Getur íbúum fjölgað endalaust án þess að samgöngumannvirki séu til í nægilega miklu magni ?

Hvort kemur á undan hænan eða eggið ? Það er að vissu leyti áleitin spurning fyrir íbúa á Stór Reykjavíkursvæðinu sem illa eða ekki komast um innanbæjar á annatímum, hvað þá út af svæðinu á tíma eins og Verslunarmannahelgi til dæmis.

Hvað veldur því að verkefni eins og Sundabraut tefjast um svo og svo mikinn tíma ?

Loksins komst á vegasamband milli Hafnarfjarðar og Kópavogs með breikkun Reykjanesbrautar, auðvitað eftir dúk og disk og endalausar bílaraðir því ekki var hægt að hefjast handa fyrr en of seint eins og venjulega.

Satt best að segja finnst mér fara frekar litið fyrir hinni skipulagslegu ábyrgð sveitarfélaga á framkvæmdaþætti þjónustunnar í raun við íbúa sem greiða sín gjöld til hins opinbera.

Fór ábyrgðin kanski í eitthvert ferðalag ?

kv.gmaria.

Athugasemdir

[Jóna Kolbrún Garðarsdóttir, 24.3.2008 kl. 02:50]

Héðinsfjarðargöngin eru miklu mikilvægari en samgöngubætur í Reykjavík, það er svo þjóðhagslega hagkvæmt að bora göng í gegnum fjöll út um allar trissur og láta okkur höfuðborgarbúana sitja á hakanum

[Ásthildur Cesil Þórðardóttir, 24.3.2008 kl. 14:17]

Það þarf að gera fólki kleyft að búa úti á landi, þá ætti þessi umferðarþungi að léttast eitthvað.

[Ásgerður Jóna Flosadóttir, 24.3.2008 kl. 19:17]

Sæl Guðrún, flott nýja myndin af þér og til hamingju með nýja starfið sem aðstoðarmaður Grétars Mar Jónssonar þingm. FF.  Tek undir góðan pistil þinn.

kkv.

Ásgerður Jóna Flosadóttir

[Guðrún María Óskarsdóttir., 24.3.2008 kl. 23:55]

Sæl Jóna.

Þessar framkvæmdir hafa tafist of lengi.

Sæl Cesil.

Það er alveg rétt.

Sæl Ásgerður.

Já takk fyrir það, ég var í svoddan myndastuði í gær að ég þurfti náttúrulega að skipta um mynd af mér líka. Og takk fyrir góðar óskir um nýja hlutastarfið, það er spennandi viðfangsefni.

kv.gmaria.