Atvinnutækifæri Íslendinga liggja í sjávarútvegi og landbúnaði.

Um leið og stjórnvöld fást til þess að endurskoða kerfi sjávarútvegs og landbúnaðar hér á landi, kann að koma til atvinnusköpun og nýting þjóðhagslegra verðmæta í einu landi umfram núverandi væntingar hvers konar.

Við eigum ekki að vera föst í álika kerfisfyrirkomulagi og var í gildi hér á landi fyrir öld síðan með leiguliðasystemi hér á landi við aðkomu að atvinnu.

Núverandi innrammaðir kvótar á fiskistofna og mjólk eru arfleifð fortíðar sem hamla framþróun og þýða stöðnun og ónýtt tækifæri þegna að aðkomu við vinnu í atvinnugreinum þessum sem aftur þýðir skort á nauðsynlegri samkeppni innanlands.

Lögin um fiskveiðistjórn kveða  til dæmis, á um að fiskimiðin séu sameign þjóðarinnar og að þau hin sömu eigi að stuðla að atvinnu og byggð i landinu EN hver maður veit að þar fara orð á blaði því túlkun og framkvæmd er allt önnur en laganna hljóðan.

Það er óásættanlegt og því verkefni stjórnvalda að tryggja að lög í landinu þjóni tilgangi sínum í einu og öllu.

kv.gmaria.

 

 

Athugasemdir

[Sigurgeir Jónsson, 1.5.2008 kl. 08:45]

Lögin um að fiskimiðin séu sameign þjóðarinnar og að afnot af þeim skapi ekki eignarrétt, hafa ekkert lagalegt gildi. Um þetta eru  því sem næst allir lögfræðingar sammála. Og eftir þessu ákvæði í lögum um stjórn fiskveiða hefur aldrei verið farið, enda er það ekki hægt. Hins vegar er í þessum sömu lögum, frá 1990 kveðið á um frjálst framsal aflahlutdeildar milli aðila, og eftir því hafa útgerðaraðilar farið alla tíð frá setningu laganna.Og Íslenska ríkið hefur farið eftir þessu ákvæði laganna líka alla tíð, með því að skattleggja verðmæti aflaheimilda við sölu.íslenska ríkið hefur aðeins nýtt sér þau 12000.tonn sem því var úthlutað með byggðakvóta. Íslenska ríkið hefur aldrei og hefur heldur ekki nú, eignarlegan rétt á íslensku fiskimiðunum frekar en það á loftið yfir landinu, en það getur að sjálfsögðu bætt úr því með lögum. En að sjálfsögðu mega slík lög aldrei skerða þann rétt sem fólk eða fyrirtæki hafa þegar áunnið sér.Ekkert frekar en ef álverið í Straumsvík yrði fyrirvaralaust svift vinnsluleyfi vegna þess að mengunarkvótinn sem það nýtir hefði farið á uppboð .Stefna Frjálslyndaflokksins að ríkið þjóðnýti veiðiréttinn með lögum og að hann verði þinglýst eign íslenska ríkisins er því bótaskyld og breytir að sjálfsögðu engu hvort það verður gert á einu ári eða tuttugu.Veðheimildum bankanna á veiðiráttinn hefur líka verið þinglýst til allt að tuttugu ára.Tillögur Frjálslyndaflokksins um þjóðnýtingu og uppboð aflaheimilda er því óraunhæf, auk þess sem slíkt uppboð myndi leggja landsbyggðina í rúst. Stefnu flokksins hlýtur því að verða breytt á næsta landsfundi ef hann á að lifaKv