þegjandi og hljóðalaust, allt þetta þýðir kaupmáttarrýrnun.  En nær "þjóðarsáttin" ekki til ráðherra ríkisstjórnarinnar?  Ættu þeir ekki sýna gott fordæmi?

[Guðmundur Jónas Kristjánsson, 2.5.2008 kl. 20:39]

100% sammála Guðrún sbr blogg mitt í gær um Þjóðarsáttarhjal
Ingibjargar.

[Kolbrún Stefánsdóttir, 2.5.2008 kl. 22:31]

 þetta mjög fyndinn pistill hjá þér GMaría þó hann sé um alvarlegt mál. Mér sýnist þessi uppástunga ISG um þjóðarsátt bara brandari. " Æ semjið þið um þetta ég er busy við að leita mér að stól í Brussel "  Líka mjög fyndið hvernig Heklumenn plötuðu forystu ASI til að auglýsa bíla hjá sér.  Æ ég er í hláturstuði og sé Geir fyrir mér ráfandi um heiminn með kort til að merkja við hvar hann sé búinn að koma til að styðja Ingibjörgu sína í sætisbaráttunni í Öryggisráðið. "Kína já Afganistan já."  Samfylkingin vill nota þessa sveiflu á genginu  til að æsa fólk sem aðhyllist skyndilausnir til að hallast að inngöngu í ESB og þess vegna gera þau ekki neitt. Við teljum niður til dagsetningar á svari til Mannréttindanefndar um kvótadóminn. Það verður fróðlegt að sjá hvort það falla á tíma. Já ég er sammála því að verkalýðshreyfingin er alveg búin geyspa golunni. Enda eru þeir flestir í Samfylkingunni og við sjáum hvernig hún aktar í þessum málum.kveðja Kolla.