Flókið skattkerfi, hverra hagur ?

Ég sakna þess nokkuð að heyra meira af hugmyndum um flatan tekjuskatt sem gangi jafnt yfir fyrirtæki sem einstaklinga. Raunin er sú að notkun stjórnmálamanna á sköttum sem stýritæki hefur verið afar léleg hér á landi þar sem alls konar tímabundin gjaldtaka hefur endað sem viðvarandi gjald um áraraðir og nægir þar að nefna álögur á eldsneyti sem nota átti í vegagerð en hefur endað í misvel forgangsröðuðum verkefnum gegnum tíð og tíma.

Aukining þjónustugjalda í heilbrigðiskerfið undanfarin áratug er sérkapítuli út af fyrir sig þar sem meginhluti vergra þjóðarútgjalda rennur til starfsseminnar og skattprósenta í tekjuskatti hefur lítið breyst en gjöld hækkað að mun við notkun á hinum ýmsu sviðum frá grunnþjónustu til sérfræðiþjónustu.

Þjónustugjöld eru eitt form skattöku og síhækkandi gjaldtaka jafngildir hækkandi sköttum á landsmenn sem nota þurfa þjónustu þessa.

Skattkerfið og gjaldtöku hins opinbera hvers konar þarf því að taka saman sem heildarmynd.

kv.gmaria.

 

 

 

Athugasemdir

[Hólmdís Hjartardóttir, 16.4.2008 kl. 02:38]

Kórrétt

[Þórarinn Þ Gíslason (IP-tala skráð) 16.4.2008 kl. 04:33]

Sæl Guðrún.

Hverju orði sannara,en hvað þarf til að menn

RYÐJI ÞENNAN FRUMSKÓG!

Kær kveðja,og takk fyrir góða pistla.

[Guðmundur Jónas Kristjánsson, 17.4.2008 kl. 00:33]

Sæl Guðrún.

Verð að játa að vera óklár að tjá mig um flatann tekjuskatt á einstaklinga og fyrirtæki. Þarf að skoðast mjög vel í sambandi við
alla tekjujöfnun og framfærslu. Engu að síður þarf að stokka skatt-
kerfið upp frá grunni. Þar  erum við sammála eins og í mörgu öðru..

[Leifur Þorleifs (IP-tala skráð) 17.4.2008 kl. 01:18]

Já þeir hafa laumað ýmislegu á kostnað skattborgaranna t.d. voru komugjöld á heilsugæslustöðvum fyrst ætluð í starfsmannasjóð starfsmanna heilsugæslu og svo breyttist það í beina gjaldtöku eða skatt ,síðan þá hafa stjórnmálamenn seilst dýpra og dýpra ofan í vasa almennings og á meðan hækkaði tekjuskattur aldrei sem fyrr.

Fjölskyldufólk fær greiddar svo kallaðar "barnabætur" sem duga ekki fyrir virðisaukaskatti á útlögðum kostnaði. Fyrirtæki væru löngu farin á hausinn ef þau þyrftu að búa við sömu kjör! Og þetta viðurstyggilega orð að þiggja bætur með börnum ætti að útrýma úr íslenskri tungu!!! Því þetta er einfaldlega endurgreiðsla á útlögðum kostnaði sem er ekkert nema sanngjarnt að ríkið

greiði og í dag er hann allt of lágur.

Elli og örorkuþegar hafa einnig fengið sinn skerf af ránshendinni.

Það er langt síðan að ég uppgvötaði að stjórnmálamenn væru ekki fyrir almenning í landinu,heldur fyrir valdablokkirnar í landinu og til að fullnægja valdasýki sinni,kannski of djúpt í árina tekið en ef þeir væru virkilega að stjórna fyrir okkur almenning mundi það sýna sig af verkum þeirra en svo er ekki,þeir eru allavega ekki seinir á sér þegar forsvarsmenn fyrirtækja fara að væla eða vilja ásælast orkulindir okkar og þá er það allt í okkar þágu!!!

[Guðrún María Óskarsdóttir., 17.4.2008 kl. 01:23]

Já ég tel ýmissa breytinga þörf í þessu sambandi.

kv.gmaria.

[Guðrún María Óskarsdóttir., 17.4.2008 kl. 02:16]

Sæll Leifur.

Gott innlegg, þakka þér fyrir.

Hagsmunir fjölskyldu sem einingar hafa lítt eða ekki verið virtar í voru skattkerfi og eins skringilegt og það er og fremur refsing að ganga í hjónaband heldur en hitt.

kv.gmaria.